Ni mwepesi kujisikia kuwa tunaishiwa wakati rafiki yetu iko nateseka juu ya mahangaiko ya akili. Lakini tunaweza kuonyesha kama tunamuhangaikia kwa kumusaidia apiganishe ile tatizo ya akili yenye iko namuhangaisha. Namna gani?

‘Ukuwe mwepesi wa kusikiliza.’ —YAKOBO 1:19.

Jambo moya ya muzuri yenye unaweza kufanya juu ya kusaidia rafiki yako ni kumusikiliza wakati anapenda kuzungumuza. Usiwaze kama unalazimika kujibia ku kila jambo yenye anasema. Onyesha kama uko namusikiliza na uendelee kujitia pa nafasi yake. Ujikaze kumuelewa muzuri na uepuke kumuhukumu. Ukumbuke kama anaweza kusema mambo yenye hakupenda kusema na yenye anaweza kuhuzunikia kisha.—Yobu 6:2, 3.

“Museme kwa namna yenye kufariji.” —1 WATESALONIKE 5:14.

Rafiki yako anaweza kuwa na wasiwasi ao anaweza kujiona kuwa wa bure. Hata kama haujue useme nini juu ya kumufariji, kama tu unaonyesha kuwa unamuhangaikia, ile inaweza kumufariji na kumutia moyo.

“Rafiki wa kweli anapenda nyakati zote.”​—MEZALI 17:17.

Umutolee musaada wenye kufaa. Kuliko kuwaza tu kama unajua namna ya kumusaidia, umuulize mambo yenye unaweza kumufanyia. Kama rafiki yako anashindwa kukuambia mambo yenye iko nayo lazima, upime kumuuliza kama munaweza kufanya  jambo fulani pamoya, sawa vile kuenda kutembea. Ao unaweza kumusaidia kuenda kuuza vitu, kufanya usafi, ao kazi ingine.—Wagalatia 6:2.

“Mukuwe wavumilivu.” —1 WATESALONIKE 5:14.

Haiko kila wakati njo rafiki yako anaweza kuwa tayari kusema. Umuhakikishie kama utapenda kumusikiliza wakati atapenda kusema. Rafiki yako anaweza kufanya ao kusema jambo fulani yenye inakuhuzunisha. Pengine anaweza kubadilisha mipango yenye mulikuwa nayo, ao anaweza kubadilika tu na kuwa sawa mutu mwenye kukasirika. Ukuwe muvumilivu na ujikaze kumuelewa wakati uko namutolea musaada wenye iko nao lazima.—Mezali 18:24.

“Najikazaka kuwa rafiki mwenye anaweza kutumainia. Hata kama siwezi kumaliza matatizo yake, najikazaka sana kumusikiliza wakati iko nasema. Wakati fulani anakuwaka na lazima tu ya mutu wa kumusikiliza juu ajisikie muzuri.”—Farrah, a mwenye rafiki yake iko na mahangaiko ya mingi, ugonjwa wa akili wenye unafanyaka ashindwe kula kwa kiasi yenye kufaa na ugonjwa wa kushuka moyo sana.

“Rafiki yangu moya anakuwaka mwenye fazili na anakuwaka nanitia moyo. Aliniitaka kwake juu tukule chakula ya butamu. Alinionyesha upendo na alikuwa muchangamufu. Ile ilinisaidia niseme namna nilikuwa najisikia. Ilinitia moyo kabisa!”—Ha-eun, mwenye iko na ugonjwa wa kushuka moyo sana.

“Uvumilivu ni wa maana sana. Wakati bibi yangu anafanya jambo fulani yenye hainifurahishe, nakuwaka najikumbusha kama ugonjwa wake njo unafanya atende vile, haiko vile njo anakuwaka. Ile inanisaidiaka niepuke kukasirika na nimuhangaikie zaidi.”—Jacob, mwenye bibi yake iko na tatizo ya kushuka moyo sana.

“Bibi yangu amenitegemeza sana na anakuwaka nanifariji. Wakati niko na mahangaiko ya mingi, hanikazake kufanya jambo yenye sipendi kufanya. Na wakati fulani ile inaombaka akose kufanya mambo yenye angependa kufanya. Roho yake ya kujinyima na ukarimu wake ni mambo yenye inafanyaka akuwe wa maana sana kwangu.”—Enrico, mwenye iko na tatizo ya akili yenye inafanyaka akuwe na wasiwasi sana.