KITU HIKI KILIJIFANYA CHENYEWE?
Ndege Pengwini Mufalme Mwenye Manyoya Yaliyo Kama Koti
NDEGE pengwini mufalme anaweza kuogelea haraka katika maji na kurukia kwenye kipande cha barafu kwa mbio yenye kushangaza sana. Namna gani?
Nyoya la ndege pengwini mufalme
Fikiria hili: Ndege pengwini mufalme anavuta hewa kupitia manyoya yake. Hilo linamusaidia ndege huyo kujilinda na baridi kali na pia linamuwezesha kuenda haraka mara mbili ao mara tatu zaidi kuliko kawaida. Jambo hilo linawezekana namna gani? Wanabiolojia wanaojifunza viumbe wa baharini wanasema kwamba ndege huyo anafanya hivyo kwa kutoa mapovu madogo-madogo ya hewa katikati ya manyoya yake. Anapotoa mapovu hayo madogo-madogo, jambo hilo linawezesha manyoya yake yasikwaruzane, na kumuwezesha ndege huyo kuenda haraka zaidi.
Jambo la kupendeza ni kwamba mainjinia ao mafundi wamekuwa wakijifunza njia za kufanya mashua ziende haraka zaidi kwa kutumia mapovu ili kuzuia sehemu za inje za mashua zisikwaruzane na kitu chochote. Mafundi hao wanajaribu kutengeneza kitu chenye matundu-matundu kinachofanana na manyoya ya ndege pengwini, lakini wanaona jambo hilo kuwa ngumu kwa sababu manyoya ya pengwini yaliumbwa kwa njia ya ajabu.
Unawaza namna gani? Ndege pengwini mufalme mwenye manyoya yaliyo kama koti alijifanya mwenyewe? Ao je, aliumbwa?
Ona pia...
AMUKA!
Manyoya ya Fisi-Maji wa Bahari
Wanyama fulani wa bahari wenye kunyonyesha wanategemea mafuta mengi yenye kuwa kwenye ngozi yao ili kubaki na joto. Fisi-maji wa bahari anatumia njia yenye kuwa tofauti.
