MAWAZO YA BIBLIA
Masiya
Biblia ilitabiri kama Masiya angekuja duniani na kukomboa watu kutoka katika magonjwa, mateso, na kifo. Yesu Kristo ndiye ule Masiya?
Namna gani watu wangetambua Masiya?
Kulingana na unabii wa Biblia, Masiya, ao Kristo, angetimiza madaraka mawili, yenye kutenganishwa na kipindi kirefu cha wakati. * Katika daraka lake la kwanza, angekuwa mwanadamu. Ili watu wamutambue waziwazi, waandikaji wa Biblia walitabiri mambo mengi juu ya maisha yake na utumishi wake. Kwa kweli, ‘kutoa ushahidi kumuhusu Yesu’ ndilo lilikuwa kusudi la kwanza la unabii wa Biblia.—Ufunuo 19:10.
Yesu alipokuwa mwanadamu, alifanya kwa sehemu kidogo mambo yenye atafanya duniani pote akiwa kiumbe wa kiroho mwenye nguvu
MAMBO BIBLIA INASEMA
: Masiya . . .
-
Angekuwa muzao wa Mufalme Daudi.—Isaya 9:7; Luka 3:23-31. *
-
Angezaliwa katika muji wa Bethlehemu.—Mika 5:2; Luka 2:4-7.
-
Angekuwa muhubiri munyenyekevu wa “habari njema.”—Isaya 61:1; Luka 4:43.
-
Angezarauliwa na kuonwa kuwa asiye na maana.—Isaya 53:3; Mathayo 26:67, 68.
-
Angesalitiwa kwa vipande 30 vya feza.—Zekaria 11:12, 13; Mathayo 26:14, 15.
-
Angebaki kimya mbele ya watu waliomuhukumu akufe bila kosa.—Isaya 53:6, 7; Mathayo 27:12-14.
-
Angekuwa mwana-kondoo wa zabihu, mwenye angeondoa zambi na kuwezesha watu wakuwe safi mbele za Mungu.—Isaya 53:7; Yohana 1:29, 34, 36.
-
Angeuawa bila kuvunjwa mufupa hata mumoja.—Zaburi 34:20; Yohana 19:33, 36.
-
Angezikwa pamoja na matajiri.—Isaya 53:9; Mathayo 27:57-60.
-
Angefufuliwa siku ya tatu.—Mathayo 16:21; 28:5-7.
Yesu alitimiza unabii huo wote na unabii mwingine mwingi. Pia aliponyesha wagonjwa na alifufua wafu. Kwa hiyo alituhakikishia kuwa alikuwa Masiya na pia alitutolea sababu ya kuwa na imani yenye nguvu katika ahadi za Biblia kuwa atatimiza mambo hayo katika dunia yote wakati unaokuja. (Luka 7:21-23; Ufunuo 21:3, 4) Kisha kufufuliwa kwake, Yesu alikaa kwenye ‘mukono wa kuume’ wa Mungu, akingojea wakati atamaliza kazi yake ya Masiya.—Zaburi 110:1-6.
Kristo atakapofika, je, atafanya ishara zaidi ya zile ambazo mutu huyu amefanya?’—Yohana 7:31.
Namna gani Masiya atamaliza kazi yake?
Wayahudi wa siku za Yesu waliwazia kuwa Masiya angewakomboa katika utawala wa Waroma na kutawala juu ya ufalme uliorudishwa wa Israeli. (Matendo 1:6) Ni kisha hapo ndipo wafuasi wa Yesu waliokuwa Wayahudi walielewa kama Masiya atamaliza daraka lake kutoka mbinguni akiwa kiumbe wa kiroho mwenye nguvu aliyepewa mamlaka kubwa.—Mathayo 28:18.
MAMBO BIBLIA INASEMA
: Katika daraka lake la pili, Masiya . . .
-
Atatawala akiwa Mufalme wa Ufalme wa Mungu, serikali ya dunia yote.—Danieli 7:13, 14; Ufunuo 11:15.
-
Atakuwa baraka kwa watu wote wenye kumuamini.—Mwanzo 22:17, 18; Zaburi 72:7, 8.
-
‘Atashitua mataifa mengi’ na watawala wao wakati atawaponda kwa sababu ya kumupinga.—Isaya 52:15; Ufunuo 19:19,20.
-
Ataokoa ‘umati mukubwa’ wa duniani pote wa watu wenye haki na kuwaingiza katika dunia mupya yenye amani. —Ufunuo 7:9, 10, 13-17.
-
Pamoja na Yehova Mungu, atafufua wafu ili waishi katika dunia Paradiso.—Luka 23:43; Yohana 5:21, 28, 29.
-
Atafundisha raia zake njia ya kuwa na amani ya kweli.—Isaya 11:1, 2, 9, 10.
-
Ataondoa zambi, ambayo ni sababu kubwa inayoleta magonjwa na kifo.—Yohana 1:29; Waroma 5:12.
-
Mwishowe, atavunja kazi zote za Shetani na kuunganisha wanadamu wote chini ya utawala wa Yehova Mungu.—1 Wakorintho 15:25-28; 1 Yohana 3:8.
Yesu alimaliza daraka lake la kwanza la Masiya. Atamaliza pia daraka lake la pili. Kwa hiyo, watu wenye hekima wanajifunza kumujua Yesu vizuri kwa sababu alisema hivi: “Mimi ndiye njia na kweli na uzima.”—Yohana 14:6.
‘Katika siku zake aliye muadilifu [mwenye haki] atachipuka, na wingi wa amani mupaka mwezi utakapokuwa haupo tena. Naye atakuwa na raia mupaka miisho ya dunia.’—Zaburi 72:7, 8.
^ fu. 5 Neno “Masiya” linatokana na Kiebrania. Neno la Kigiriki linalolingana na neno hilo ni “Kristo.”—Yohana 1:41.
^ fu. 7 Andiko la kwanza hapa linaonyesha unabii; andiko la pili linaonyesha utimizo.
Ona pia...
MAJIBU YA MAULIZO JUU YA BIBLIA
Maunabii juu ya Masiya inaonyesha kabisa kama Yesu alikuwa Masiya?
Watu wengi wanaweza kuwa Masiya?
MUNARA WA MULINZI
“Tumeona Masiya”!
Watu wengi wanaamini kwamba Yesu ndiye Masiya aliyeahidiwa. Wengine hawaamini hivyo. Chunguza mambo ambayo Biblia inasema.
