Matukio Muhimu ya Mwaka Uliopita
ULIMWENGU wa Shetani unapoendelea kupata pigo moja baada ya lingine, Waabudu wa kweli wa Yehova wanaendelea kuwa na “mengi ya kufanya katika kazi ya Bwana.” (1 Kor. 15:58) Ripoti ifuatayo inaonyesha jinsi ambavyo Mashahidi wa Yehova duniani kote wameazimia ‘kumtegemea Yehova . . . , kufanya mema . . . , na kutenda kwa uaminifu.’—Zab. 37:3.
Makao Makuu na Ofisi ya Tawi Yahamishwa
Upanuzi wa majengo yaliyoko Wallkill nchini Marekani, ulikamilika Februari 1, 2016, na hivyo kuruhusu Halmashauri ya Tawi ya Marekani, Idara ya Utumishi, na idara nyingine za tawi la Marekani kuhamia huko. Pia, kwa kuwa kazi ya ujenzi wa makao makuu mapya yaliyopo Warwick inakaribia kukamilika, familia ya Betheli ya Brooklyn imekuwa na kazi kubwa sana ya kuhama kutoka Jijini New York na kwenda maeneo ya pembezoni.
Jumatatu, Aprili 3, 2017, makao makuu ya ulimwenguni pote ya Warwick yatakuwa wazi kwa ajili ya kutembelewa, ambapo kutakuwa na sehemu tatu za matembezi ya kibinafsi na matembezi yanayoongozwa na mtu aliyeteuliwa.
-
“Biblia na Jina la Mungu” ni sehemu inayoonyesha Biblia ambazo hazipatikani kwa sasa, na vilevile mambo yanayothibitisha kwamba jina la Mungu linapatikana kwenye Maandiko.
-
“Watu kwa Ajili ya Jina la Yehova” ni sehemu yenye picha zinazoonyesha historia ya kiroho ya Mashahidi wa Yehova, ikionyesha jinsi ambavyo Yehova amewaongoza, kuwafundisha, na kuwapanga watu wake ili kufanya mapenzi yake.
-
“Makao Makuu ya Ulimwenguni—Imani Yenye Matendo” ni sehemu inayoonyesha jinsi halmashauri za Baraza Linaloongoza zinavyowasaidia watu wa Yehova kukutanika, kufanya wanafunzi, kupata chakula cha kiroho, na kuonyeshana upendo miongoni mwao.
Wageni watakuwa huru kufanya matembezi ya kibinafsi siku za Jumatatu hadi Ijumaa, kuanzia saa 2:00 asubuhi hadi saa 10:00 jioni. Pia, wageni watatembezwa kwa dakika 20 kwenye baadhi ya sehemu katika Jengo la Ofisi na maeneo mbalimbali ya Betheli. Fursa hiyo ya kutembezwa kifupi itapatikana siku za Jumatatu hadi Ijumaa kuanzia saa 2:00 asubuhi hadi saa 5:00 asubuhi na kuanzia saa 7:00 alasiri hadi saa 10:00 jioni.
Kabla ya kupanga kutembelea, tafadhali tazama jw.org/sw na utafute kwenye KUTUHUSU > OFISI NA MATEMBEZI > Marekani.
KATIKA SEHEMU HII
Kutanguliza Kazi ya Kuhubiri Ulimwenguni Pote
Wale ambao awali walitumikia Betheli wamefanya mabadiliko gani ili kukabiliana na hali mpya huko shambani?
“Ninyi Ni Majirani Bora Zaidi”
Mwisho juma wa Mei 7 na 8, 2016, maonyesho ya Biblia yalitoa ushahidi mzuri kwa majirani wa Betheli ya Brooklyn.
Mkutano Mpya wa Huduma na Maisha Yetu ya Kikristo
Kuanzia Januari 2016, mabadiliko kwa ajili ya mkutano wa katikati ya juma yamefanywa ulimwenguni pote.
JW Broadcasting ‘Hutuimarisha na Kutuburudisha!’
JW Broadcasting ilianzishwa mwaka 2014 na sasa inapatikana katika lugha zaidi ya 90. Watazamaji wana maoni gani?
Kuwekwa Wakfu kwa Ofisi za Tawi
Tukio la kuweka wakfu kwa ofisi ya tawi ya Armenia na Kyrgyzstan lilikuwa ni pindi ya furaha kwa mashahidi katika nchi hizo.
Ripoti ya Mambo ya Sheria Mwaka wa 2016
Mashahidi walikabili mambo gani ya kisheria katika mwaka wa 2016?
Habari Fupi
Habari za karibuni kuhusu utendaji wa Mashahidi wa Yehova katika nchi ya Argentina, Belize, Burundi, Italia, Kongo (Kinshasa), Nepal, Papua New Guinea, Uganda, na Ujerumani.
