Jobo 24:1-25
24 Ke hobane’ng ha Ea Matla ’Ohle a sa beha nako?+
Ke hobane’ng ha ba mo tsebang ba sa bone letsatsi la hae?*
2 Batho ba chechisa matšoao a meeli,+Ba utsoa mehlape e le hore ba e ise makhulong a bona.
3 Ba nka litonki tsa likhutsana,*Ba tšoara poho ea mohlolohali ho fihlela a ba patala.*+
4 Ba leleka bafutsana tseleng,
Ba sa khoneng ho itšireletsa ba lokela ho ipatela bona.+
5 Bafutsana ba batlana le lijo joaloka litonki tsa naha+ lefeelleng,Ba batlela bana ba bona lijo lehoatateng.
6 Ba kotula tšimong ea motho e mong*Ba be ba thonake lirapeng tsa morara tsa motho ea khopo.
7 Ba qeta bosiu ba sa apara,+Ha ho na ntho eo ba e aparang ha ho bata.
8 Ba kolobisoa ke pula ea lithaba,Ba itšoarella mafikeng hobane ho se na moo ba ka itšireletsang.
9 Khutsana e nkoa letsoeleng la ’mè oa eona+’Me ba nka liaparo tsa mofutsana ho fihlela a patala.+
10 Ka lebaka leo, ba tsamaea ba hlobotseEbile ba ba qobella ho nka mangata a koro* ba lapile.
11 Ba sebetsa ka thata letsatsing le chesang, har’a marako a lirapa tsa morara.*
Ba hata lihatelong tsa veine leha ho le joalo ba nyoriloe.+
12 Batho ba shoang baa bobola motseng,Ba lemetseng haholo ba kopa thuso+Empa Molimo ha a na taba.*
13 Ho na le ba hloileng khanya,+Ha ba hlokomele litsela tsa eonaEbile ha ba li latele.
14 ’Molai o tsoha ka meso,O bolaea batho ba hlokang thuso le ba futsanehileng.+
Bosiu teng oa utsoa.
15 Motho ea febang o emela hore letsatsi le likele,+O re, ‘Ha ho na motho ea tla mpona!’+Ebe o koahela sefahleho sa hae.
16 Ha ho e-ba lefifi, batho ba khopo ba kenela batho matlong a bona.
Motšehare ba ikoalla ka tlung.
Ha ba rate khanya.+
17 Ha ba tšabe lefifi joaloka batho ba bang empa ha e e-ba hoseng baa tšaba.
Ba tloaelane le liketso tse tšosang tsa lefifi.
18 Empa metsi a ba hohola kapele.*
Naha eo ba lulang ho eona e tla rohakoa.+
Ba ke ke ba khutlela lirapeng tsa bona tsa morara.
19 Feela joalokaha komello le mocheso li pshesa metsi a lehloa,Lebitla* le nka ba entseng sebe.+
20 Ba tla laoloa ke bo-’mè* ba bona ’me ba jeoe ke liboko.
Ba ke ke ba hlola ba hopoloa.+
Ba sa lokang ba tla robeha joaloka sefate.
21 Ba hlasela mosali ea sa khoneng ho ba le bana’Me ba tšoara mohlolohali hampe.
22 Molimo* o tla sebelisa matla a hae ho felisa batho ba matlaLeha ba ka ba matla, ha ba tsebe hore na ba tla phela kapa che.
23 Molimo o ba lumella hore ba itšepe le hore ba ikutloe ba sireletsehile+Empa o shebile ntho e ’ngoe le e ’ngoe eo ba e etsang.*+
24 Ba phahamisoa ka nakoana ebe ka mor’a moo ha ba sa le eo.+
Ba theoleloa tlase+ le ho bokelloa joaloka batho ba bang,Ba heloa joaloka koro.*
25 Ke mang ea ka reng ke leshanoKapa a re ntho eo ke e buang ha se ’nete?”
Linaletsana
^ E leng letsatsi la hae la kahlolo.
^ Kapa: “bana ba se nang bo-ntate.”
^ Kapa: “e le tebeletso.”
^ Kapa mohlomong: “ba kotula furu tšimong.”
^ Ka Seheberu: “lijo-thollo.” Sheba Tlhaloso.
^ Kapa mohlomong: “Ba hata oli har’a marako.”
^ Kapa mohlomong: “Molimo ha a ahlole motho leha e le ofe ka lebaka la sena.”
^ Ka Seheberu: “O lebelo holim’a metsi.”
^ Kapa: “Sheole.” Sheba Tlhaloso.
^ Ka Seheberu: “popelo.”
^ Ka Seheberu: “O.”
^ Ka Seheberu: “litsela tsa bona.”
^ Kapa: “lijo-thollo.”
