Jobo 35:1-16
35 Elihu a boela a re:
2 “Na kannete u lumela hore u lokile hoo u ka reng,‘Ke lokile ho feta Molimo’?+
3 U re, ‘Na u* na le taba hore ke etsa se lokileng?
Na ho ka be ho le molemo ha ke ne ke entse sebe?’+
4 Ke tla u arabaKe be ke arabe le metsoalle ea hao+ e nang le uena.
5 Sheba leholimong ’me u bone,U shebe maru+ a u phahametseng.
6 Ha u etsa sebe, na u mo utloisa bohloko?+
Ha u etsa liphoso tse ngata, na lia mo ama?+
7 Haeba u lokile, u mo fa eng,O fumana eng ho uena?+
8 Lintho tse mpe tseo u li etsang li ama batho feelaLe tse ntle tseo u li etsang lia ba ama.
9 Batho baa lla ha ba hlorisoa haholo.
Ba llela ho imolloa ho batho ba matla* ba ba hlorisang.+
10 Empa ha ho na motho ea reng, ‘O kae Molimo, ’Mopi oa ka e Moholo,+Ea etsang hore ho binoe lipina bosiu?’+
11 O re ruta+ hore re be bohlale ho feta libata+Ebile o etsa hore re be bohlale ho feta linonyana.
12 Batho baa lla empa ha a arabe,+Ka lebaka la boikhohomoso ba batho ba khopo.+
13 Molimo ha a mamele batho ba etsang eka baa lla.*+
Ea Matla ’Ohle ha a ba utloe.
14 Ha a u mamele le ho feta ha u tletleba ka hore ha u mo bone.+
Nyeoe ea hao e ka pel’a hae. Kahoo, u lokela ho mo emela.+
15 Ha a e-s’o u bitse a halefile hore u tl’o ikarabellaHape ha a mamela mantsoe a se nang thuso ao u a buileng.+
16 Jobo o phahamisa molomo ’me o bua lintho tse se nang thuso.
O bua lintho tse ngata tseo a sa li tsebeng.”+
Linaletsana
^ Ho ka etsahala hore o bua le Molimo.
^ Ka Seheberu: “letsohong la.”
^ Kapa: “leshano.”
