Je, Biblia Inazungumza Kuhusu Toharani?
Jibu la Biblia
Hapana. Biblia haina neno “toharani,” wala haifundishi kwamba nafsi za watu waliokufa zinasafishwa toharani. a Fikiria kile ambacho Biblia inafundisha kuhusu dhambi na kifo na jinsi hilo linavyopingana na fundisho la toharani.
Imani katika damu ya Yesu ndiyo husafisha dhambi za mtu, si kuishi toharani kwa muda. Biblia inasema kwamba “damu yake Yesu, Mwana wake [Mungu], yatusafisha dhambi yote” na kwamba “Yesu Kristo . . . kwa damu yake ametufungua kutoka vifungo vya dhambi zetu.” (1 Yohana 1:7, Union Version; Ufunuo 1:5, Biblia Habari Njema) Yesu Kristo alitoa “maisha yake kuwa fidia ya watu wengi” ili kulipia dhambi zao.—Mathayo 20:28, BHN.
Watu waliokufa hawajui lolote. “Walio hai hujua kwamba watakufa, lakini wafu hawajui chochote.” (Mhubiri 9:5, BHN) Mtu ambaye amekufa hawezi kuhisi chochote na hivyo hawezi kusafishwa kwa moto wowote ulio toharani.
Hakuna adhabu ya dhambi baada ya mtu kufa. Biblia inasema kwamba “mshahara ambao dhambi hulipa ni kifo” na kwamba mtu “ambaye amekufa ameondolewa hatia ya dhambi yake.” (Waroma 6:7, 23) Kifo ndiyo adhabu kamili ya dhambi.
a Kuhusu toharani, kitabu Orpheus: A General History of Religions kinasema kwamba “hakuna jambo lolote kulihusu katika Injili.” Vivyo hivyo, kitabu New Catholic Encyclopedia kinasema: “Kwa ujumla, msingi wa fundisho la Katoliki kuhusu toharani ni mapokeo, si Maandiko Matakatifu.”—Toleo la Pili, Buku la 11, ukurasa wa 825.
b Ona kitabu New Catholic Encyclopedia, Toleo la Pili, Buku la 11, ukurasa wa 824.
Huenda Ukapenda Pia
AMKENI!
Biblia Inasema Nini Kuhusu Kifo?
Ni nini hutupata tunapokufa? Je, kuna tumaini lolote la kukutana tena na wapendwa wetu waliokufa? Soma majibu ya Biblia yanayofariji kuhusu kifo.
MAJIBU YA MASWALI YA BIBLIA
Nafsi Ni Nini?
Je, ni kitu fulani kilicho ndani yako? Je, kitaendelea kuishi baada ya wewe kufa?
ESSENTIAL BIBLE TEACHINGS
Wafu Wako Katika Hali Gani?
Biblia inaahidi kwamba kuna wakati ambapo watu wengi watafufuliwa, kama tu Lazaro alivyofufuliwa.
MAJIBU YA MASWALI YA BIBLIA
Yesu Huokoa—Jinsi Gani?
Kwa nini tunahitaji Yesu atuombee? Je, tunahitaji tu kumwamini Yesu ili tuokolewe?
MAJIBU YA MASWALI YA BIBLIA
Ufufuo Ni Nini?
Huenda ukashangaa kujua ni nani watakaofufuliwa wakati ujao.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.