Kutoka 17:1-16
17 Mukusanyiko wote wa Waisraeli ukaondoka katika jangwa la Sini+ hatua kwa hatua kama vile Yehova aliagiza,+ na wakapiga kambi Refidimu.+ Lakini mahali pale hapakukuwa maji yenye watu wangekunywa.
2 Kwa hiyo watu wakaanza kugombana na Musa+ na kusema: “Tupatie maji ya kunywa!” Lakini Musa akawaambia: “Sababu gani munagombana na mimi? Sababu gani munaendelea kumujaribu Yehova?”+
3 Lakini pale watu walikuwa na kiu sana ya maji, na wakaendelea kumunungunikia Musa+ na kusema: “Sababu gani umetutosha Misri ili kutuua na kiu sisi na wana wetu na mifugo yetu?”
4 Mwishowe Musa akamulilia Yehova akisema: “Nifanye nini na watu hawa? Kisha wakati kidogo tu watanipiga majiwe!”
5 Kisha Yehova akamuambia Musa: “Pita mbele ya watu, na uende pamoja na wazee fulani wa Israeli na ukamate fimbo yako yenye ulitumia kupiga Muto Nile.+ Uibebe katika mukono wako na uendelee kutembea.
6 Angalia! Nitasimama mbele yako juu ya mwamba kule Horebu. Utapiga mwamba huo, na maji yatatoka ndani yake, na watu watakunywa maji hayo.”+ Musa akafanya vile mbele ya wazee wa Israeli.
7 Kwa hiyo akaita mahali pale Masa*+ na Meriba,*+ kwa sababu ya ugomvi wa Waisraeli na kwa sababu walimujaribu Yehova+ kwa kusema: “Je, Yehova iko* katikati yetu ao hapana?”
8 Kisha Waamaleki+ wakakuja na kupigana na Israeli kule Refidimu.+
9 Basi Musa akamuambia Yoshua:+ “Tuchagulie wanaume na uende kupigana na Waamaleki. Kesho nitasimama kwenye kichwa cha kilima, nitakuwa na fimbo ya Mungu wa kweli katika mukono wangu.”
10 Kisha Yoshua akafanya kama vile Musa alimuambia,+ na akapigana na Waamaleki. Na Musa, Haruni, na Huru+ wakapanda mupaka kwenye kichwa cha kilima.
11 Wakati wote wenye Musa aliinua mikono yake, Waisraeli walishinda, lakini wakati tu alishusha mikono yake, Waamaleki walishinda.
12 Wakati mikono ya Musa ilichoka, wakakamata jiwe na kuliweka chini yake, naye akakaa juu ya jiwe hilo. Kisha Haruni na Huru wakashika mikono yake na kuitegemeza, mumoja kila upande, kwa hiyo mikono ya Musa ikabakia imara mupaka wakati jua lilishuka.
13 Basi Yoshua akamushinda Amaleki na watu wake kwa upanga.+
14 Sasa Yehova akamuambia Musa: “Andika mambo haya katika kitabu ili yakumbukwe na uyaseme tena kwa Yoshua: ‘Nitafuta kabisa Amaleki chini ya mbingu, naye hatakumbukwa tena.’”+
15 Kisha Musa akajenga mazabahu na akaipatia jina Yehova-nisi,*
16 na akasema: “Kwa sababu mukono wa Amaleki umepigana na kiti cha ufalme cha Yah,+ Yehova atapigana na Amaleki kutoka kizazi mupaka kizazi.”+
Maelezo ya Chini
^ Maana yake “Kujaribu; Jaribu.”
^ Ao “eko.”
^ Maana yake “Ugomvi.”
^ Maana yake “Yehova Ni Nguzo Yangu ya Alama.”
