Majibu ya Maswali ya Biblia
Je, wafu wataishi tena?
Tuna uhakika kwamba Muumba anaweza kuwafufua wafu
Yehova Mungu ndiye Chanzo cha uhai. (Zaburi 36:9) Hivyo, ni jambo linalopata na akili kukubali kwamba Mungu atawafufua wafu. Biblia inatuhakikishia kwamba atafanya hivyo wakati ujao. (Soma Matendo 24:15) Kwa nini atafanya hivyo?
Muumba wetu alikusudia wanadamu waishi milele duniani. (Mwanzo 1:31; 2:15-17) Kusudi lake kwa wanadamu halijabadilika. Anaumia sana anapoona tunateseka na kufa.—Soma Ayubu 14:1, 14, 15.
Watakaofufuliwa wataishi wapi?
Je, Mungu aliumba wanadamu waishi mbinguni? Hapana. Mungu aliumba malaika waishi mbinguni. Aliumba wanadamu waishi duniani. (Mwanzo 1:28; Ayubu 38:4, 7) Ukiwa na hilo akilini, fikiria miujiza ya ufufuo aliyofanya Yesu. Watu aliowafufua waliendelea kuishi duniani. Vivyo hivyo, wengi watakaofufuliwa wakati ujao wataishi duniani.—Soma Yohana 5:28, 29; 11:44.
Hata hivyo, Mungu amechagua watu wachache wanaofufuliwa na kuishi mbinguni wakiwa na miili ya roho. (Luka 12:32; 1 Wakorintho 15:49, 50) Wale wanaofufuliwa na kuishi mbinguni watatawala wakiwa wafalme pamoja na Kristo juu ya dunia.—Soma Ufunuo 5:9, 10.
Huenda Ukapenda Pia
MNARA WA MLINZI
Tumaini kwa Wafu—Unawezaje Kuwa na Uhakika?
Biblia inatoa sababu mbili za msingi zinazotusaidia kuamini kwamba kutakuwa na ufufuo.
MAJIBU YA MASWALI YA BIBLIA
Ufufuo Ni Nini?
Huenda ukashangaa kujua ni nani watakaofufuliwa wakati ujao.
MAJIBU YA MASWALI YA BIBLIA
Ni Nani Wanaoenda Mbinguni?
Ni kawaida kwa watu kuwa na maoni yasiyo sahihi kwamba watu wote wema huenda mbinguni. Biblia inafundisha nini hasa?
