Shuguli za Watu Wakati wa Noeli

TAREHE 23 MWEZI WA 12, 2008, BRAD HENRY, LIWALI WA ZAMANI WA JIMBO LA OKLAHOMA [États-Unis], alisema hivi: “Ni vyepesi sana mutu kujiingiza katika shuguli za wakati wa Noeli. Watu wanafanya desturi za Noeli kwa sababu tu ya kulazimishwa, na kwa sababu ya shuguli nyingi, hawana wakati mwingi wa kuwa pamoja na watu wa familia na marafiki wao. Furaha ambayo tungepaswa kuwa nayo, inakosekana wakati fulani kwa sababu ya kuwa na mahangaiko mengi.”

WAKATI wa Noeli unapokaribia, nyimbo, filme, na programu za televizyo, yote hayo yanafanya kipindi cha Noeli kiwe chenye kufurahisha na chenye kusisimua. Unawaza ni nini kinachosukuma watu kuwa na shuguli nyingi wakati huo wa Noeli? Unawaza ni

● Kumukumbuka Yesu Kristo?

● Kuwa na furaha ya kutoa?

● Kusaidia wenye uhitaji?

● Kuwa pamoja na watu wa jamaa?

● Kuwa na amani na watu wengine?

Kama Liwali Henry, aliyetajwa mwanzoni mwa habari hii alivyosema, watu wengi wanaofanya sikukuu ya Noeli wanaona kuwa ni vigumu kutimiza mambo hayo yote wakati wa Noeli. Mara nyingi wakati wa Noeli unakuwa wakati wenye shuguli nyingi, wenye mahangaiko, na zaidi ya yote, unakuwa wakati wa biashara. Je, inawezekana kuwa na furaha na kuonyesha upendo ambao watu wanatazamia wakati huo?

Biblia inatutia moyo sisi wote kumukumbuka Yesu Kristo, kuwa wakarimu, kusaidia wenye uhitaji, na kupitisha wakati pamoja na watu wa jamaa zetu. Pia inatufundisha namna ya kuwa watu wenye amani. Kwa hiyo, habari hii na zingine zinazofuata hazitazungumuzia sababu gani watu wengine hawafanye sikukuu ya Noeli, * lakini zitazungumuzia maulizo yanayofuata:

● Watu wengine wanasema ni nini inapaswa kuwa sababu ya kufanya sikukuu ya Noeli?

● Sababu gani ni vigumu kutimiza mambo wanayotazamia wakati wa Noeli?

● Ni kanuni gani za Biblia ambazo zimewasaidia watu wengi kupata jambo nzuri zaidi kuliko Noeli?

[Maelezo ya chini]