“Sikuwaziaka kama ningeweza kufanya mambo mingi kabisa mu kazi ya Yehova.” Vile njo Gwen, mwenye alitoka Uingereza, anazungumuzia vile alijisikia juu alienda kutumikia fasi kwenye kulikuwa lazima kubwa ya wahubiri mu Albania. *

 Gwen ni mumoja kati ya Mashahidi wa Yehova wengi wenye wameenda Albania juu ya kusaidia kukusanya “vitu vyenye samani vya mataifa.” (Hagai 2:7) Nini njo iliwachochea kufanya vile? Walifanya mabadiliko gani mu maisha yao juu waende kule? Na ni mambo gani imesaidia wale ndugu na dada wenye walienda kutumikia fasi kwenye kuwa lazima kubwa kuendelea kuhubiri hata kama walipata magumu?

 Kuko jambo moya yenye ilichochea wahubiri wote wenye walikuya kutumikia Albania: Wote wanamupenda Yehova na wanapenda kusaidia wengine wamujue.

 Mbele ya kuhama, walifanya mabadiliko fulani mu maisha yao juu waweze kuhubiri sana, na ile iliwasaidia wapambane na magumu ya kutumikia mu inchi ya mbali. Gwen anasema hivi: “Kwanza, nilijiunga na kikundi ya luga ya Albania mu inchi yangu. Kisha nilienda Albania ku mukusanyiko wa eneo. Na nilienda tena kule juu nijifunze muzuri ile luga.”

 Wakati Manuela alikuwa na miaka 23, alienda mu eneo ingine ya mu inchi yake, mu Italia, juu ya kusaidia kutaniko ya kidogo. Anasema hivi: “Nilitumikia kule kwa miaka ine. Kisha niliona kama kulikuwa kazi mingi ya kufanya mu Albania. Kwa hiyo, nilikamata mipango ya kufanya kazi ya upainia kule kwa miezi fulani.”

 Federica alikuwa na miaka saba wakati alisikia ku mukusanyiko wa eneo ripoti fulani kuhusu inchi ya Albania. Alisema hivi: “Ndugu mwenye alitoa ile ripoti alisema kama wahubiri mu Albania walikuwa wanaanzisha mafunzo mingi ya Biblia na kama wale wenye kupendezwa walikuwa nakuya ku mikutano. Nilianza kuambia wazazi wangu kama nilipenda kuenda Albania. Wakati niliwaambia vile walishangaa, lakini baba akaniambia hivi: ‘Usali juu ya ile, na kama ni mapenzi ya Yehova, atajibu.’ Kisha miezi fulani, familia yetu ilialikwa kutumikia Albania!” Miaka mingi imepita, kwa sasa Federica ameolewa na Orges. Wote wako mu utumishi wa wakati wote, na wako wanatumika pamoya mu Albania.

 Kisha Gianpiero kuacha kazi juu ya uzee, yeye na bibi yake Gloria walihamia Albania. Gianpiero anasema hivi: “Tulikomalisha watoto wetu wanaume mu Italia. Watatu kati yao walienda kutumikia fasi kwenye kulikuwa lazima kubwa ya wahubiri. Habari fulani yenye kuwa mu Munara wa Mulinzi ilitugusa sana. Ilikuwa na kichwa: ‘Je, Unaweza Kuvuka na Kuingia Makedonia?’ Nilikuwa napata makuta yenye mutu anapataka kisha kuacha kazi juu ya uzee. Tuliikala na kufikiria namna tungeweza kutumia ile makuta juu tuweze kutumikia Albania.”

 Ndugu na dada wenye wanapenda kuenda kutumikia fasi kwenye kuwa lazima kubwa ya wahubiri wanapaswa kupanga mambo muzuri mbele ya wakati na kufanya mabadiliko fulani. (Luka 14:28) Kwa mufano, wanapaswa kufikiria namna watakuwa wanafanya juu ya kupata mambo yenye wako nayo lazima. Gwen, mwenye tulishazungumuzia, wakati alikuwa angali mu Uingereza, alienda kwanza kuishi na dada yake na ile ilimusaidia kuchunga makuta. Sophia na Christopher, wenye walitoka pia Uingereza, wanasema hivi: “Tuliuzisha motokari yetu na vitu fulani vya mu nyumba. Tulikuwa napanga kubakia Albania kwa mwaka moya hivi.” Inafurahisha kuona kama walibakia kule zaidi ya mwaka moya.

 Wahubiri fulani walibakia Albania kwa miezi fulani, kisha walikuwa narudia mu inchi yao juu ya kufanya kazi na kuchunga makuta na walikuwa wanarudia tena Albania. Vile njo Eliseo na Miriam walifanya. Eliseo anasema hivi: “Miriam ni wa mu eneo fulani ya Italia kwenye waturiste wengi wanatembeleaka sana; kule ni mwepesi sana kupata kazi ya muda. Tulikuwa naenda mu ile eneo na kutumika kwa miezi tatu mu wakati ya kivukutu, na kisha, makuta yenye tulikuwa napata ilikuwa natusaidia tuishi tena Albania kwa miezi kenda. Tulifanya vile kwa miaka tano.”

 Wakati ndugu na dada wanahamia fasi kwenye kuwa lazima kubwa ya wahubiri, wanapaswa kujipatanisha na hali zenye hawakukuwa nazoea. Lakini, mashauri na mufano wa Mashahidi wa Yehova wa kule unaweza kuwasaidia kuzoea hali za mupya. Sophia, mwenye tulishazungumuzia, anasema hivi: “Mu Albania mu kipindi ya baridi, mu nyumba munakuwaka baridi sana tofauti na kwetu. Nilikuwa naangalia vile dada wa mu ile inchi walikua navala, na miye nikaanza kufanya vile.” Grzegorz na bibi yake, Sona, walitoka Poland juu ya kutumikia mu muji ya kupendeza sana ya Prizren, mu Kosovo. * Grzegorz anasema hivi: “Hapa wahubiri ni wanyenyekevu sana, wenye fazili, na wavumilivu! Wako natufundisha luga na mambo ingine. Kwa mufano, walituonyesha fasi ya kuuza vitu ku bei ya muzuri na kutuonyesha fasi ya muzuri kwenye tunaweza kuuza chakula.”

 Kufanya urafiki na Mashahidi wa Yehova wa mu eneo ingine na kujua muzuri desturi zao kunasaidiaka sana wale wenye wanaendaka kutumikia fasi kwenye kuko lazima kubwa ya wahubiri. Sona anasema hivi: “Nimejionea namna upendo wa Yehiova unaweza kubadilisha maisha ya watu. Imani yangu ilikuwa nguvu wakati niliona namna ndugu walibadilisha kabisa mambo yenye waliamini na maisha yao wakati walijifunza kumuhusu Yehova. Mu kutaniko, tunaona kama ndugu wako na lazima na siye, na tunaona kama tunaweza kuwasaidia. Tuko natumika na ndugu na dada na wamekuwa marafiki wetu.” (Marko 10:29, 30) Gloria anasema hivi: “Najua dada wengi wenye walivumilia upinzani mukali wa watu wenye hawapendi Mashahidi. Inanitiaka moyo sana kuona namna wanamupenda Yehova.”

 Ndugu na dada wenye wanahamiaka fasi kwenye kuko lazima kubwa ya wahubiri wanakuwaka pia na nafasi ya kujifunza mambo mingi yenye pengine hawakujifunza kwao. Kwa mufano, wanaona kama kujitolea juu ya kufanya mambo mingi mu kazi ya Yehova kunaletaka furaha. Kuhusiana na ile, Stefano anasema hivi: “Mu inchi yangu, nilikuwa nahubiri sana kupitia enterfone, na nilikuwa nazungumuza tu kwa kifupi. Lakini, Waalbania wanapendaka kuzungumuza kwa wakati murefu zaidi sana wakati wako na kunywa café. Juu nakuwaka mutu wa haya, ku mwanzo nilishangala, na sikujua niseme nini. Lakini, kisha wakati fulani, nilijifunza kupendezwa na watu, na sasa nafurahia kuzungumuza nao. Kazi ya kuhubiri inanifurahisha zaidi.”

 Leah na bwana yake William walitoka Amerika na kuenda Albania. Leah anasema hivi: “Kutumikia hapa kumetufungula macho. Tumejifunza mambo mingi juu ya namna ya kukaribisha watu, kuwaheshimia, na urafiki! Tumejifunza njia zingine za kuhubiri, namna ya kufikiri na watu kupitia Maandiko, na namna ya kueleza mawazo yetu.” William anasema hivi: “Watu wengi wenye wanatembeleaka Albania wanafurahiaka sana plage zenye kupendeza. Miye napendaka sana kutembelea ku milima ya majiwe-majiwe ya Albania. Lakini ile nafurahiaka sana hapa ni watu! Watu mingi mu vijiji vya hapa, hawaya sikiaka mambo mingi juu ya kweli isipokuwa mambo kidogo tu yenye walisikiaka wakati ya kampanye za pekee. Wakati tunaenda kule, wakati fulani tunapitisha tu siku muzima na tuko nazungumuza na familia fulani tu.”

 Jambo yenye inafurahishaka sana wale wenye wanaendaka kutumikia fasi kwenye kuwa lazima ya wahubiri ni kuona namna watu wanakubali habari njema. (1 Watesalonike 2:19, 20) Laura, mwenye alihamia Albania na hayaolewa, anasema hivi: “Nilitumikia kwa wakati fulani mu eneo ya Fier. Mu miaka mbili tu na nusu, watu 120 walifanya maendeleo na kuwa wahubiri! Nilikuwa najifunza na wanafunzi 16 kati yao!” Sandra, dada mwingine, anasema hivi: “Nilihubiriaka mwanamuke fulani mwenye alikuwaka natumika mu soko. Alifanya maendeleo na kuwa Shahidi na kisha akarudia mu kijiji yao. Wakati nilizungumuza naye kwa mara ya mwisho, aliniambia kama alikuwa alishaanzisha mafunzo ya Biblia 15!”

 Ndugu na dada fulani wenye waliendaka Albania wangali kule na wanafurahia sana kazi ya kuhubiri. Wakati fulani wanashangala kuona watu wenye walihubiriaka zamani wanakubali kweli. (Muhubiri 11:6) Christopher, mwenye tulishazungumuzia, anasema hivi: “Nilikutana bila kutazamia na mwanaume fulani mwenye nilianzaka kujifunza naye Biblia wakati tulifika Albania kwa mara ya kwanza. Niliguswa sana wakati alinikumbusha mazungumuzo yetu ya kwanza-kwanza kuhusu Biblia. Kwa sasa yeye na bibi yake ni Mashahidi wa Yehova wenye kubatizwa.” Federica, mwenye tulishazungumuzia, anasema hivi: “Mu kutaniko fulani, dada moya alinikaribia na kuniuliza kama ninamukumbuka. Aliniambia kama nilimuhubiriaka kumepita miaka kenda. Wakati fulani kisha miye kuhamia mu muji mwingine, ule dada alianza kujifunza Biblia, akafanya maendeleo na kubatizwa. Nilikuwa nawaza kama miaka yetu ya kwanza mu Albania haikukuwa na matokeo ya muzuri. Lakini nilijidanganya!”

 Ndugu na dada wenye walihamia Albania ao Kosovo ni wenye shukrani juu ya kuona namna Yehova alibariki bidii yao na kwa kuwapatia maisha ya muzuri. Kisha kufanya miaka mingi mu Albania, Eliseo anasema hivi kwa kifupi: “Juu tuko wanadamu, inaweza kuwa mwepesi kuwaza kama tutakuwa na maisha ya muzuri kama tunategemea mambo yenye watu mu hii dunia wanategemea. Lakini ile ni kujidanganya. Tofauti na ile, kanuni za Yehova zinatusaidia kuwa na maisha yenye kuwa na kusudi, na ya muzuri. Kutumikia fasi kwenye kuwa lazima kubwa ya wahubiri kunanisaidiaka kukumbuka vile. Najionaka kuwa wa maana. Niko na marafiki wa kweli na tuko na miradi ileile.” Sandra anasema hivi: “Wakati nilihamia fasi kwenye kuwa lazima ya wahubiri, niliona kama Yehova alinipatia nafasi ya kufikia muradi wenye nillikuaka nao tangu zamani, ni kusema, kuwa misionere. Siyahuzunikiaka uamuzi wangu wakutumikia Albania. Siyakuwaka na furaha sawa hii.”