Liproverbia 20:1-30
20 Veine e tla u tšehisa ka batho,+ joala bo morusu.+Mang kapa mang ea khelosoang ke tsona ha a bohlale.+
2 Tšabo eo morena a e bakang e tšoana le e bakoang ke ho rora ha tau.*+Mang kapa mang ea mo halefisang o beha bophelo ba hae kotsing.+
3 Ke ntho e hlomphehang hore motho a qobe ho pheha khang+Empa leoatla le leng le le leng le rata ho pheha khang.+
4 Ea botsoa ha a leme mariha,Kahoo, e tla ba mokopa-kopa nakong ea kotulo ha a se na letho.*+
5 Merero* e ka pelong ea motho e joaloka metsi a tebilengEmpa motho ea nang le temoho oa e kha.
6 Batho ba bangata ba ithorisa ka hore ba leratoEmpa ke mang ea ka fumanang motho ea tšepahalang?
7 Ea lokileng o phela ka botšepehi.+
Ho thaba bana* ba hae.+
8 Ha morena a lula teroneng ea hae hore a ahlole,+Mahlo a hae a lemoha* bokhopo bohle.+
9 Ke mang ea ka reng: “Ke hloekisitse pelo ea ka,+Ke hloekile, ha ke na sebe”?+
10 Likala tsa ho bekha tse qhekellang le litekanyo tse sa nepahalang,*Ka bobeli ba tsona Jehova oa li nyonya.+
11 Esita le ngoana* o tsebahala ka liketso tsa haeHore na boitšoaro ba hae bo hloekile ebile bo lokile.+
12 Tsebe e utloang le leihlo le bonang,Jehova o li entse ka bobeli ba tsona.+
13 U se ke oa rata boroko, ho seng joalo u tla futsaneha.+
Tsoha e le hore u be le lijo tse ngata.+
14 Moreki o re: “Ntho ena e mpe, e mpe!”
Ka mor’a moo oa tsamaea ebe joale oa ithorisa.+
15 Ho na le khauta le likorale* tse ngataEmpa lipuo tsa ea bohlale li bohlokoa ho li feta.+
16 Nka seaparo sa motho haeba a itlamme hore o tla patala sekoloto sa motho e mong.+
Haeba a itlamme hore o tla patala sekoloto sa mosali ea boitšoaro bo bobe,* u behe thepa ea hae paneng.+
17 Bohobe bo fumanoeng ka bolotsana bo monateEmpa ka mor’a moo, motho o tla tlala lehlabathe ka hanong.+
18 Merero e tla atleha* ha ho buisanoa.*+
U loane ntoa ea hao ka tataiso e bohlale.+
19 Motho ea ratang ho senya ba bang lebitso o tsamaea a ntša makunutu.+
U se ke oa ba motsoalle oa motho ea ratang ho seba.*
20 Mang kapa mang ea rohakang ’mè oa hae le ntate oa hae,Lebone la hae le tla tingoa ha ho e-ba lefifi.+
21 Ha motho a fumana maruo* ka meharo,A ke ke a thaba* qetellong.+
22 U se ke oa re: “Ke tla iphetetsa.”+
Tšepa Jehova+ ’me o tla u pholosa.+
23 Jehova o nyonya litekanyo tse sa nepahalang,*Likala tse qhekellang ha lia loka.
24 Mehato ea motho e laoloa ke Jehova.+
Motho a ke ke a utloisisa tsela eo a lokelang ho e nka.*
25 Ke leraba hore motho a itlame ka lepotlapotla hore o tla fa Molimo mpho+Ebe ka mor’a moo, ke hona a nahanisisang ka boitlamo boo a bo entseng.+
26 Feela joalokaha litlhoka li aroloa ho koro,*+Morena ea bohlale o tlosa batho ba khopo.+
27 Lintho tseo motho a li buang li* tšoana le lebone la Jehova,Le ntseng le mo hlahloba ka hare-hare.
28 Lerato le botšepehi li sireletsa morena.+
O tšehetsa terone ea hae ka lerato.+
29 Botle ba bahlankana ke matla a bona+’Me bokhabane ba maqheku ke moriri o moputsoa.+
30 Maqeba le matetetso a phekola* bokhopo,+Thupa e hloekisa pelo ea motho.
Linaletsana
^ Kapa: “taoana e moetse.”
^ Kapa mohlomong: “O tla batla nakong ea kotulo empa a ke ke a fumana letho.”
^ Kapa: “Menahano.”
^ Ka Seheberu: “bara.”
^ Kapa: “a sefa.”
^ Kapa: “Majoe a mabeli a ho bekha a boima bo fapaneng le linkho tse peli tsa ho bekha tse sa lekaneng.”
^ Kapa: “moshanyana.”
^ Kapa: “oa molichaba.”
^ Kapa: “e tla tiisoa.”
^ Kapa: “ha ho eletsanoa.”
^ Kapa: “ho eka ka molomo oa hae.”
^ Ka Seheberu: “lefa.”
^ Kapa: “Molimo a ke ke a mo hlohonolofatsa.”
^ Kapa: “majoe a mabeli a ho bekha a boima bo fapaneng.”
^ Kapa: “tsela ea hae.”
^ Ka Seheberu: “lijo-thollo.”
^ Ka Seheberu: “Phefumoloho ea motho e.”
^ Kapa: “hloekisa.”
