Lipesaleme 69:1-36
Ho motsamaisi. E letsoe ka molumo oa “Lipalesa.”* Pesaleme ea Davida.
69 Mpholose hle Molimo hobane ke haufi le ho khangoa ke metsi.+
2 Ke tetebetse seretseng se tebileng, moo ho se nang mobu o ommeng.+
Ke kene metsing a tebileng,Nokana e phallang e nkhohotse.+
3 Ke khathetse ke ho hoeletsa.+
Ke chele lentsoe.
Mahlo a ka a khathetse ke ho letela Molimo oa ka.+
4 Ba ntlhoileng ntle ho lebaka+Ba bangata ho feta moriri oa hlooho ea ka.
Ba batlang ho mpolaea,Lira tsa ka tse bolotsana* li se li le ngata.
Ba ile ba nqobella hore ke khutlise seo ke neng ke sa se utsoa.
5 Molimo, u tseba booatla ba ka,Molato oa ka ha oa pateha ho uena.
6 E se eka ba u tšepileng ba ke ke ba hlajoa ke lihlong ka lebaka la ka,’Musi oa Lintho Tsohle, Jehova oa mabotho.
E se eka ba u batlang ba ke ke ba tlotlolleha ka lebaka la ka,Molimo oa Iseraele.
7 Kea nyatsuoa ka lebaka la hao.+
Ke aparetsoe ke lihlong.+
8 Bana beso ha ba sa ntseba,Ke molichaba ho bana ba ’mè oa ka.+
9 Cheseho ea ka bakeng sa ntlo ea hao e tuka joaloka mollo ka pelong ea ka+Le lithohako tsa ba neng ba u rohaka li oetse holim’a ka.+
10 Ha ke ne ke ikokobetsa ka ho itima lijo,*Ke ne ke nyefoloa ka lebaka la seo.
11 Ha ke ne ke apara lesela le hoashang,*Ba ne ba ntšeha.*
12 Batho ba lulang keiting ea motse ba bua ka ’naLe matahoa a bina ka ’na.
13 Empa e se eka thapelo ea ka e ka fihla ho uenaKa nako e nepahetseng hle Jehova.+
Ka lebaka la lerato* la hao le leholo, Molimo,Nkarabe ’me u bontše hore u mopholosi oa ka ea tšepahalang.+
14 Mpholose seretseng.
U se ke oa ntlohela hore ke tetebele.
Mpholose ho ba ntlhoilengLe metsing a tebileng.+
15 U se ke oa lumella metsi a likhohola hore a tsamaee ka ’na+Kapa hore metsi a tebileng a ’metseKapa oa lumella hore seliba* se nkoenye.+
16 Nkarabe hle Jehova hobane oa nthata.*+
Nkele hloko hobane o mohau haholo,+
17 U se ke oa mpatela sefahleho sa hao.+
Nkarabe kapele hobane ke tšoenyehile.+
18 Nkatamele, u mpholose.
Ntopolle ka lebaka la lira tsa ka.
19 U tseba kamoo ke nyatsuoang, ke hlabisoang lihlong le kamoo ke tlotlolloang kateng.+
U bona lira tsa ka tsohle.
20 Pelo ea ka e bohloko ka lebaka la ho nyefoloa ’me leqeba la teng ha le fole.*
Ke ne ke lebelletse ho utloeloa bohloko empa ha ho na ea ileng a etsa joalo+Le hore ho be le ba ntšelisang empa ba ne ba le sieo.+
21 Ho e-na le ho mpha lijo ba ile ba mpha chefo,*+Ha ke ne ke nyoriloe ba ile ba mpha vinika hore ke e noe.+
22 E se eka tafole ea bona e ka ba sefi ho bonaLe katleho ea bona e be leraba.+
23 Mahlo a bona a fifale e le hore ba se ke ba bona,U etse hore matheka a bona a lule a thothomela.
24 U ba halefele,E se eka ba ka utloa bohale ba hao.+
25 Sebaka seo ba hlommeng litente ho sona* se ke se hloke baahi.
Ho se ke ha e-ba le motho ea lulang litenteng tsa bona.+
26 Ba lelekisa eo u mo otlileng,Ba ntse ba bua ka bohloko ba bao u ba hlokofalitseng.
27 Eketsa molato oa bona ka molato o mong,E se eka u ke ke oa ba nka e le ba lokileng.
28 Ba ke ba hlakoloe bukeng ea ba phelang,*+Mabitso a bona a se ke a ngoloa le a ba lokileng.+
29 Ke tšoenyehile ebile ke utloile bohloko.+
E se eka matla a hao a pholosang a ka ntšireletsa hle Molimo.
30 Ke tla binela lebitso la Molimo lithoriso,Ke tla mo tlotlisa ka ho mo leboha.
31 Sena se tla thabisa Jehova ho feta mahlabelo a lipoho,Ho feta lipohoana tse nang le manaka le litlhakoana.+
32 Ba bonolo ba tla bona molemo oa Molimo ’me ba thabe.
Lona ba sebeletsang Molimo, le khothale.
33 Jehova o mamela ba futsanehileng,+A ke ke a nyefola bahlanka ba hae ba botlamuoeng.+
34 Leholimo le lefatše li ke li mo rorise+Le maoatle le lintho tsohle tse phelang ka har’a ’ona.
35 Molimo o tla pholosa Sione+A be a tsosolose metse ea Juda.
Ba tla lula moo ’me ba e je lefa.*
36 E tla ba lefa la litloholo tsa bahlanka ba hae,+Ba ratang lebitso la hae+ ba tla lula ho eona.
Linaletsana
^ Kapa: “Likhahla.”
^ Kapa: “Ba ntlhoileng ntle ho lebaka.”
^ Kapa mohlomong: “Ha ke ne ke lla, ke itima lijo.”
^ Ka Seheberu: “nketsa maele.”
^ Kapa: “lerato le tšepahalang.” Sheba Tlhaloso.
^ Kapa: “sekoti.”
^ Kapa: “u na le lerato le tšepahalang.” Sheba Tlhaloso.
^ Kapa: “ebile ke haufi le ho nyahama.”
^ Kapa: “semela se chefo.”
^ Kapa: “litente tsa bona tse pota-potiloeng ke lerako.”
^ Kapa: “bukeng ea bophelo.”
^ E leng naha.
