Zaburi 8:1-9
Kwa kiongozi; juu ya Gitithi.* Muziki wa Daudi.
8 Ee Yehova Bwana wetu, jinsi jina lako lilivyo kuu katika dunia yote;Umeweka fahari yako juu zaidi hata kuliko mbingu!*+
2 Kutoka katika vinywa vya watoto wadogo na wanaonyonya+ umeimarisha nguvuKwa sababu ya maadui wako,Ili kumnyamazisha adui na yule anayelipiza kisasi.
3 Ninapoziona mbingu zako, kazi za vidole vyako,Mwezi na nyota ambazo umetayarisha,+
4 Mwanadamu anayeweza kufa ni nini hivi kwamba unamweka akilini,Na mwana wa mtu hivi kwamba unamtunza?+
5 Ulimfanya awe mdogo kidogo kuliko wale walio kama Mungu,*Nawe ukamvika taji la utukufu na fahari.
6 Ulimpa mamlaka juu ya kazi za mikono yako;+Umeweka kila kitu chini ya miguu yake:
7 Kondoo wote na ng’ombe wote,Na pia wanyama wa mwituni,+
8 Ndege wa angani na samaki wa baharini,Kitu chochote kinachopita katika njia za baharini.
9 Ee Yehova Bwana wetu, jinsi jina lako lilivyo kuu katika dunia yote!
Maelezo ya Chini
^ Au labda, “Wewe ambaye fahari yako inasimuliwa juu ya mbingu!”
^ Au “kuliko malaika.”
