Biblia Inabadilisha Maisha ya Watu

NI NINI kilichomusaidia mwanaume fulani aliyeteseka utotoni awe bwana na baba muzuri? Ni nini kilichomuchochea mwanamuke mwenye tabia nyingi mbaya abadilishe maisha yake? Soma mambo ambayo watu hao wanaeleza.

“Nilijisikia kuwa mutu wa bure.”​—VÍCTOR HUGO HERRERA

ALIZALIWA MWAKA WA 1974

ALIZALIWA KATIKA INCHI YA CHILI

ALIKUWA MULEVI SANA

MAISHA YANGU YA ZAMANI: Nilizaliwa katika muji muzuri wa Angol, kusini mwa Chili. Sijamuona baba yangu hata siku moja. Nilipokuwa na miaka 3, mama, mimi na mudogo yangu tulihamia huko Santiago, muji mukubwa wa inchi ya Chili. Baadaye tuliishi katika chumba kidogo sana ndani ya kambi ya watu wasio na makao. Tulikuwa tunatumia choo ya watu wote, na tulikuwa tunashota maji kwenye tangi la motokari ya kuzimia moto.

Kisha miaka 2, serikali ao guvernema ilitupatia nyumba ndogo. Jambo la kuhuzunisha ni kwamba majirani wetu wengi walikuwa wanatumia dawa za kulewesha, walikuwa walevi, wavunjaji wa sheria, na walikuwa waasherati sana.

Siku moja, mama yangu alikutana na mwanaume mumoja na mwishowe wakaoana. Baba huyo mupya alikuwa mulevi sana. Alikuwa anatupiga mimi na mama. Mara nyingi, nililia kwa uficho, nilitamani kuwa na baba wa kunilinda.

Tulikuwa masikini sana, ijapokuwa mama yangu alitumika kwa bidii ili kupata feza. Nyakati fulani tulipokuwa na njaa, hatukupata chakula; kwa hiyo, tulichanga maziwa na sukari na kunywa. Tulipotaka kujiburudisha, mimi na mudogo yangu tulikuwa tunachungulia kwenye dirisha la nyumba ya jirani ili kuangalia televizyo. Lakini siku moja jirani huyo alituona, na tukaacha kufanya hivyo!

Siku ambayo baba yangu mupya hakuwa mulevi—jambo ambalo lilitokea mara chache​—alikuwa anatununulia mimi na mudogo yangu kitu fulani cha kula. Siku moja, alitununulia televizyo ndogo. Hiyo ilikuwa siku moja kati ya siku chache ambapo nilijisikia kuwa mwenye furaha.

Nilipokuwa na miaka 12, nilijifunza kusoma. Mwaka mumoja kisha hapo, niliacha masomo na nikaanza kufanya kazi tangu asubuhi mupaka mangaribi. Kisha kazi, nilikuwa ninaenda kujifurahisha pamoja na wafanyakazi wenzangu ambao walikuwa wanaume wakubwa kunipita. Wakati huo, tulikuwa tunalewa na kutumia dawa za kulewesha. Bila kukawia, nikakuwa mutumwa wa pombe na dawa za kulewesha.

Nilipokuwa na miaka 20, nilikutana na Cati, na mwishowe tukaoana. Mwanzoni mambo yalikuwa mazuri, lakini nikarudilia tena tabia zangu. Mwenendo wangu ukaharibika zaidi. Mwishowe niliona kama mwenendo huo ungeweza kuniongoza  katika gereza ao kwenye kifo. Jambo mbaya zaidi, nilimufanya mutoto wangu Víctor ateseke namna nilivyoteseka nilipokuwa kijana. Nilihuzunika sana, nikajikasirikia na nilijisikia kuwa mutu wa bure.

Katika mwaka wa 2001, Mashahidi wa Yehova wawili walitutembelea nyumbani, na Cati akaanza kujifunza nao Biblia. Alikuwa ananielezea mambo aliyokuwa anajifunza. Kwa sababu nilitaka kujua mengi, mimi pia nikaanza kujifunza Biblia. Katika mwaka wa 2003, Cati alibatizwa na kuwa Shahidi wa Yehova.

BIBLIA ILIBADILISHA MAISHA YANGU: Siku moja, nilisoma andiko la Ruthu 2:12, linaloonyesha kama Yehova anawabariki wale wanaotenda kwa imani kwa kutafuta kimbilio kwake. Nilitambua kama nikibadilika, ninaweza kumupendeza Mungu na kubarikiwa naye. Nilielewa kama Biblia inakataza kabisa ulevi. Maneno ya andiko la 2 Wakorintho 7:1 yalinisaidia sana. Andiko hilo linatushauria “tujisafishe wenyewe kila [uchafu].” Kwa hiyo, nikaanza kuachana na tabia zangu mbaya. Kwanza nilikuwa ninakasirika​-kasirika, lakini Cati aliendelea kunivumilia.

Mwishowe niliacha kazi yangu kwa sababu marafiki wangu walikuwa wananishawishi sana nivute tumbaku na kunywa pombe. Hata ikiwa hatukuwa na feza kwa sababu sikuwa tena na kazi, nilipata wakati mwingi ili kujifunza Biblia. Huo ndio wakati ambapo nilianza kufanya maendeleo ya kiroho. Cati hakuniomba hata siku moja vitu vingi vya kimwili, na hakunilaumu kwa sababu ya maisha ya hali ya chini tuliyokuwa nayo. Ninamushukuru sana kwa sababu alinitegemeza kwa upendo.

Polepole, nikaanza kujiunga na Mashahidi wa Yehova. Walinisaidia kuelewa kwamba, hata kama sikusoma, Yehova anafurahia sana hamu yangu ya kumutumikia. Upendo na umoja ambao tuliona katika kutaniko la Kikristo ulisaidia sana familia yetu. Hatukupata amani kama hiyo mahali pengine. Mimi pia nikabatizwa Mwezi wa 12, 2004.

FAIDA AMBAYO NIMEPATA: Nimeona kama maneno ya Yehova katika andiko la Isaya 48:17 ni ya kweli; andiko hilo linasema hivi: “Mimi, Yehova, ni Mungu wako, Yeye anayekufundisha ili ujifaidi mwenyewe.” Mama yangu na mudogo yangu walishangaa sana kuona mabadiliko niliyofanya; kwa hiyo, walianza pia kujifunza Biblia. Hata majirani wangu wanafurahi kuona kama nimebadilika na kama familia yetu imekuwa yenye furaha.

Nina bibi anayemupenda Mungu na anayeniona kuwa bwana na rafiki mwenye kutumainika. Hata ikiwa sijamuona baba yangu hata siku moja, Biblia imenifundisha namna ya kuwalea watoto wangu watatu. Wananiheshimu. Na jambo la lazima zaidi, wanamuona Yehova kuwa mutu wa kweli, na wanaendelea kumupenda.

Mimi ni mwenye shukurani sana kwa sababu Yehova amenisaidia niwe mwenye furaha, hata ikiwa niliteseka utotoni.

“Nilifikia kuwa kijana mwanamuke mwenye kukasirika haraka na muchokozi.”​—NABIHA LAZAROVA

ALIZALIWA MWAKA WA 1974

ALIZALIWA KATIKA INCHI YA BULGARIE

ALIKUWA ANAUZISHA DAWA ZA KULEWESHA

 MAISHA YANGU YA ZAMANI: Nilizaliwa katika muji wa Sofia, huko Bulgarie, hatukuwa matajiri sana wala masikini. Baba yangu alituacha nilipokuwa na miaka 6. Jambo hilo lilinihuzunisha sana na liliniumiza moyoni. Nilijisikia kuwa mutu mwenye kutupiliwa, asiyestahili kupendwa. Nilipoendelea kukomaa, kujisikia hivyo kulinifanya niwe muasi. Nilifikia kuwa kijana mwanamuke mwenye kukasirika haraka na muchokozi.

Nilipokuwa na miaka 14, nilikimbia kwetu kwa mara ya kwanza. Mara nyingi, niliiba feza za mama, za tate (nkambo) mwanaume na tate mwanamuke. Kwenye masomo nilikuwa ninakosana na wenzangu kila mara kwa sababu nilikuwa mukali sana, na kwa hiyo, nilifukuzwa mara 5 kwenye masomo mbalimbali katika miaka michache tu. Miaka 3 mbele ya kupata diplome, nikaacha masomo. Nilikuwa na mwenendo mubaya sana. Nikakuwa mutumwa wa tumbaku na wa dawa ya kulewesha inayoitwa marijuana. Nilikuwa ninalewa sana, tulikuwa tunajifurahisha kwa ukawaida, na nilikuwa ninauzisha dawa za kulewesha. Sikuona faida ya kuishi katika dunia isiyo na tumaini ambamo watu wanateseka na kufa. Kwa hiyo, nikatafuta kuishi maisha ya raha tu.

Katika mwaka wa 1998, nilipokuwa na miaka 24, nilikamatwa kwenye uwanja wa avion wa São Paulo, huko Brezil, kwa sababu nilikuwa na dawa za kulewesha katika mizigo yangu. Kwa hiyo, nilifungwa kwa miaka 4.

BIBLIA ILIBADILISHA MAISHA YANGU: Katika mwaka wa 2000, Mashahidi wa Yehova walianza kututembelea katika gereza mara moja kwa juma. Marines, mumoja wao, alinionyesha wema. Kwa sababu yake, nilitamani kujifunza mengi juu ya Biblia. Nilikuwa sijazungumuza na Mashahidi wa Yehova hata siku moja, kwa hiyo niliuliza wafungwa wengine kama wanawaza nini juu yao. Jambo la kushangaza, wengi kati ya wafungwa waliwasema vibaya. Mufungwa mumoja aliniambia kama ninaweza kujiunga na dini yoyote lakini nisijiunge na Mashahidi wa Yehova. Maneno yake yalinisukuma nitafute kujua zaidi sababu gani Mashahidi wa Yehova wanachukiwa sana. Kisha nilivumbua kama ni kwa sababu dini yao ndiyo ya kweli; Biblia inasema kama wafuasi wa kweli wa Yesu watateswa.​—2 Timotheo 3:12.

Wakati huo, nilikuwa na kazi ya kusafisha biro mbalimbali zinazoongoza mambo ya gereza. Siku moja, nilipata masanduku fulani katika chumba cha kuwekea vitu, masanduku hayo yalikuwa na magazeti ya zamani ya Munara wa Mulinzi na Amkeni! * Nilienda na magazeti hayo katika chumba changu cha gereza na nikaanza kuyasoma. Nilipoendelea kuyasoma, nilijisikia kama mutu anayepata chemuchemu ya maji baridi katika jangwa. Kwa sababu nilikuwa na wakati mwingi, kila siku nilijifunza Biblia kwa saa nyingi.

Siku moja, niliitwa kwenye biro kubwa ya gereza. Niliwaza kama nitafunguliwa, kwa hiyo nilikusanya haraka vitu vyangu, niliwalaga wafungwa wenzangu, na nikakimbilia kwenye  biro hiyo. Lakini, nilipofika huko, niliambiwa kama nimeshitakiwa tena kwamba nina dokima za uongo na nikafungwa tena kwa miaka 2.

Kwanza, nilivunjika moyo sana. Lakini siku chache kisha hapo, nilianza kuelewa kama kufungwa tena ilikuwa baraka kwangu, kwa sababu, hata ikiwa nilikuwa nimejifunza mambo mengi katika Biblia, moyoni mwangu nilikuwa ningali na tamaa ya kurudilia maisha yangu ya zamani ikiwa ninafunguliwa. Nilikuwa na lazima ya wakati mwingi ili kubadilika.

Wakati fulani niliwaza kama Mungu hawezi kunikubali kuwa muabudu wake. Lakini niliwaza sana juu ya maandiko kama vile 1 Wakorintho 6:9-11. Andiko hilo linaonyesha kama wakati wa mitume, Wakristo fulani walikuwa wezi, walevi, na wanyanganyi mbele ya kuwa watumishi wa Yehova. Lakini, walibadilika kwa musaada wa Yehova. Mufano wao ulinitia moyo sana.

Niliacha kwa vyepesi tabia zangu fulani mbaya, kwa mufano, kutumia dawa za kulewesha. Lakini ilikuwa vigumu sana kwangu kuacha kuvuta tumbaku. Niliacha tabia hiyo kisha kuipiganisha sana kwa mwaka mumoja. Mambo niliyojifunza kuhusu matokeo mabaya ya tumbaku juu ya afya ya mutu ndiyo yaliyonisaidia niache kuvuta tumbaku. Zaidi ya yote, jambo lililonisaidia sana kuacha tabia hiyo ni kusali kwa Yehova kwa ukawaida.

Nilipoendelea kumukaribia Yehova zaidi, sikujisikia tena kuwa mwenye kutupiliwa kama nilivyojisikia kisha baba kutuacha. Maneno ya Zaburi 27:10 yalinigusa moyo sana. Andiko hilo linasema hivi: “Hata ikiwa baba yangu na mama yangu wangeniacha, Yehova mwenyewe angenichukua.” Nilielewa kama nilikuwa nimepata Baba muzuri zaidi​—ambaye hawezi kuniacha hata kidogo! Sasa maisha yangu ni yenye maana. Mwezi wa 4, 2004, miezi 6 kisha kufunguliwa, nilibatizwa na kuwa Shahidi wa Yehova.

FAIDA AMBAYO NIMEPATA: Sasa mimi ni mutu mwenye furaha. Kwa sababu nimeacha tabia zangu mbaya, mimi ni mwenye afya nzuri kimwili na nina moyo mutulivu kuliko nilivyokuwa nilipokuwa kijana. Mimi ni mwenye furaha katika ndoa, na nimefanya urafiki wa sana pamoja na Baba yangu wa mbinguni, Yehova. Nimepata baba, mama, ndugu, na dada wengi kati ya waabudu wake. (Marko 10:29, 30) Ninawashukuru sana kwa sababu waliona kama ninaweza kubadilika na kuwa mutu muzuri​—kuliko namna nilivyojiona.

Wakati fulani, ninahuzunika sana kwa sababu ya maisha yangu ya zamani. Lakini ninafarijiwa kwa kujua kama katika dunia mupya ambayo Mungu ameahidi, mambo kama hayo “hayatakumbukwa akilini.” (Isaya 65:17) Mambo ambayo nimeishi yananisaidia kujitia pa nafasi ya watu wanaogombanisha tabia mbaya kama zile nilizokuwa nazo. Katika njia hiyo, ninaweza kusema kama maisha yangu ya zamani ni yenye faida kwangu. Kwa mufano, ninapokuwa katika mahubiri, ninazungumuza kwa vyepesi na watu wanaotumia dawa za kulewesha, walevi, ao wavunjaji wa sheria​—bila kuwabagua. Kwa kweli, ikiwa mimi niliweza kufanya mabadiliko ili kumupendeza Yehova, watu wengine wanaweza pia kufanya hivyo!

[Maelezo ya chini]

[Wazo la fungu kwenye ukurasa 27]

“Hata ikiwa sijamuona baba yangu hata siku moja, Biblia imenifundisha namna ya kuwalea watoto wangu watatu”

[Wazo la fungu kwenye ukurasa 29]

“Nimepata Baba muzuri zaidi​—ambaye hawezi kuniacha hata kidogo!”