Mikea 5:1-15
5 “Lea itšeha,Lona baahi ba motse o hlaseloang.
Re thibeletsoe.+
Ba otla moahloli oa Iseraele lerameng ka molamu.+
2 Uena Bethlehema Efratha,+Uena motse o monyenyane haholo har’a metse* ea Juda,Ho uena ho tla hlaha ’musi oa Iseraele+Ea tla etsa thato ea ka, eo esale a le teng ho tloha mehleng ea boholo-holo.
3 Molimo o tla ba lahlaHo fihlela mosali ea lokelang ho beleha a beleha.
Bana babo kaofela ba tla khutlela ho sechaba sa Iseraele.
4 O tla ema a lise ka matla a Jehova+Le ka matla a lebitso le phahameng la Jehova Molimo oa hae.
Ba tla lula ba sireletsehile+Hobane puso ea hae e tla ba lefatšeng lohle.+
5 O tla etsa hore ho be le khotso.+
Ha Moasiria a hlasela naha ea rona a bile a hatakela litora tsa rona tse sirelelitsoeng ka thata,+Re tla khetha balisa ba supileng, re khethe likhosana* tse robeli har’a batho hore li mo loantše.
6 Ba tla hlasela naha ea Asiria ka sabole,+Ba hlasele le naha ea Nimrode+ likeiting tsa eona.
O tla re pholosa ho Moasiria+Ha a hlasela naha ea rona ’me a hatakela sebaka sa rona.
7 Ba setseng ba Jakobo ba tla ba har’a lichaba tse ngataJoaloka phoka e tsoang ho JehovaLe joaloka marotholi a pula holim’a limelaTse sa tšepeleng ho bathoLe tse sa ba emeleng.
8 Ba setseng ba Jakobo ba tla ba har’a lichabaLe har’a batho ba bangataJoaloka tau har’a libata tsa moruLe joaloka taoana har’a mehlape ea linku,E hlaselang le ho robakanya ha e fetaEbile ha ho na ea ka li pholosang.
9 Le tla hlola lira tsa lona,Kaofela ha tsona li tla felisoa.”
10 Jehova o re, “Letsatsing leo,Ke tla felisa lipere tsa lona le likariki tsa lona tsa ntoa.
11 Ke tla felisa metse ea naha ea lona,Ke heletse libaka tsohle tsa lona tse sirelelitsoeng ka thata.
12 Ke tla felisa boloi boo le bo etsang.*
Ha ho sa tla ba le ea etsang boselamose har’a lona.+
13 Ke tla felisa litšoantšo tsa lona tse rapeloang le lipilara tsa lona.
Le ke ke la hlola le inamela lintho tseo le li entseng ka matsoho a lona.+
14 Ke tla tlosa lipalo tsa lona tse halalelang*+Ke be ke felise metse ea lona.
15 Ke tla be ke halefile haholo ha ke iphetetsaHo lichaba tse sa kang tsa ’mamela.”
