Lipesaleme 26:1-12
Pesaleme ea Davida.
26 Nkahlole hle Jehova hobane kea tšepahala.+
Ke tšepile Jehova ke sa thekesele.+
2 Ntlhahlobe hle Jehova ’me u nteke.
Hloekisa menahano ea ka e ka hare-hare* le pelo ea ka.+
3 Ke lula ke nahanisisa ka lerato* la haoEbile ke tsamaea tseleng ea hao ea ’nete.+
4 Ha ke motsoalle* oa batho ba leshano.+
Ha ke tloaelane le batho ba patang seo ba leng sona.*
5 Ke hloile ho ba har’a batho ba etsang lintho tse mpe+Ebile ke hana ho etsa setsoalle* le ba khopo.+
6 Ke tla hlapa matsoho a ka ho bontša hore ha ke na molato.
Ke tla potoloha aletare ea hao Jehova
7 Hore ke utloahale ha ke u leboha+Le hore ke bolele mesebetsi eohle ea hao e hlollang.
8 Jehova, ke rata ntlo eo u lulang ho eona,+Sebaka seo khanya ea hao e leng ho sona.+
9 U se ke oa ntlosa le baetsalibe+Kapa oa felisa bophelo ba ka le batho ba ratang ntoa,*
10 Bao matsoho a bona a etsang lintho tse soabisangLe bao letsoho la bona le letona le ratang ho nka tjotjo.
11 Ha e le ’na, ke tla lula ke tšepahala.
Mpholose* ’me u nkhauhele.
12 Leoto la ka le eme sebakeng se sireletsehileng.+
Ke tla rorisa Jehova har’a phutheho e kholo.+
Linaletsana
^ Kapa: “maikutlo a ka a ka hare-hare.” Ka Seheberu: “liphio tsa ka.”
^ Kapa: “lerato le tšepahalang.” Sheba Tlhaloso.
^ Ka Seheberu: “lule le.”
^ Kapa: “Ke qoba batho ba ikhakanyang.”
^ Ka Seheberu: “ho lula.”
^ Kapa: “le babolai.”
^ Ka Seheberu: “Ntopolle.”
