Jobo 17:1-16
17 Ke wele moya, matsatsi a ka a fedile,Lebitla le nkemetse.+
2 Ke potapotilwe ke basomi+Mme ke bona* boitshwaro ba bona ba borabele.
3 Ke kopa o ntshepise hore o tla ntshireletsa.
Ke mang e mong ya tla nthusa?+
4 O entse hore ba se ke ba eba le temoho,+Ke ka hoo o sa ba atlehiseng.
5 Batho bana ba re ba tla arolelana dintho le metswalle ya bona,Ha bana ba bona ba bolawa ke tlala.
6 O entse hore batho ba ntshome*+E le hore ba ntshwele ka mathe sefahlehong.+
7 Mahlo a ka a fifatswa ke matshwenyeho+Mme maoto le matsoho a ka a jwalo ka moriti.
8 Batho ba lokileng ba a makala ha ba mponaMme ba se nang molato ba tshwenngwa ke batho ba lahlileng Modimo.*
9 Motho ya lokileng o ntse a tshwareletse tseleng ya hae+Le motho ya matsoho a hlwekileng o ntse a eba matla.+
10 Le ha ho le jwalo, lona kaofela le ka tla mme la tswela pele ho phehisana le nnaKa ha ha ke a fumana le ya mong ya bohlale hara lona.+
11 Matsatsi a ka a fetile,+Merero ya ka le ditakatso tsa pelo ya ka di senyehile.+
12 Ba re bosiu ke motshehare,Ba boetse ba re, ‘Kganya e tlameha ebe e haufi hobane ho lefifi.’
13 Haeba ke leta, Lebitla* e tla ba lehae la ka,+Ke tla ala diphate tsa ka lefifing.+
14 Ke tla hweletsa sekoti*+ ke re, ‘O ntate wa ka!’
Ho diboko* ke re, ‘O mme wa ka le ausi wa ka!’
15 Jwale tshepo ya ka e hokae?+
Ke mang ya e bonang?
16 Tshepo ya ka e tla theohela dikeiting tsa Lebitla,*Ha kaofela ha rona re theohela leroleng.”+
Dintlha tse qetellong ya sehloho
^ Kapa: “dula hodima.”
^ Ka Seheberu: “O entse hore ke be maele.”
^ Kapa: “ke bakwenehi.”
^ Kapa: “lebitla.”
^ Kapa: “tshenyane.”
