WAZIA kwamba una rafiki ambaye unapenda sana, lakini anafanya jambo fulani ambalo hauwezi kuelewa. Wengine wanachambua tendo lake na wanashakia nia yake, kwa kusema kwamba rafiki yako hana huruma. Je, utakubaliana nao mara moja, ao utangojea mupaka rafiki yako akuelezee vizuri habari hiyo? Ikiwa haiko pale ili kujieleza mwenyewe, je, utavumilia na kuacha kumuhukumu haraka?

Mbele ya kujibu maulizo hayo, labda utapenda kujua mengi zaidi. Unaweza kuuliza, ‘Je, kweli ninamujua rafiki huyu vizuri, na kuna sababu gani zinazonichochea nimupende sana?’ Ni vizuri kabisa kujiuliza hivyo. Lakini fikiria hili: Je, hatupaswe kutumia kanuni hizohizo tunapojiuliza ikiwa Mungu ana huruma?

Labda inaweza kuwa vigumu kwako kuelewa mambo fulani ambayo Mungu amefanya, ao unaweza kushangazwa na mambo ambayo ameacha yatendeke. Kuna watu wengi ambao wanaweza kukuambia kama Mungu hana huruma na ambao wanaweza kukuchochea ushakie nia yake kama wao. Je, utamuhukumu haraka mbele ya kujua mengi juu yake? Jibu linaweza kutegemea kadiri unavyomujua Mungu. Ujiulize, ‘Je, ninamujua Mungu vizuri kabisa?’

Ikiwa umepata magumu mengi katika maisha yako, unaweza kushawishiwa kusema kama Mungu hajakuwa rafiki muzuri kwako hata siku moja. Lakini fikiri kidogo. Je, Mungu ndiye amekuletea mateso ao baraka katika maisha yako? Kama tulivyoona, Shetani ndiye ‘mutawala wa ulimwengu huu,’ si Yehova. (Yohana 12:31) Kwa hiyo, mateso mengi na ukosefu wa haki katika dunia hii vinatokana na Shetani. Na mateso mengine yanayotupata yanatokana na hali yetu ya kutokamilika na pia matukio yasiyotazamiwa, sivyo?

Kwa upande mwengine, ni mambo gani yanayotokana na Mungu? Chunguza mambo ambayo Biblia inasema: kwamba Mungu ni ‘Mutengenezaji wa mbingu na dunia’; kwamba kazi zake zinatia ndani miili yetu, ambayo imeumbwa “kwa njia ya ajabu”; na kwamba Yehova ni ‘Mungu ambaye pumuzi yetu iko mikononi mwake.’ (Zaburi 124:8; 139:14; Danieli 5:23) Hayo yote yanamaanisha nini?

Yanamaanisha kwamba pumuzi yetu na uzima wetu vinatokana na Muumbaji wetu. (Matendo 17:28) Ni kusema kwamba zawadi ya uzima, vitu vizuri vinavyotuzunguka, furaha inayotokana na upendo na urafiki, furaha inayotokana na kuonja, kugusa, kusikia, na kunusa​—hizo zote ni zawadi kutoka kwa Mungu. (Yakobo 1:17) Baraka hizo zote zinamufanya awe Rafiki tunayepaswa kuheshimu na kutumainia, sivyo?

Kwa kweli, unaweza kuona kuwa ni vigumu kwako kumutumainia Mungu. Labda unajisikia kuwa haujamujua Mungu vizuri kabisa ili kumutumainia. Na hilo ni jambo lenye kueleweka. Katika habari hizi fupi, hatuwezi kuzungumuzia sababu zote zinazowafanya watu wengine waseme kwamba Mungu hana huruma. Lakini, je, si jambo lenye faida kupata kumujua Mungu vizuri? * Tuko na uhakika kwamba ukifanya hivyo, utajua ukweli juu Mungu. Je, kweli Mungu hana huruma? Sivyo hata kidogo, tofauti na hilo: “Mungu ni upendo.”​—1 Yohana 4:8.