Juni 27, 2021, Biblia Takatifu—Tafsiri ya Ulimwengu Mpya ya Kiaymara ilitolewa katika mfumo wa kiektroni. Rekodi ya programu hiyo ilitazamwa na makutaniko na vikundi vyote nchini Bolivia. Ndugu Nelvo Cavalieri, mshiriki wa Halmashauri ya Tawi ya Bolivia ndiye aliyetoa Biblia hiyo.

• Kiaymara kinazungumzwa na watu zaidi ya milioni 1.6 hasa katika eneo la Ziwa Titicaca, lililo katika eneo la Milima ya Andes

• Kuna lugha rasmi 36 za kiasili zinazozungumzwa nchini Bolivia, Kiaymara ndiyo lugha ya pili inayozungumzwa na watu walio wengi nchini humo

• Wahubiri 2,000 wanatumikia katika makutaniko 60 yanayozungumza Kiaymara nchini Argentina, Bolivia, Brazili, Chile, na Peru

• Watafsiri 6 walitumia muda wa miaka 4 kukamilisha mradi huo

Mtafsiri mmoja alisema hivi: “Biblia hii ni zawadi ya pekee kutoka kwa Yehova kwa ajili ya watu wanaozungumza lugha ya Kiaymara. Sasa wanaweza kusoma Biblia katika lugha wanayotumia na kuielewa. Wataguswa moyo na kuhisi kwamba Yehova anazungumza nao moja kwa moja.”

Ndugu Mauricio Handal, mshiriki wa Halmashauri ya Tawi ya Bolivia alisema: “Tangu Maandiko ya Kigiriki ya Kikristo yatolewe mwaka wa 2017, tumepokea barua nyingi za kuonyesha uthamini zilizotaja kwamba tafsiri hiyo imewagusa mioyo wasomaji. Sasa tuna Biblia nzima na tafsiri ambayo inaeleweka vizuri. Tuna uhakika kwamba itawasaidia wasomaji waelewe Biblia na hata jambo la muhimu zaidi, itawaleta karibu zaidi na Mtungaji wake, Yehova.”

Tuna uhakika kwamba tafsiri hii ya Kiaymara iliwafanya ndugu na dada wanaozungumza lugha ya Kiaymara wahisi kama mtunga-zaburi alivyohisi aliposema: “Ninautamani sana wokovu wako, kwa maana neno lako ni tumaini langu.”—Zaburi 119:81.”