FEBRUARI 1, 2023 | HABARI ZIMEONGOZWA: AGOSTI 1, 2023
URUSI

HABARI ZA KARIBUNI—NDUGU AHUKUMIWA | “Hali Zangu Hazihitaji Kubadilika”

CHEZA

Mahakama ya Jiji la Kovrovskiy iliyo katika Eneo la Vladimir ilimhukumu Ndugu Boris Simonenko kifungo cha miaka miwili na miezi saba gerezani. Hata hivyo, kwa sababu ya muda ambao amekuwa mahabusu na katika kifungo cha nyumbani, anahesabiwa kuwa kifungo chake kimekwisha. Hahitaji kwenda gerezani wakati huu.

Maelezo Mafupi Kumhusu

Boris Simonenko

Alizaliwa: 1955 (Ukrainia)

Maisha Yake: Alikuwa mchimba madini kwenye mgodi

Alifunga ndoa na Ida mwaka wa 1978. Wana mwana mmoja anayeitwa Aleksey

Ida ndiye aliyeanza kujifunza Biblia na Mashahidi wa Yehova. Baada ya muda, Boris alianza kujifunza pia baada ya kujionea jinsi kutumia kanuni za Biblia kulivyoisaidia familia yao. Ida alibatizwa mwaka wa 1996, Aleksey mwaka wa 1998, na Boris mwaka wa 2000

Maelezo ya Kibinafsi

Ni nini kinachokusaidia kudumisha mtazamo mzuri licha ya changamoto nyingi unazokabili?

Ninakumbuka hotuba moja iliyotolewa katika kusanyiko la eneo na ilinisaidia sana. Ndugu aliyetoa hotuba alisema: “Ni bora kuwa gerezani ukiwa na Mungu kuliko kuwa nje ya gereza bila Mungu.” Hili lilinisaidia kuelewa kwamba ili niwe na furaha hali zangu hazihitaji kubadilika badala yake, kinachopaswa kubadilika ni mtazamo wangu kuelekea hali hizo. Ninayakumbuka maneno hayo kwa sababu yalinigusa moyo sana na yananipa nguvu za kuendelea kuvumilia. Ni kama tu Zaburi 27:13 inavyosema: “Ningekuwa wapi ikiwa singekuwa na imani kwamba nitauona wema wa Yehova katika nchi ya walio hai?” Ingawa nimekuwa nikimtumikia Yehova kwa zaidi ya miaka 20, matukio haya ya hivi karibuni yamenisaidia kumkaribia zaidi Yehova.

Tuna uhakika kwamba Boris na familia yake watapata nguvu na shangwe wanapoendelea kubaki karibu na Yehova.—1 Mambo ya Nyakati 16:27.

Mfuatano wa Matukio

Februari 8, 2021

Wenye mamlaka walirekodi mazungumzo kupitia vinasa-sauti na kutumia rekodi hizo kuanzisha rasmi uchunguzi
Februari 17, 2021

Nyumba yao ilifanyiwa msako. Alihojiwa na kuwekwa kizuizini
Februari 18, 2021

Kesi ya uhalifu ilifunguliwa. Alishtakiwa kwa kuongoza mikutano ya Mashahidi wa Yehova kupitia Intaneti. Aliwekwa mahabusu
Julai 13, 2021

Aliachiliwa kutoka mahabusu na kuwekwa kwenye kifungo cha nyumbani
Februari 17, 2022

Aliachiliwa kutoka kwenye kifungo cha nyumbani na kuwekewa vizuizi vya kusafiri
Septemba 15, 2022

Kesi ya uhalifu ilianza

Ona Pia

TAARIFA ZA HABARI

Wamefungwa kwa Sababu ya Imani Yao—Urusi

Mashahidi wa Yehova nchini Urusi wamefungwa gerezani kwa sababu ya imani yao. Jifunze historia yao na upate orodha unayoweza kuchapisha ya Mashahidi wowote walio gerezani wakati huu.

TAARIFA ZA HABARI