PALAJARAN 15
Ku Naon Sadérék Kudu Terus Diajar Kitab Suci?
1. Naon mangpaatna terus diajar Kitab Suci?
Sanggeus diajar sababaraha hal tina Kitab Suci, tangtu Sadérék jadi leuwih raket jeung nyaah ka Yéhuwa. Tapi, Sadérék kudu upaya sangkan éta kanyaah beuki kuat. (1 Petrus 2:2) Kasempetan pikeun hirup langgeng téh gumantung kana upaya Sadérék pikeun terus ngaraket ka Gusti ku cara terus diajar Firman-Na. Baca Yohanes 17:3; 1 Timoteus 2:3, 4.
Beuki loba pamahaman Sadérék ngeunaan Gusti, beuki kuat iman Sadérék. Iman éta bakal ngabantu Sadérék nyenangkeun Gusti. (Ibrani 11:1, NW; 6) Iman ogé bakal ngajurung Sadérék pikeun tobat sarta ngarobah jalan hirup. Baca Rasul 3:19.
2. Kumaha pamahaman Sadérék ngeunaan Gusti bisa méré mangpaat keur batur?
Sadérék bisa boga hubungan nu istiméwa jeung Yéhuwa
Waktu ngadéngé kabar gumbira, urang pasti hayang méré nyaho batur. Kitu ogé, sanggeus diajar ngeunaan kabar gumbira ti Gusti, Sadérék bisa jadi hayang méré nyaho batur. Lamun terus diajar, Sadérék bakal apal carana ngagunakeun Kitab Suci pikeun ngajelaskeun iman Sadérék jeung nyaritakeun kabar gumbira ieu. Baca Rum 10:13-15.
Biasana, jalma-jalma osok nyaritakeun kabar gumbira ieu ka dulur atawa babaturanana. Tapi, sing bijaksana. Ulah nyebutkeun yén kapercayaan maranéhna téh salah. Sadérék bisa nyaritakeun jangji-jangji Gusti. Laku lampah Sadérék ogé kudu hadé, sabab biasana batur leuwih merhatikeun laku lampah ti batan omongan urang. Baca 2 Timoteus 2:24, 25.
3. Sakumaha akrab hubungan Sadérék jeung Gusti lamun terus diajar?
Ku diajar Firman Gusti, Sadérék jeung Mantenna bakal leuwih akrab. Engké, Sadérék bisa boga hubungan nu leuwih istiméwa jeung Gusti, nyaéta jadi bagian tina kulawarga-Na. Baca 2 Korinta 6:18.
4. Kumaha Sadérék bisa terus ngaraket ka Gusti?
Sadérék bisa terus ngaraket ka Gusti ku cara terus diajar Kitab Suci. (Ibrani 5:13, 14) Pék ménta saurang Saksi ngabantu Sadérék diajar Kitab Suci maké buku Naon nu Diajarkeun Kitab Suci? Beuki loba Sadérék diajar Firman Gusti, beuki bagja kahirupan Sadérék kahareupna. Baca Jabur 1:1-3; Yosua 1:8.
Kabar gumbira téh asalna ti Gusti nu bagja. (1 Timoteus 1:11, NW) Cara séjén pikeun ngaraket ka Gusti nyaéta campur gaul jeung umat-Na. (Ibrani 10:24, 25) Lamun Sadérék terus upaya nyenangkeun Yéhuwa, Sadérék bisa meunangkeun kahirupan sajati, nyaéta kahirupan nu langgeng. Teu aya deui hal nu leuwih hadé salian ti jadi sobat Gusti. Baca 1 Timoteus 6:19.
Tingali ogé
ACARA IBADAH
Naon nu Diayakeun di Balé Karajaan?
Mangga datang jeung perhatikeun naon nu diayakeun di ditu.
NGEUNAAN URANG
Ku Naon Perlu Diajar Kitab Suci?—Vérsi Lengkep
Jutaan jalma di sakuliah dunya geus meunangkeun jawaban ngeunaan masalah kahirupan tina Kitab Suci. Naha Sadérék ogé hayang?
