Jabur 51:1-19
Keur pamingpin musik. Lagu karangan Daud, waktu Nabi Natan manggihan Daud sanggeus Daud jinah jeung Bat-syéba.
51 Sing karunya ka abdi, nun Allah, lantaran Gusti téh nyaah* ka abdi.
Pupus kasalahan-kasalahan abdi lantaran Gusti téh sakitu welas asihna ka abdi.
2 Wasuh abdi nepi ka bersih tina kasalahan abdi,Sarta bersihkeun abdi tina dosa abdi,
3 Sabab abdi rumasa salahSarta inget waé kana dosa abdi.*
4 Abdi dosa ka Gusti, ka Gusti pisan.*
Abdi ngalampahkeun naon nu goréng dina pandangan Gusti.
Ucapan Gusti mah pasti bener,Gusti adil waktu ngahakiman.
5 Ti barang lahir, abdi geus salah.
Ti jero kandungan indung, abdi geus boga dosa.
6 Gusti resep ningali jalma nu haténa bener.
Ajar abdi supaya haté abdi bijaksana.
7 Murnikeun abdi tina dosa abdi,* supaya abdi bersih.
Wasuh abdi supaya leuwih bodas tibatan salju.
8 Mugia abdi ngadangu sora kabungah jeung kagumbiraan,Ngarah tulang-tulang abdi nu diremukkeun ku Gusti bisa gumbira.
9 Ulah ningali* dosa abdi,Sarta pupus sadaya kasalahan abdi.
10 Nun Allah, pasihan abdi haté nu murni,*Pasihan abdi sumanget nu anyar, nu pengkuh.
11 Ulah miceun abdi ti payuneun Gusti,Ulah nyandak kawasa suci Gusti ti abdi.
12 Pasihan deui kagumbiraan nu dirasakeun ku abdi waktu Gusti nyalametkeun abdi.
Geuing abdi supaya abdi réla nurut ka Gusti.
13 Abdi bakal ngajarkeun jalan Gusti ka jalma-jalma nu sok ngalanggar hukum,Supaya jalma-jalma nu dosa baralik deui ka Gusti.
14 Nun Allah, Jurusalamet abdi, hampura abdi lantaran tos maéhan jalma,Ku kituna létah abdi bisa ngabéwarakeun kaadilan Gusti bari gumbira.
15 Nun Yéhuwa, bantu supaya biwir abdi tiasa nyarios,Sangkan abdi tiasa muji Gusti.
16 Gusti teu hoyong dipasihan korban.
Lamun Gusti hoyong mah ku abdi badé dipasihan.
Gusti teu resep kana korban beuleuman.
17 Korban nu dipikaresep ku Gusti téh haté nu rumasa salah.
Nun Allah, Gusti moal nolak* haté nu ancur, nu ngarasa kaduhung.
18 Lampahkeun nu hadé keur Zion,Adegkeun témbok-témbok Yérusalém.
19 Saatosna, Gusti bakal resep kana korban ti jalma bener,Korban beuleuman jeung korban nu weuteuh.
Sapi-sapi gé bakal dikorbankeun di mézbah Gusti.
Catetan Tambihan
^ Atawa ”nunjukkeun asih nu satia”.
^ As. ”Sarta dosa abdi aya terus di hareupeun abdi”.
^ As. ”ngan ka Gusti”.
^ As. ”tina dosa abdi nganggo hisop”. Tingali ”Hisop” dina Daptar Istilah.
^ Atawa ”Sumputkeun raray Gusti tina”.
^ As. ”ciptakeun haté nu murni dina diri abdi”.
^ Atawa ”nyapirakeun”.
