Oktoba 29, 2023, Biblia—Habari Njema Kulingana na Mathayo ilitolewa katika Kichopi wakati wa mkutano wa pekee uliofanyika Quissico, nchini Msumbiji. Ndugu Marcelo Santos, mshiriki wa Halmashauri ya Tawi ya Msumbiji, alitangaza kutolewa kwa kitabu cha Mathayo katika Kichopi kwa wahudhuriaji 460 katika mkutano huo. Wale waliohudhuria walipata nakala zilizochapishwa za toleo hilo. Toleo la kidijitali na rekodi za sauti pia zilikuwa tayari kwa ajili ya kupakuliwa.

Inakadiriwa kwamba watu milioni 1.1 wanaozungumza Kichopi wanaishi katika mikoa ya kusini ya Msumbiji. Kuna zaidi ya ndugu na dada 332 wanaotumikia katika makutaniko saba na vikundi vitano vya Kichopi. Ingawa tafsiri nyingine kadhaa zinapatikana katika Kichopi, hazina jina la Yehova. Kwa kuongezea, zinauzwa kwa gharama ya juu na zinatumia lugha ambayo imepitwa na wakati.

Tunashangilia pamoja na ndugu na dada zetu wanaozungumza Kichopi kwa kupata toleo hilo lenye kusisimua na tunasali kwamba toleo hilo litawasaidia watu wengi zaidi wanaotafuta maji yanayoburudisha ya kweli ya Neno la Mungu.​—Isaya 55:1.