HATA hivyo, watu wanaounga mukono muungano wa dini, wana mawazo tofauti. Eboo Patel, mwanzilishi wa Kikundi cha Vijana Walio Katika Muungano wa Dini, alisema hivi: “Munionyeshe ni dini gani ambayo haina huruma . . . , ambayo haihangaikie kutunza hali ya dunia . . . , ambayo haisaidie watu.”

Kwa kweli, iwe Wabuda, Wakatoliki, Waprotestanti, Wahindu, Waislamu, na watu wa dini zingine nyingi, wote wameungana pamoja wakati fulani ili kupiganisha umaskini, kutetea haki za binadamu, na kukataza kutega mabomu ndani ya udongo, ao kuhangaikia hali ya kuchafua dunia. Dini nyingi zimekutana ili kuzungumuza juu ya namna watu wanaweza kuelewana na kutiana moyo. Wanasherehekea tofauti zao za kidini kwa kufanya sikukuu za kuwasha mishumaa, kwa kufanya sherehe, kucheza muziki, kusali, na kazalika.

Je, muungano huo wa dini ndiyo njia ya kutatua matatizo ya wanadamu? Je, muungano wa dini ndiyo njia ambayo Mungu anatumia ili kuleta ulimwengu ulio muzuri?

Shirika moja kubwa la muungano wa dini linajisifu kwamba linatumika katika inchi 76 na lina washiriki mbalimbali kutoka katika dini zaidi ya 200. Shirika hilo lilisema kwamba kusudi lake ni “kuchochea kila siku umoja wenye kudumu wa muungano wa dini.” Hata hivyo, maneno hayo yanaonekana kuwa rahisi kusema kuliko kufanya. Kwa mufano, kulingana na watu waliounda shirika hilo, makubaliano yao yalipaswa kuandikwa kwa uangalifu ili yasiumize waamini wengi wa dini zingine waliotia sahihi kwenye makubaliano hayo. Sababu gani walifanya hivyo? Sababu moja ni kwamba hawakusikilizana ikiwa neno Mungu lingepaswa kuandikwa katika makubaliano hayo. Hiyo ndiyo sababu waliepuka kutaja ao kuandika neno Mungu.

Ikiwa tunamuweka Mungu pembeni katika mambo yetu, dini ina kazi gani? Na zaidi ya hilo, kuna tofauti gani kati ya dini na shirika la kutoa misaada? Hiyo ndiyo sababu shirika la muungano wa dini ambalo tumetaja hapo juu halijiite kuwa shirika la dini, lakini linajiita kuwa ni “shirika linalochochea umoja.”

Dalai Lama, mutu anayejulikana katika kutetea muungano wa dini anasema hivi: “Kwa kawaida, mafundisho yote ya musingi ya dini yana ujumbe uleule: ni kusema, upendo, huruma, na musamaha.” Dalai Lama anaongeza kwa kusema hivi: “Jambo la maana ni kwamba tunapaswa kuonyesha sifa hizo katika maisha yetu ya kila siku.”

 Kwa kweli, sifa kama vile upendo, huruma, na musamaha ni za maana. Yesu alipofundisha jinsi ya kuwatendea wengine, alisema hivi: ‘Kwa hiyo, mambo yote munayotaka watu wawatendee ninyi, lazima muwatendee wao pia vivyo hivyo.’ (Mathayo 7:12) Je, imani ya kweli ni kuwaambia tu watu watende mema?

Mutume Paulo alisema hivi kuhusu watu waliokuwa wakijitapa kuwa wanamutumikia Mungu: “Nawatolea ushahidi kwamba wana bidii kwa ajili ya Mungu; lakini si kulingana na ujuzi sahihi.” Watu hao walikuwa na tatizo gani? Paulo alisema kwamba “kwa sababu ya kukosa kujua uadilifu wa Mungu,” walikuwa “wakitafuta kujiwekea uadilifu wao wenyewe.” (Waroma 10:2, 3) Kwa sababu walikosa ujuzi wa mambo ambayo Mungu alitaka wafanye, bidii na imani yao ilikuwa ya bure kabisa.​—Mathayo 7:21-23.

Yesu alisema kwamba “wenye furaha ni wale wanaofanya amani.” (Mathayo 5:9) Yesu aliishi kulingana na mambo aliyokuwa anahubiri. Alifundisha kukataa kutendea wengine kwa jeuri na aliwatolea watu wa dini mbalimbali ujumbe wa amani. (Mathayo 26:52) Watu waliokubali ujumbe wake waliingizwa katika kifungo cha upendo chenye kudumu. (Wakolosai 3:14) Je, kusudi la Yesu lilikuwa tu kuunganisha watu wa vikundi mbalimbali ili waishi pamoja kwa amani? Je, alijiunga na dini zingine katika ibada yao?

Viongozi wa vikundi vya dini ya Mafarisayo na Masadukayo walimupinga Yesu vikali kabisa na hata walitafuta kumuua. Alifanya nini? Yesu aliwaambia wanafunzi wake hivi: “Waacheni. Wao ni viongozi vipofu.” (Mathayo 15:14) Yesu alikataa kuingia katika muungano wa dini wa watu hao.

Kisha muda fulani, kutaniko la Kikristo liliundwa Korintho, katika inchi ya Ugiriki, muji uliojulikana kwa sababu ya desturi ya vikundi mbalimbali vya watu, vya kisiasa, na vya dini. Wakristo wangeishi namna gani katika hali kama hizo? Mutume Paulo aliwaambia kwamba hawapaswe kuwa na uhusiano na dini zingine alipowaandikia hivi: ‘Kwa maana kuna ushirika gani kati ya uadilifu na uasi-sheria? Ao nuru ina ushirika gani na giza? Na zaidi, kuna upatano gani kati ya Kristo na Beliali [Shetani]?’ Na baadaye akaongezea hivi: ‘Kwa hiyo tokeni katikati yao, na mujitenge.’​—2 Wakorintho 6:14, 15, 17.

Biblia inapinga waziwazi muungano wa dini. Lakini unaweza kujiuliza, ‘Namna gani umoja wa kweli unaweza kupatikana?’

Kituo cha Angani cha Kimataifa ni muungano wa inchi karibu 15 na ni tekinolojia iliyo na kusudi la kuzunguka dunia. Je, mupango huo ungefanikiwa ikiwa inchi ambazo zilihusika hazikukubaliana juu ya ramani ambayo ingetumiwa?

Hiyo ndiyo hali ya shirika za muungano wa dini za leo. Hata ikiwa umoja na kuheshimiana ni mambo ambayo wanazungumuzia sana, hawakubaliane juu ya namna wanavyoweza kujenga imani yao. Na matokeo ni kwamba, mambo yanayohusu mwenendo na mafundisho ya dini yanaendelea kuwatenganisha watu.

Biblia ina kanuni za Mungu zilizo kama ramani inayotuonyesha njia ya kutuongoza. Tunaweza kuongoza maisha yetu kulingana na yale ambayo Biblia inasema. Wale ambao wanaongozwa na Biblia hawana ubaguzi wa rangi na wa dini na wanajifunza kufanya kazi pamoja kwa amani na umoja. Kuhusu jambo hilo, Mungu alisema hivi: ‘Kwa maana ndipo nitakapobadilisha luga ya vikundi vya watu na kuwapa luga safi, ili wote waliitie jina la Yehova, wamutumikie bega kwa bega.’ Umoja unatokana na kusema “luga safi,” maana yake, kufuata kanuni za hali ya juu za Mungu zinazohusu ibada.​—Sefania 3:9; Isaya 2:2-4.

Mashahidi wa Yehova wanakualika kwa uchangamufu uje kwenye Jumba la Ufalme lililo karibu na kwenu ili ujionee amani na umoja ulio kati yao.​—Zaburi 133:1.