Kulingana na Luka 1:1-80

CHAGUA LUGA

Ujumbe kwa Teofilo (1-4)
Gabrieli anatabiri kuzaliwa kwa Yohana Mubatizaji (5-25)
Gabrieli anatabiri kuzaliwa kwa Yesu (26-38)
Maria anamutembelea Elizabeti (39-45)
Maria anamutukuza Yehova (46-56)
Yohana anazaliwa na anapewa jina (57-66)
Unabii wa Zekaria (67-80)

1 Kwa kuwa watu wengi wameamua kukusanya habari juu ya mambo yenye sisi tunaamini kabisa,+ ² kama vile tulipokea habari hizo kutoka kwa watu wenye tangu mwanzo walikuwa mashahidi wenye walijionea+ na walikuwa watumishi wa ujumbe,+ ³ mimi pia, kwa sababu nimetafuta kwa uangalifu mambo yote tangu mwanzo, nimeamua kukuandikia mambo hayo kwa njia yenye kufuatana muzuri, muheshimiwa zaidi Teofilo,+ ⁴ ili ujue muzuri kabisa uhakika wa mambo yenye ulifundishwa kwa kinywa.+ ⁵ Katika siku za Herode,*+ mufalme wa Yudea, kulikuwa kuhani mumoja mwenye aliitwa Zekaria wa kikundi cha Abiya.+ Bibi yake alikuwa mumoja wa mabinti wa Haruni, na aliitwa Elizabeti. ⁶ Wote wawili walikuwa wenye haki mbele ya Mungu, na walitembea bila lawama kupatana na amri zote za Yehova* na mambo yote yenye sheria yake iliomba. ⁷ Lakini hawakukuwa na mutoto, kwa sababu Elizabeti alikuwa tasa, na wote wawili walikuwa wamezeeka. ⁸ Sasa, Zekaria alikuwa anafanya kazi yake ya kuhani, kwa kuwa ilikuwa wakati wa kikundi chake kutumika+ mbele ya Mungu. ⁹ Kulingana na desturi yenye iliwekwa* juu ya kazi ya ukuhani, ikakuwa wakati wake kutoa uvumba+ wakati aliingia katika patakatifu pa Yehova.*+ ¹⁰ Na watu wote walikuwa inje, na wote walikuwa wanasali katika saa hiyo ya kutoa uvumba. ¹¹ Malaika wa Yehova* akamutokea, na akasimama upande wa kuume wa mazabahu ya uvumba. ¹² Lakini Zekaria alihangaishwa na jambo lenye aliona, na akaogopa sana. ¹³ Hata hivyo, malaika akamuambia: “Usiogope, Zekaria, kwa sababu Mungu amesikia sala yako ya kumulilia* na ameikubali, na bibi yako Elizabeti atakuzalia mwana, na utamuita Yohana.+ ¹⁴ Utakuwa na furaha na shangwe nyingi, na wengi watafurahi juu ya kuzaliwa kwake,+ ¹⁵ kwa maana atakuwa mukubwa mbele ya macho ya Yehova.*+ Lakini hapaswe kunywa hata kidogo divai ao pombe yoyote,+ na atajazwa roho takatifu hata mbele ya kuzaliwa kwake,*+ ¹⁶ na atarudisha wana wengi wa Israeli kwa Yehova* Mungu wao.+ ¹⁷ Pia, ataenda mbele yake kwa roho na nguvu za Eliya,+ ili kurudisha mioyo ya baba kwa watoto,+ na kurudisha wenye hawatii kwenye hekima yenye kutenda ya wenye haki, ili kuweka tayari kwa ajili ya Yehova watu wenye wametayarishwa.”+ ¹⁸ Zekaria akamuambia malaika: “Namna gani ninaweza kuwa hakika na jambo hili? Kwa maana mimi nimezeeka, na bibi yangu pia amezeeka.” ¹⁹ Malaika akamujibu: “Mimi ni Gabrieli,+ mwenye kusimama karibu mbele ya Mungu,+ na nilitumwa nizungumuze na wewe na kukutangazia hii habari njema. ²⁰ Lakini, angalia! utakuwa kimya na hautaweza kusema mupaka siku mambo hayo yatatendeka, kwa sababu haukuamini maneno yangu, yenye yatatimizwa kwa wakati wake wenye uliwekwa.” ²¹ Wakati uleule, watu waliendelea kumungojea Zekaria, na walishangaa kwa sababu alikuwa amekawia sana katika patakatifu. ²² Wakati alitoka ndani, hakuweza kusema nao, basi wakatambua kama alikuwa ameona jambo fulani la ajabu* katika patakatifu. Aliendelea kuwafanyia alama lakini akabakia bubu. ²³ Wakati siku za utumishi wake mutakatifu* ziliisha, akarudia kwake. ²⁴ Kisha siku fulani, Elizabeti bibi yake akapata mimba, na akajitenga na watu kwa miezi tano (5), na kusema: ²⁵ “Ni hivi Yehova* amenitendea siku hizi. Amenikumbuka na ameniondolea haya kati ya watu.”+ ²⁶ Katika mwezi wake wa sita (6), Mungu akatuma malaika Gabrieli+ katika muji mumoja wa Galilaya wenye kuitwa Nazareti, ²⁷ kwa bikira mumoja+ mwenye alikuwa anachumbiwa na mwanaume mwenye kuitwa Yosefu wa nyumba ya Daudi, na jina la ule bikira lilikuwa Maria.+ ²⁸ Na wakati malaika aliingia ndani, akamuambia: “Jambo, wewe mwenye umependelewa sana, Yehova* iko* pamoja na wewe.” ²⁹ Lakini Maria akahangaishwa sana na maneno hayo na akatafuta kuelewa ikiwa salamu hiyo ni ya namna gani. ³⁰ Kwa hiyo malaika akamuambia: “Usiogope, Maria, kwa maana umekubaliwa na Mungu. ³¹ Na angalia! utapata mimba* na kuzaa mwana,+ na utamupatia jina Yesu.+ ³² Huyo atakuwa mukubwa+ na ataitwa Mwana wa Mwenye Kuwa Juu Zaidi;+ na Yehova* Mungu atamupatia kiti cha ufalme cha Daudi baba yake,+ ³³ na atatawala akiwa Mufalme juu ya nyumba ya Yakobo milele, na Ufalme wake hautakuwa na mwisho.”+ ³⁴ Lakini Maria akamuuliza malaika: “Hilo litawezekana namna gani, kwa kuwa sijalala na mwanaume?”+ ³⁵ Malaika akamujibu: “Roho takatifu itakuja juu yako,+ na nguvu za Mwenye Kuwa Juu Zaidi zitakufunika kwa kivuli. Na kwa hiyo ule mwenye atazaliwa ataitwa mutakatifu,+ Mwana wa Mungu.+ ³⁶ Na angalia! Elizabeti mutu wa jamaa yako amepata mimba, katika uzee wake, na huu ni mwezi wake wa sita (6), ule mwenye kuitwa mwanamuke tasa; ³⁷ kwa sababu kwa Mungu hakuna neno* lenye haliwezekane.”+ ³⁸ Kisha Maria akasema: “Angalia! Mimi ni mutumwa wa Yehova!* Na itendeke kwangu kulingana na tangazo lako.” Halafu malaika akatoka. ³⁹ Basi siku hizo, Maria akaondoka, akasafiri haraka na kuenda katika inchi ya milima, kwenye muji mumoja wa Yuda, ⁴⁰ na akaingia katika nyumba ya Zekaria na kumusalimia Elizabeti. ⁴¹ Basi, wakati Elizabeti alisikia salamu ya Maria, mutoto mudogo mwenye alikuwa katika tumbo lake la uzazi akaruka, na Elizabeti akajazwa roho takatifu, ⁴² akasema kwa sauti kubwa: “Umebarikiwa kati ya wanamuke, na uzao wa tumbo lako la uzazi umebarikiwa! ⁴³ Basi, namna gani nimepata pendeleo hili, kumupokea kwangu mama ya Bwana wangu? ⁴⁴ Kwa maana, angalia! wakati tu nilisikia salamu yako, mutoto mwenye kuwa katika tumbo langu la uzazi aliruka kwa furaha. ⁴⁵ Mwenye furaha pia ni wewe mwenye uliamini, kwa sababu kutakuwa utimizo kamili wa mambo hayo yenye uliambiwa kutoka kwa Yehova.”* ⁴⁶ Na Maria akasema: “Nafsi yangu inamutukuza Yehova,*+ ⁴⁷ na roho yangu haiwezi kuacha kufurahia sana Mungu Mwokozi wangu,+ ⁴⁸ kwa sababu ameangalia hali ya chini ya mutumwa wake.+ Kwa maana angalia! tangu sasa na kuendelea vizazi vyote vitanitangaza kuwa mwenye furaha,+ ⁴⁹ kwa sababu Mwenye nguvu amenitendea mambo ya ajabu, na jina lake ni takatifu,+ ⁵⁰ na kizazi kwa kizazi, rehema yake iko juu ya wale wenye kumuogopa.+ ⁵¹ Ametenda kwa nguvu kwa mukono wake; amesambaza wale wenye majivuno katika kusudi la mioyo yao.+ ⁵² Ameshusha watu wenye nguvu kutoka kwenye viti vya ufalme na ameinua watu wa hali ya chini;+ ⁵³ ameshibisha kabisa wenye njaa kwa vitu vya muzuri,+ na ameacha wenye walikuwa na mali waende mikono wazi. ⁵⁴ Amesaidia Israeli mutumishi wake, amekumbuka rehema yake,+ ⁵⁵ kama vile aliahidi mababu zetu, Abrahamu na uzao wake,+ milele.” ⁵⁶ Maria akakaa pamoja na Elizabeti karibu miezi tatu (3), kisha akarudia kwake. ⁵⁷ Sasa wakati wa Elizabeti kuzaa ukafika, na akazaa mutoto mwanaume. ⁵⁸ Majirani na watu wa jamaa yake wakasikia kwamba Yehova* amemuonyesha rehema, na wakafurahi pamoja naye.+ ⁵⁹ Siku ya munane (8) wakakuja kumutahiri ule mutoto mudogo,+ na walitaka kumupatia jina la baba yake, Zekaria. ⁶⁰ Lakini mama yake akasema: “Hapana! ataitwa Yohana.” ⁶¹ Halafu wakamuambia: “Hakuna mutu wa jamaa yako mwenye anaitwa kwa jina hilo.” ⁶² Kisha wakamuuliza baba yake kwa alama ikiwa alitaka aitwe jina gani. ⁶³ Basi akaomba kibao akaandika: “Jina lake Yohana.”+ Halafu wote wakashangaa. ⁶⁴ Mara moja kinywa chake kikafunguka na ulimi wake ukaregea, na akaanza kusema,+ na kumusifu Mungu. ⁶⁵ Na wote wenye walikuwa wanaishi katika ujirani wao wakaogopa, na mambo hayo yote yakaanza kuzungumuziwa katika inchi yote yenye milima ya Yudea. ⁶⁶ Na wote wenye walisikia mambo hayo, wakayaweka katika mioyo yao, wakisema: “Mutoto huyu mudogo atakuwa mutu wa namna gani?” Kwa maana mukono wa Yehova* ulikuwa kabisa pamoja naye. ⁶⁷ Kisha Zekaria baba yake akajazwa roho takatifu, na akatoa unabii, na kusema: ⁶⁸ “Yehova* asifiwe, Mungu wa Israeli,+ kwa sababu ameelekeza uangalifu wake kwa watu wake na amewaletea ukombozi.+ ⁶⁹ Na ametuinulia pembe ya wokovu*+ katika nyumba ya Daudi mutumishi wake,+ ⁷⁰ kama vile alisema tangu zamani kupitia kinywa cha manabii wake watakatifu,+ ⁷¹ kwamba atatuokoa kutoka kwa maadui wetu na kutoka katika mukono wa wote wenye kutuchukia;+ ⁷² atatimiza neno lenye aliambia mababu zetu na kuwaonyesha rehema. Na atakumbuka agano lake takatifu,+ ⁷³ kiapo chenye alimuapia Abrahamu babu yetu,+ ⁷⁴ na kisha kutukomboa kutoka katika mikono ya maadui wetu, atatupatia pendeleo la kumutolea bila woga utumishi mutakatifu ⁷⁵ kwa ushikamanifu na haki mbele yake siku zetu zote. ⁷⁶ Lakini wewe, mutoto mudogo, utaitwa nabii wa Mwenye Kuwa Juu Zaidi, kwa maana utaenda mbele ya Yehova* ili kutayarisha njia zake,+ ⁷⁷ kutangazia watu wake kwamba atawaokoa kwa kuwasamehe zambi zao,+ ⁷⁸ kwa sababu ya huruma nyingi* za Mungu wetu. Kupitia huruma hizo mwangaza wa asubui utatufikia kutoka juu, ⁷⁹ ili kuangazia wale wenye kukaa katika giza na katika kivuli chenye kuleta kifo+ na kuongoza miguu yetu katika njia ya amani.” ⁸⁰ Na ule mutoto mudogo akakomaa na akakuwa na nguvu katika roho, na akaendelea kuishi katika jangwa mupaka siku alijionyesha waziwazi kwa Israeli.