PĚNGANGĚNDUNGANG 02
Dianding Alkitapẹ̌ Makaghělị Pělaharapẹ̌
Taumata su patikụ dunia nakahombang haghing masalah nakakoạ si sire nasusah naung, gụgěnggang, dingangu nasigěsạ. Apa i kau bọu nakahombang sěmbaụ situasi kụ nakakoạ si kau nakapěndang kerene? Aramanung i kau nasigěsạ ual᷊ingu masakị arau taumata ikẹ̌kěndagu nate. I kau aramanung nẹ̌pikirẹ̌, ’Apa pěbawiahẹ̌ sarung makoạ limembong mapaelẹ̌?’ Alkitapẹ̌ simimbahẹ̌ kakiwal᷊o ene.
1. Kerea Alkitapẹ̌ nakaghělị pělaharapẹ̌?
Alkitapẹ̌ tawe kětạeng nělahẹ kawe nụe dunia ini napenẹu masalah, katewe Alkitapẹ̌ lai něgělị habarẹ̌ mapia seng mal᷊ighạ Mawu mapakailang kěbị masalah. Dianding Alkitapẹ̌ botonge makaghělị si kau ”pěbawiahẹ̌ mal᷊uasẹ̌ su tempo mahi dingangu pělaharapẹ̌”. (Basa Yeremia 29:11, 12.) Manga diandi ene makatul᷊ung si kau tumatěngo haghing masalah orasẹ̌ ini, piạ tiněna positif, dingangu makaěbạ pěbawiahẹ̌ mal᷊uasẹ̌ sarang karěngụe.
2. Tumuhụ Alkitapẹ̌, kerea pěbawiahẹ̌ su tempo mahi?
Alkitapẹ̌ naul᷊ị su tempo mahi ”papate sarung mailang. Pěndang lụl᷊ahunsusah, sasangị, arau pěndang matědụ lai sarung mailang”. (Basa Wahyu 21:4.) Manga masalah nariadi orasẹ̌ ini kụ nakakoạ taumata nasigěsạ, kere kasasusah, barang tawẹ adile, sakị, dingangu papate, ene sarung mailang. Alkitapẹ̌ nẹ̌diandi taumata sarung měbiahẹ̌ kěkalẹ̌ su Firdaus su dunia.
3. Kerea tadeạu i kau limembong mangimang dianding Alkitapẹ̌ ene sarung mariadi?
Lawọ taumata mělẹ̌harapẹ̌ barang mapia mariadi, katewe i sire ragu ene mariadi. Dianding Alkitapẹ̌ ene nẹ̌tatěntang. I kitẹ botonge limembong mangimang su dianding Alkitapẹ̌ mạeng i kitẹ ’měmarikěsa pakapia Binohẹ Susi’. (Kisah 17:11) Su tempong měngěndung Alkitapẹ̌, i kau sarung makasingkạ dianding Alkitapẹ̌ soal u pěbawiahẹ̌ su tempo mahi ene botonge kapěngimangeng.
BANGKA PAKARAL᷊UNG
Mahịe měngěndung piram baụ dianding Alkitapẹ̌, kụ pěmanda kerea manga diandi ene nakatul᷊ung taumata orasẹ̌ ini.
4. Alkitapẹ̌ nẹ̌diandi i kitẹ botonge měbiahẹ̌ kěkalẹ̌ kụ seng tawe masigěsạ
Pěmandạe manga dianding Alkitapẹ̌ kạbawohẹ bawah sini. Diandi sude limembong ikẹ̌kapuluangu? Kawe nụe i kau limembong mapulu ene?
Basạe manga ayatẹ̌ kạbawohẹ, bọu ene bisarai manga kakiwal᷊o ini:
-
Apa manga ayatẹ̌ ene nakahiborẹ̌ si kau? Apa ene lai makahiborẹ̌ keluarga dingangu manga hapịu?
Kěnang pẹ̌tiněna mạeng keadaan dunia seng nakoạ kere ini:
|
SENG TAWẸ APA . . . |
KĚBỊ TAUMATA SARUNG . . . |
|---|---|
|
|
|
|
|
|
|
|
|
|
5. Dianding Alkitapẹ̌ piạ gunane si kitẹ orasẹ̌ ini
Lawọ taumata nakadodọ naung sarang lai nẹ̌pědu ual᷊ingu nakasilo lawọ masalah nariadi su dunia. Pirang katau nẹ̌tawakal᷊i gunang měmal᷊ui dunia ini makoạ limembong mapaelẹ̌. Pěmanda kerea dianding Alkitapẹ̌ soal u kěbị sarung makoạ mapaelẹ̌ ene nakatul᷊ung taumata orasẹ̌ ini. Putarẹ̌ VIDEONE, bọu ene bisarai manga kakiwal᷊o ini.
-
Su video ene, hal᷊ẹ̌ tawẹ adile apa nikahombangeng i Rafika?
-
Maning hal᷊ẹ̌ tawẹ adile nikasilone ene bědang tawe nailang, kerea Alkitapẹ̌ nakatul᷊ung si sie?
Su tempong i kitẹ mangimang dianding Alkitapẹ̌ soal u pěbawiahẹ̌ su tempo mahi, i kitẹ botonge makal᷊awang pěndang nakadodọ naung dingangu botonge tatapẹ̌ mal᷊uasẹ̌ maning nakahombang haghing masalah. Basa Amsal 17:22 dingangu Roma 12:12, bọu ene bisarai manga kakiwal᷊o ini:
-
Tumuhụ si kau, apa dianding Alkitapẹ̌ soal u pěbawiahẹ̌ su tempo mahi botonge makakoạ pěbawiahu limembong mapaelẹ̌? Kawe nụe i kau nẹ̌pikirẹ̌ kerene?
PIẠ U NAUL᷊Ị: ”Dianding Alkitapẹ̌ soal u pěbawiahẹ̌ su tempo mahi ene tawe tantu mariadi.”
-
Tumuhụ si kau, kawe nụe penting měmarikěsa buktine?
RINGKASAN
Su Alkitapẹ̌, piạ lawọ diandi soal u pěbawiahẹ̌ mal᷊uasẹ̌ su tempo mahi. Manga diandi ene makaghělị si kitẹ pělaharapẹ̌ dingangu makakoạ si kitẹ botonge mẹ̌tatahang maning tụtatěngo haghing masalah.
Apa seng nikaěndungangu?
-
Kawe nụe taumata perlu makasingkạ soal u manga dianding Mawu?
-
Apa niul᷊ịu Alkitapẹ̌ soal u pěbawiahẹ̌ su tempo mahi?
-
Kerea pělaharapẹ̌ soal u pěbawiahẹ̌ su tempo mahi makatul᷊ung si kau orasẹ̌ ini?
PĚMANDA LAI
Pěmandạe kerea pělaharapẹ̌ botonge makatul᷊ung si kau su tempong i kau nakahombang kasasigěsạ.
”Pělaharapẹ̌—Su Apa i Kau Botonge Makaěbạ Ene?” (Sedarlah! 22 April 2004)
Pěmanda kerea pělaharapẹ̌ soal u pěbawiahẹ̌ su tempo mahi nakatul᷊ung si sire apang masakị mawěhạ.
”Tumatěngo Sakị Mawěhạ—Apa Alkitapẹ̌ Botonge Makatul᷊ung?” (Artikel web)
Su tempong mẹ̌biala video musik ini, kěnang pẹ̌tiněna i kau dingangu kěluarganu seng měbẹ̌biahẹ̌ su Firdaus.
Basạe kerea pěbawiahu sěngkatau aktivis nẹ̌bal᷊ui su apang bọu něngěndung dianding Alkitapẹ̌ soal u pěbawiahẹ̌ su tempo mahi.
”Iạ Seng Tawe Nẹ̌pěndang Harusẹ̌ Měmal᷊ui Dunia” (Menara Pengawal, 1 Juli 2013)
