Februari 3, 2023, Mahakama ya Wilaya ya Lesozavodskiy iliyo katika Eneo la Primorye iliwahukumu Ndugu Yevgeniy Grinenko na Ndugu Sergey Kobelev pamoja na Dada Svetlana Yefremova. Yevgeniy na Sergey walihukumiwa kifungo cha nje cha miaka sita. Svetlana alihukumiwa kifungo cha nje cha miaka mitatu. Hawahitaji kwenda gerezani wakati huu.

1. Mei 12, 2020

   Kesi ya uhalifu ilifunguliwa dhidi ya Yevgeniy kwa sababu wenye mamlaka walidai kwamba alihusika katika k upanga utendaji wa kikundi chenye msimamo mkali. Maofisa wa FSB waliagizwa kufanya msako katika nyumba ya Yevgeniy na nyumba ya Sergey. Maofisa wengine walienda kazini kwa Sergey na kumkamata. Sergey alihojiwa kwa saa nne na kuachiliwa. Yevgeniy pia alikamatwa na kuwekwa kizuizini

2. Mei 14, 2020

   Mahakama iliamuru kwamba Yevgeniy awekwe mahabusu

3. Mei 29, 2020

   Wenye mamlaka walimhamisha Yevgeniy na kumpeleka kwenye mahabusu katika eneo la Spassk-Dalny

4. Julai 8, 2020

   Mahakama ilimwachilia Yevgeniy kutoka mahabusu na kumweka katika kifungo cha nyumbani

5. Februari 6, 2021

   Yevgeniy aliachiliwa kutoka kwenye kifungo cha nyumbani na akaagizwa asiondoke kwenye eneo hilo

6. Machi 8, 2021

   Kesi ya uhalifu ilifunguliwa dhidi ya Sergey kwa sababu wenye mamlaka walidai kwamba alishiriki katika utendaji wa shirika lenye msimamo mkali

7. Aprili 6, 2021

   Svetlana aliongezwa kwenye kesi hiyo

Ndugu na dada zetu waaminifu wametuwekea mfano mzuri wa kuwa jasiri wanapoingia “katika Ufalme wa Mungu kupitia dhiki nyingi.”​—Matendo 14:22.