Watu fulani wanajiuliza kama Neno la Mungu halijabadilishwa. Nabii Isaya alisema kama neno la Mungu “linadumu milele.” (Isaya 40:8) Ni nini inatuhakikishia kama ahadi za Mungu hazijabadilishwa?

Mungu iko na uwezo wa kulinda Neno lake na kuzuia watu wasilibadilishe. Zamani, wenye walikuwa wanafanya kopi za maandishi matakatifu, walikuwa wanahesabia kwa uangalifu kila herufi juu ya kuhakikisha kama hakuna kitu chenye kiliongezwa, kubadilishwa, ao kuachwa. Lakini juu wanadamu hawakamilike, wamoja kati ya wenye walikuwa wanafanya kopi za maandishi matakatifu waliingiza makosa kidogo.

Kuko maelfu ya kopi za maandishi ya zamani ya Maandiko Matakatifu. Ni mwepesi kuvumbua kwenye kuko kosa kwa kulinganisha kopi mbalimbali.​—Ikiwa unapenda kujua mingi zaidi, ona habari “Biblia Imebadilishwa ao Kugeuzwa?” ku jw.org.

Kwa mufano, tufikirie maandishi ya zamani yenye inaitwa Vitabu vya Kukunjwa vya Bahari ya Chumvi, vyenye Wabedui walivumbua katika mapango (caves) fulani karibu na Bahari ya Chumvi mu mwaka wa 1947. Ile maandishi iko na sehemu za Maandiko Matakatifu ya tangu miaka zaidi ya elfu mbili. Wasomi walilinganisha ile maandishi ya zamani na Maandiko Matakatifu yenye tuko nayo leo. Walivumbua nini?

Walivumbua kama habari zenye ziko mu Neno la Mungu lenye tuko nalo leo njo zilezile zenye zilikuwaka mu maandishi ya kwanza-kwanza. * Kuchunguza maandishi ya zamani kunahakikisha kama mambo yenye tunasoma mu Maandiko Matakatifu njo ujumbe wenye Mungu alitolea wanadamu ku mwanzo. Tunaweza kuwa hakika kama Mungu amelinda kwa uangalifu Maandishi Matakatifu ili ujumbe wake usibadilishwe.

Kwa hiyo, tunaweza kusoma Neno la Mungu na tuko hakika kabisa kama ujumbe wake haujabadilishwa. Kisha kujua ile, tuchunguze sasa mambo yenye manabii wanaweza kutufundisha kumuhusu Mungu.