Zaburi 4:1-8
Kwa kiongozi; uimbwe kwa vinanda. Muziki wa Daudi.
4 Ninapokuita, unijibu, Ee Mungu wangu mwadilifu.+
Nitengenezee njia ya kutoroka* taabu yangu.
Nionyeshe kibali na usikie sala yangu.
2 Enyi wanadamu, mtaendelea mpaka lini kuibadili heshima yangu kuwa aibu?
Mtaendelea mpaka lini kupenda mambo yasiyo na faida na kutafuta mambo ya uwongo? (Sela)
3 Jueni kwamba Yehova atamtendea mshikamanifu wake kwa njia ya pekee;*Yehova atasikia ninapomlilia.
4 Kasirika, lakini usitende dhambi.+
Zungumza moyoni mwako, kitandani mwako, na unyamaze kimya. (Sela)
5 Toa dhabihu za uadilifu,Na umtumaini Yehova.+
6 Kuna wengi wanaosema: “Ni nani atakayetuonyesha jambo lolote jema?”
Acha nuru ya uso wako ituangazie, Ee Yehova.+
7 Umeujaza moyo wangu shangwe nyingi sanaKuliko wale walio na mavuno mengi sana ya nafaka na divai mpya.
8 Nitajilaza chini na kulala usingizi kwa amani,+Kwa maana wewe peke yako, Ee Yehova, hunifanya niishi kwa usalama.+
Maelezo ya Chini
^ Tnn., “Nitengenezee nafasi pana katika.”
^ Au “atamfanya mshikamanifu wake aonekane kuwa tofauti; atamtenga kando mshikamanifu wake kwa ajili yake mwenyewe.”
