Kulingana na Yohana 9:1-41
9 Wakati alikuwa anapita, alimuona mutu mumoja mwenye alikuwa kipofu tangu kuzaliwa.
2 Na wanafunzi wake wakamuuliza: “Rabi,+ ni nani alitenda zambi, ni mutu huyu ao ni wazazi wake, na hivyo akazaliwa kipofu?”
3 Yesu akajibu: “Mutu huyu hakutenda zambi wala wazazi wake, lakini ilikuwa vile kusudi kazi za Mungu zifikie kufunuliwa kupitia yeye.+
4 Lazima tufanye kazi za Ule mwenye alinituma wakati ingali muchana;+ usiku unakuja wakati hakuna mutu mwenye anaweza kufanya kazi.
5 Wakati ningali katika ulimwengu, mimi ndiye mwangaza wa ulimwengu.”+
6 Kisha kusema mambo hayo, akatema mate chini na akafanya matope kwa mate hayo, na akapakaa matope hayo kwenye macho ya mutu huyo+
7 na akamuambia: “Uende unawe katika kiziwa cha maji cha Siloamu” (neno lenye linatafsiriwa “Yenye Yalitumwa”). Na akaenda na kunawa, na akarudia akiwa anaona.+
8 Basi majirani na wale wenye zamani walikuwa wanamuona anaomba-omba wakaanza kusema: “Je, huyu haiko ule mutu mwenye alikuwa anakaa na kuomba-omba?”
9 Wamoja walikuwa wanasema: “Ni yeye.” Wengine walikuwa wanasema: “Hapana, lakini anamufanana.” Ule mutu alikuwa anasema: “Ni mimi.”
10 Kwa hiyo wakamuuliza: “Namna gani basi macho yako yalifunguliwa?”
11 Akajibu: “Mutu mwenye kuitwa Yesu alifanya matope na akayapakaa kwenye macho yangu kisha akaniambia, ‘Uende mupaka Siloamu unawe.’+ Basi nikaenda, nikanawa na nikaanza kuona.”
12 Halafu wakamuuliza: “Ule mutu iko* wapi?” Akasema: “Sijue.”
13 Kisha, ule mutu mwenye zamani alikuwa kipofu, wakamupeleka kwa Wafarisayo.
14 Basi, siku yenye Yesu alifanya matope na kufungua macho ya mutu huyo+ ilikuwa siku ya Sabato.+
15 Sasa wakati huo, Wafarisayo pia wakaanza kumuuliza mutu huyo namna gani alianza kuona. Akawaambia: “Aliweka matope kwenye macho yangu, nikanawa, na ninaona.”
16 Kisha Wafarisayo fulani wakaanza kusema: “Mutu huyo hakutoka kwa Mungu, kwa maana hashike Sabato.”+ Wengine wakasema: “Namna gani mutu mwenye ni mutenda-zambi anaweza kufanya alama za namna hiyo?”+ Basi kukakuwa mugawanyiko kati yao.+
17 Wakamuuliza tena ule kipofu: “Unasema nini juu yake, kwa kuwa ni macho yako ndiyo alifungua?” Ule mutu akasema: “Yeye ni nabii.”
18 Lakini, Wayahudi hawakuamini kwamba alikuwa kipofu na sasa alikuwa anaona, mupaka wakaita wazazi wa mutu huyo mwenye sasa alikuwa anaona.
19 Na wakawauliza: “Je, huyu ndiye mwana wenu mwenye munasema alizaliwa kipofu? Basi, namna gani sasa anaona?”
20 Wazazi wake wakajibu: “Tunajua kama huyu ni mwana wetu na kwamba alizaliwa kipofu.
21 Lakini namna gani anaona sasa, hatujue; ao ni nani alimufungua macho, hatujue. Mumuulize. Ni mutu muzima. Anapaswa kujisemea yeye mwenyewe.”
22 Wazazi wake walisema maneno hayo kwa sababu waliogopa Wayahudi,+ kwa maana tayari Wayahudi walikuwa wamesikilizana kwamba mutu yeyote mwenye angemukubali kuwa ndiye Kristo, angefukuzwa katika sinagogi.+
23 Ndiyo sababu wazazi wake walisema: “Yeye ni mutu muzima. Mumuulize.”
24 Basi kwa mara ya pili wakamuita ule mutu mwenye alikuwa kipofu na kumuambia: “Patia Mungu utukufu; tunajua kwamba mutu huyu ni mutenda-zambi.”
25 Akawajibu: “Kama yeye ni mutenda-zambi, mimi sijue. Jambo moja lenye ninajua ni kwamba nilikuwa kipofu, lakini sasa ninaona.”
26 Kisha wakamuuliza: “Alikufanyia nini? Namna gani alifungua macho yako?”
27 Akawajibu: “Nimekwisha kuwaambia, lakini hamukusikiliza. Sababu gani munataka kusikia tena jambo hilo? Ninyi pia munataka kuwa wanafunzi wake?”
28 Halafu wakamuambia kwa zarau: “Wewe ni mwanafunzi wa mutu huyo, lakini sisi ni wanafunzi wa Musa.
29 Tunajua kama Mungu alisema na Musa; lakini mutu huyu, hatujue alitoka wapi.”
30 Ule mutu akawajibu: “Hakika hili ni jambo lenye kushangaza, kwamba hamujue alitoka wapi, ijapokuwa alifungua macho yangu.
31 Tunajua kuwa Mungu hasikilize watenda-zambi,+ lakini kama mutu yeyote anamuogopa Mungu na kufanya mapenzi yake, yeye anamusikiliza mutu huyo.+
32 Tangu zamani haijasikiwa hata siku moja kuwa mutu fulani amefungua macho ya mutu mwenye alizaliwa kipofu.
33 Kama mutu huyo hakutoka kwa Mungu, hangefanya jambo lolote hata kidogo.”+
34 Wakamuambia: “Wee wote ulizaliwa katika zambi, na sasa je, unatufundisha sisi?” Na wakamutupa inje!+
35 Yesu akasikia kwamba walikuwa wametupa ule mutu inje, na wakati alimupata, akamuuliza: “Je, unaamini Mwana wa binadamu?”
36 Ule mutu akajibu: “Na huyo ni nani, Bwana, ili nimuamini?”
37 Yesu akamuambia: “Umemuona, na kwa kweli, yeye ndiye anasema na wewe.”
38 Akasema: “Ninamuamini, Bwana.” Na akainama mbele yake.
39 Kisha Yesu akasema: “Nilikuja katika ulimwengu huu kwa ajili ya hukumu hii, ili wale wenye hawaone waweze kuona+ na wale wenye wanaona wakuwe vipofu.”+
40 Wamoja kati ya Wafarisayo wenye walikuwa pamoja naye wakasikia mambo hayo, na wakamuuliza: “Je, sisi pia ni vipofu?”
41 Yesu akawaambia: “Kama mungekuwa vipofu, hamungekuwa na zambi. Lakini sasa munasema, ‘Tunaona.’ Zambi yenu inabakia.”+
Maelezo ya Chini
^ Ao “eko.”
