Danieli 12:1-13
12 “Wakati huo Mikaeli*+ atasimama,* ule mukubwa+ mwenye anasimama kwa ajili ya watu wako.* Na kutakuwa wakati wa taabu yenye haijatokea tangu kuwapo kwa taifa lolote mupaka wakati huo. Na wakati huo watu wako wataponyoka,+ kila mutu mwenye anapatikana ameandikwa katika kile kitabu.+
2 Na wengi kati ya wale wenye wamelala katika mavumbi ya dunia wataamuka, wamoja kwenye uzima wa milele na wengine kwenye haya na zarau ya milele.
3 “Na wenye kuwa na ufahamu watangaa kama mwangaza wa mbinguni, na wenye wanaleta watu wengi kwenye haki watangaa kama nyota, milele na milele.
4 “Sasa wewe, Danieli, weka maneno hayo kuwa siri, na utie kitabu muhuri mupaka wakati wa mwisho.+ Wengi wataenda huku na huku,* na ujuzi wa kweli utakuwa mwingi.”+
5 Kisha, mimi Danieli nikaangalia na kuona watu wengine wawili wamesimama pale, pembeni ya muto mudogo, mumoja kwenye upande huu na mwingine kwenye ule upande mwingine.+
6 Kisha mumoja akamuambia ule mwanaume mwenye alikuwa anavaa nguo ya kitani,+ mwenye alikuwa juu ya maji ya ule muto mudogo: “Itachukua wakati gani ili mambo haya ya ajabu yafikie mwisho?”
7 Kisha nikasikia ule mwanaume mwenye kuvaa nguo ya kitani, mwenye alikuwa juu ya maji ya ule muto mudogo, wakati aliinua mukono wake wa kuume na mukono wake wa kushoto kuelekea mbinguni na kuapa kwa Ule mwenye anaishi milele:+ “Itakuwa kwa wakati wenye uliwekwa, nyakati zenye ziliwekwa, na nusu ya wakati.* Wakati tu watamaliza kuvunja-vunja nguvu za watakatifu,+ mambo haya yote yatafikia mwisho.”
8 Sasa mimi, nilisikia, lakini sikuelewa;+ basi nikasema: “Ee bwana wangu, ni nini itakuwa matokeo ya mambo haya?”
9 Kisha akasema: “Uende, Danieli, kwa sababu maneno hayo yanapaswa kuwekwa kuwa siri na kutiwa muhuri mupaka wakati wa mwisho.+
10 Wengi watajitakasa na kujifanya kuwa weupe na watasafishwa.+ Na waovu watatenda kwa uovu, na hakuna muovu yeyote mwenye ataelewa; lakini wale wenye kuwa na ufahamu wataelewa.+
11 “Na tangu wakati ile zabihu ya kuendelea+ itakuwa imeondolewa, na lile chukizo lenye linaleta uharibifu litakuwa limesimamishwa,+ kutakuwa siku elfu moja mia mbili makumi kenda (1 290).
12 “Mwenye furaha ni ule mwenye anaendelea kungojea* na kufika kwenye zile siku elfu moja mia tatu makumi tatu na tano (1 335)!
13 “Lakini wewe, endelea mupaka mwisho. Utapumuzika, lakini utasimama kwa ajili ya fungu lako* kwenye mwisho wa zile siku.”+
Maelezo ya Chini
^ Maana yake “Ni Nani Mwenye Kuwa Kama Mungu?”
^ Ao “atainuka.”
^ Tnn., “wana wa watu wako.”
^ Ao “watakichunguza [ni kusema, kitabu] kwa uangalifu.”
^ Ni kusema, nyakati tatu na nusu.
^ Ao “anangojea kwa hamu.”
^ Ao “katika nafasi yako yenye uligawiwa.”
