Paskah pěngěngsuenge nitol᷊eng i Yesus ene sěbạe penting. Ual᷊ingu papatene seng marani, i sie mapulu kumaěng jamuan Paskah dingangu manga murite kụ i sie lai něnodẹ perayaan buhu, ene kai Perjamuan Hěbing Tuang. Hakị u ene, i sie nẹ̌dorong si Petrus dingangi Yohanes měnadia tampạ gunang i sie. (Luk 22:7-13; pěmanda gambarẹ̌ sampul.) Ini něgělị laingatẹ̌ si kitẹ tadeạu mẹ̌sasadia gunang Pẹ̌tatahěndungang tanggalẹ̌ 27 Maret. Aramanung sidang seng bọu něngatorẹ̌ i sai měnasẹ̌, manga lambang, dingangu barang bal᷊inẹ. Katewe, kerea i kitẹ hala mẹ̌sasadia gunang Pẹ̌tatahěndungang?

Sadia naungu. Pẹ̌basa lai pẹ̌tiněna pẹ̌bawasang Alkitapẹ̌ gunang Pẹ̌tatahěndungang. Jadwale piạ su bukẹ̌ Menyelidiki Kitab Suci Setiap Hari. Su Lampiran B12 su Kitab Suci Terjemahan Dunia Baru edisi revisi lai piạ jadwal limembong lěngkapẹ̌. (Pěmanda lai Pelayanan dingangu Pěbawiahẹ̌ Kristen Bageang Pěngangěndungang gunang April 2020.) Su tempong ibadah keluarga, kěnang pěngěndung soal u kawe nụe tatěbusẹ̌ kai sěbạe penting. Manga keluarga botonge mědeạ informasi su Indeks Publikasi Menara Pengawal arau su Panduan Riset untuk Saksi-Saksi Yehuwa.

Gausẹ̌ taumata gunang duměnta. Tol᷊e kegiatan khusus gunang měmahiạ undangan. Pẹ̌tiněna i sai sarung gělịkangu undangan kere taumata apang tẹ̌tiwong, apang bọu něngěndung Alkitapẹ̌, hapị, dingangu keluarga. Manga penatua měgausẹ̌ si sire apang tawe aktif. Pẹ̌tahěndung, mạeng taumata nighělịkangu undangan tawe mětẹ̌tanạ su tampạu, i kau botonge mědeạ informasi su jw.org soal u acara Pẹ̌tatahěndungang su tampạ pětatanạkenge. Pědeạ su bageang KEREAPA I KAMI kụ pile ”Pẹ̌tatahěndungang”.

Apa lai botonge koateng i kitẹ gunang měnadia watangeng?