‘Nami hakika nitautafakari utendaji wako wote, nami nitajishugulisha mwenyewe na matendo yako.’ —Zaburi 77:12.

MAMBO WATU WANASEMA:

Kuna aina nyingi za kutafakari ao kufikiri sana, na nyingi kati ya aina hizo zilianzishwa na dini za zamani za inchi za Mashariki. Muandikaji mumoja alisema hivi juu ya kutafakari: “Ili kuona mambo waziwazi akili inapaswa kuwa bila kitu.” Maneno yake yanaonyesha kwamba kuondoa kila kitu katika akili wakati mutu anakaza akili juu ya maneno ao picha fulani, kunaleta amani ya moyoni, kunafanya akili ione mambo waziwazi, na kunaleta mwangaza wa kiroho.

MAMBO BIBLIA INASEMA:

Kulingana na Biblia, kutafakari ni jambo la maana sana. (1 Timotheo 4:15) Hata hivyo, aina ya kutafakari yenye Biblia inatia moyo watu kufanya, haimaanishe kutoa kabisa kila kitu katika akili ao kusema tena na tena neno ao musemwa fulani, namna hiyo ya kutafakari inaitwa wakati fulani mantra. Zaidi ya hiyo, aina ya kutafakari yenye Biblia inazungumuzia inatia ndani kufikiri sana juu ya habari zenye kujenga kama vile sifa za Mungu, kanuni zake, na uumbaji wake. Mwanaume mumoja muaminifu kwa Mungu alisali hivi: “Nimetafakari juu ya utendaji wako wote; kwa kupenda niliendelea kuhangaikia kazi ya mikono yako mwenyewe.” (Zaburi 143:5) Aliongeza tena hivi: “Wakati ninapokukumbuka kitandani mwangu, wakati wa makesha ya usiku natafakari juu yako.”—Zaburi 63:6.

‘Moyo wa muadilifu unatafakari ili kujibu.’ —Methali 15:28.

MAMBO BIBLIA INASEMA:

Kutafakari vizuri kunatusaidia kutengeneza namna tuko ndani ya moyo, kuzuia namna tunajisikia moyoni, na kunatupatia nguvu za kushinda matendo mabaya, mambo hayo yote yanatusaidia kujua kusema kwa njia inayofaa na kuwa na tabia nzuri. (Methali 16:23) Kutafakari kwa namna hiyo kunatusaidia pia kuwa na maisha mazuri na yenye furaha. Kuhusu mutu mwenye anatafakari mara kwa mara juu ya Mungu, andiko la Zaburi 1:3 linasema hivi: ‘Atakuwa kama muti uliopandwa kando ya vijito vya maji, ambao unatoa matunda yake katika majira yake na ambao majani yake hayanyauki [ao kukauka], na kila jambo analofanya litafanikiwa.’

Pia, kutafakari kunatusaidia kufanya uwezo wetu wa kuelewa na kukumbuka mambo uwe muzuri zaidi. Kwa mufano, tunapojifunza jambo fulani kuhusu uumbaji ao habari fulani ya Biblia, tunajua mambo mengi ya hakika yenye kupendeza. Lakini, tunapotafakari juu ya mambo hayo ya hakika, tunaona namna yanavyopatana kati yayo na namna yanavyopatana na mambo tuliyojifunza wakati uliopita. Hivyo, kama vile fundi wa mbao anavyogeuza mbao kuwa nyumba yenye kuvutia, kutafakari kunatuwezesha “kuunganisha” mambo ya hakika na kuyafanya kuwa kama kitu chenye sehemu zinazopatana vizuri ao jengo.

“Moyo ni wenye hila kuliko kitu kingine chochote nao ni hatari. Ni nani anayeweza kuujua?”—Yeremia 17:9.

MAMBO BIBLIA INASEMA:

‘Kutoka ndani, kutoka katika moyo wa watu, munatoka mawazo mabaya: uasherati, wizi, mauaji, uzinzi, kutamani, matendo ya uovu, udanganyifu, mwenendo mupotovu, jicho lenye wivu, ukosefu wa akili.’ (Marko 7:21, 22) Kwa kweli, kama vile moto, tunapaswa kuongoza mambo tunayotafakari! Ikiwa hatufanye hivyo, mawazo mabaya yanaweza kutuletea tamaa mbaya zinazoweza kutushinda kuzuia na hivyo kutuongoza kufanya mambo mabaya.—Yakobo 1:14, 15.

Kuhusu jambo hilo, Biblia inatutia moyo tutafakari juu ya ‘mambo yoyote yaliyo ya kweli, ya hangaiko zito, ya uadilifu, safi kiadili, ya kupendeka, yanayosemwa vema, wema wa adili, na jambo lolote la kustahili sifa.’ (Wafilipi 4:8, 9)kati tunakuwa na mawazo kama hayo mazuri na “kuyapanda” katika akili yetu, tutavuna sifa nzuri, maneno mazuri, na uhusiano wenye furaha pamoja na wengine.—Wakolosai 4:6.