Lipotso Tsa Bibele Lia Arajoa
Bophelo bo tla ba joang nakong e tlang?
Ke joang lefu la Jesu le etsang hore batho ba ratane?
Ha ho pelaelo hore batho ba ntse ba hatela pele litabeng tsa saense. Empa na ho na le mohla ba tla etsa hore batho ba ratane? Che. Batho ba kajeno ke baithati ebile ba meharo. Leha ho le joalo, Molimo o tšepisa hore bophelo ba rōna bo tla ntlafala.—Bala 2 Petrose 3:13.
Lentsoe la Molimo le re tšepisa hore ho na le nako eo ka eona batho ba tla ratana lefatšeng lohle. Ba tla phela ba sireletsehile ’me ho se motho ea tla ba ntša kotsi.—Bala Mikea 4:3, 4.
Boithati bo tla felisoa joang?
Motho e ne e se moithati ha Molimo a mo bōpa tšimolohong. Leha ho le joalo, motho oa pele e ile ea e-ba moetsalibe ka mor’a hore a ikhethele ho se mamele Molimo. Re futsitse boithati ho eena. Empa Molimo o tla sebelisa Jesu ho etsa hore batho ba boele ba phethahale.—Bala Baroma 7: 21, 24, 25.
Tumellanong le thato ea Molimo, Jesu o ile a shoa lefu la sehlabelo e le hore a tlose liphello tsa sebe sa Adama. (Baroma 5:19) Kahoo, Jesu o entse hore re be le bokamoso bo molemo ’me ha re sa tla hlola re e-ba baithati.—Bala Pesaleme ea 37:9-11.
Mohlomong u ka Rata le
MOLULA-QHOOA
Litšepiso Tsa Molimo li Tla Phethahala
Lintho tse ngata tseo Molimo a ileng a li profeta li se li phethahetse, athe tse ling tsona ke hona li tla phethahala ka moso.
MOLULA-QHOOA
Haufinyane Molimo o Tla Felisa Mahlomola ’Ohle
Re tseba joang hore Molimo o tla felisa lintho tsohle tse re bakelang mahlomola?
