ENDELEA KUKESHA!
Maofisa wa Afya wa Serikali Waonya Kuhusu Athari za Mitandao ya Kijamii kwa Vijana—Biblia Inasema Nini?
Mei 23, 2023, ofisa mmoja wa serikali nchini Marekani aliwaonya raia kuhusu mitandao ya kijamii inayowaathiri vijana wengi.
“Ingawa mitandao ya kijamii inaweza kuwasaidia watoto na matineja kwa njia fulani, kuna mambo mengi yanayoonyesha kwamba inaweza pia kuhatarisha afya yao ya akili na ya kimwili.”—Social Media and Youth Mental Health: The U.S. Surgeon General’s Advisory, 2023.
Shirika hilo limeonyesha utafiti waliofanya unaoeleza kwa nini tunapaswa kuwa macho.
Matineja wenye umri kati ya miaka 12 na 15 “waliokuwa wakitumia zaidi ya saa 3 kila siku kwenye mitandao ya kijamii walikabili hatari kubwa zaidi ya kutokuwa na afya nzuri ya akili kutia ndani dalili za ugonjwa wa kushuka moyo na wasiwasi mwingi.”
Kati ya vijana wenye umri wa miaka 14 wanaotumia mitandao ya kijamii sana wengi “walikosa usingizi, walionewa na watu mtandaoni, walihangaishwa kuhusu sura zao, walijidharau, na walikuwa na dalili nyingi za kushuka moyo, na idadi kubwa ya vijana hao ilikuwa wasichana.”
Wazazi wanawezaje kuwalinda watoto wao na hatari hizo? Biblia ina ushauri unaofaa.
Mambo ambayo wazazi wanaweza kufanya
Fahamu mambo yanayohusika. Ukiwa mzazi, chunguza mtoto wako anaweza kupatwa na athari gani kisha uamue ikiwa mtoto wako anaweza kutumia mitandao ya kijamii au la.
Kanuni ya Biblia: “Mzoeze mtoto njia anayopaswa kuifuata.”—Methali 22:6, maelezo ya chini.
Ili kujifunza mengi zaidi, soma makala “Je, Mtoto Wangu Atumie Mitandao ya Kijamii?”
Ikiwa utamruhusu mtoto wako atumie mitandao ya kijamii, uwe makini kutambua hatari zinazoweza kutokea na ufuatilie mambo ambayo anafanya mtandaoni. Jinsi gani?
Mlinde mtoto wako kutokana na habari zenye kudhuru. Mzoeze mtoto wako kutambua na kuepuka habari zenye kudhuru.
Kanuni ya Biblia. “Uasherati na kila namna ya ukosefu wa usafi au pupa visitajwe kamwe miongoni mwenu, . . . wala mwenendo wa aibu wala maneno ya kipumbavu wala mizaha michafu.”—Waefeso 5:3, 4.
Ili upate madokezo unayoweza kutumia, soma makala “Mfundishe Kijana Wako Kutumia Mitandao ya Kijamii kwa Njia Salama.”
Weka mipaka. Kwa mfano, weka sheria zinazoonyesha mtoto wako anaruhusiwa kutumia mitandao ya kijamii kwa muda gani na wakati gani.
Kanuni ya Biblia: “Endeleeni kuangalia sana jinsi mnavyotembea . . . kama watu wenye hekima, mkiutumia vizuri kabisa wakati wenu.”—Waefeso 5:15, 16.
Tumia vibonzo kwenye ubao Tumia Mitandao ya Kijamii kwa Hekima ili kumsaidia mtoto wako kuelewa umuhimu wa mipaka.
Huenda Ukapenda Pia
NDOA NA FAMILIA
Je, Mtoto Wangu Anastahili Kuwa na Simu ya Mkononi?
Jiulize maswali haya ili uone ikiwa wewe na mtoto wako mko tayari kuchukua jukumu hilo.
NDOA NA FAMILIA
Kuwafundisha Watoto Kutumia Simu ya Mkononi kwa Busara
Hata watoto wanaoweza kutumia teknolojia vizuri bado wanahitaji mwongozo wa wazazi ili waweze kutumia simu ya mkononi kwa busara.
VIJANA WENZAKO WANASEMA NINI
Vijana Wanasema Nini Kuhusu Simu za Mkononi
Kwa vijana wengi, simu ya mkononi ndio ufunguo wa kuwa na marafiki. Kuna faida na madhara gani ya kuwa na simu ya mkononi?
VIJANA HUULIZA
Umaarufu Mtandaoni Ni Muhimu Kadiri Gani?
Watu fulani huhatarisha maisha yao ili tu kupata wafuasi na alama nyingi zaidi za kupendwa. Je, umaarufu kwenye mtandao ni muhimu sana?
VIJANA HUULIZA
Mitandao ya Kijamii Inaniathirije?
Mitandao ya kijamii inaweza kumfanya mtu kuwa mraibu wa kuitumia. Mapendekezo haya yanaweza kukusaidia usidhibitiwe na mitandao hiyo.
KUTUHUSU
Omba Utembelewe
Zungumzia swali la Biblia, au ujifunze mengi zaidi kuhusu Mashahidi wa Yehova.
