Provérbios 24:1-34
24 Keta laran-moras ba ema aat,No keta kaan atu ransu ho sira,+
2 Tanba sira-nia laran medita kona-ba violénsia,No sira-nia ibun koʼalia deʼit kona-ba halo problema.
3 Ho matenek mak ema sei harii umakain,*+No ho matenek* mak nia bele hametin ida-neʼe.
4 Ho koñesimentu mak nia halo nakonu kuartu siraHo buat folin-boot no ho rikusoin furak oioin.+
5 Ema matenek iha kbiit boot,+No ho koñesimentu mak ema bele aumenta tan ninia kbiit.
6 Ho matadalan neʼebé matenek mak ó sei halo ó-nia funu,+No ho konsellu-naʼin barak mak ó sei manán.*+
7 Ema beik labele hetan matenek neʼebé loos;+Nia la iha liafuan ida atu fó sai iha sidade nia portaun.
8 Ema neʼebé halo planu aat,Ema seluk sei dehan katak nia matenek tebes kona-ba ideia aat sira.+
9 Ema beik nia planu* mak lori nia ba sala,No ema hakribi sira neʼebé gozadór.+
10 Se ó sai laran-triste iha tempu susar,Ó-nia forsa sei menus.
11 Salva ema sira neʼebé lori ona atu bá oho,No kaer netik sira neʼebé laʼo daudaun ba mate.+
12 Se ó dehan: “Ami la hatene kona-ba neʼe”,
Maibé Maromak neʼebé buka-hatene didiʼak ema nia laran* sei hatene ida-neʼe, loos ka lae?+
Sin, Ida neʼebé haree didiʼak ó sei hateneNo nia sei selu fali ba ema ida-idak tuir sira-nia hahalok.+
13 Haʼu-nia oan,* han bani-been bá, tanba ida-neʼe diʼak ba ó;Bani-been neʼebé la kahur buat ida mak midar iha ibun laran.
14 Nuneʼe mós, hatene bá katak matenek mak diʼak ba ó.*+
Se ó hetan matenek, ó-nia futuru sei sai diʼakNo ó sei la lakon ó-nia esperansa.+
15 Keta hanoin aat hodi subar an besik ema laran-loos nia uma atu ataka;Keta harahun ninia fatin atu deskansa.
16 Maski karik ema laran-loos bele monu ba dala hitu, nia sei hamriik fali,+Maibé ema laran-aat sei sidi ba nafatin tanba hasoru susar.+
17 Keta haksolok bainhira ó-nia inimigu monu,No keta sente kontente iha ó-nia laran bainhira nia sidi;+
18 Se lae, Jeová sei haree no sente la kontente ho ida-neʼe,No Nia sei la hirus tan ba ó-nia inimigu.+
19 Labele sai* laran-nakali tanba ema aat sira;Labele laran-moras ba ema aat sira,
20 Tanba ema aat sei la iha futuru;+Ema aat nia ahi-oan sei mate tiha.+
21 Haʼu-nia oan, hamtaʼuk Jeová no liurai.+
No keta ransu ho kontradór sira,*+
22 Tanba susar sei mosu derrepente deʼit ba sira.+
Sé mak bele hatene kastigu neʼebé sira naʼin-rua* sei fó ba ema sira-neʼe?+
23 Liafuan tuirmai neʼe mós husi ema matenek:
Bainhira tesi-lia, la diʼak atu todan ba sorin.+
24 Ema neʼebé hatete ba ema laran-aat: “Ó-nia hahalok mak loos”,+
Povu sira sei fó-malisan ba nia no nasaun sira sei koʼalia aat nia.
25 Maibé sira neʼebé korrije ema laran-aat neʼe sei hetan susesu;+No bensaun neʼebé sira hetan mak buat diʼak.+
26 Ema sei reʼi* sira neʼebé hatán ho laran-moos.*+
27 Prepara ó-nia serbisu iha liʼur, no halo buat hotu prontu iha ó-nia toʼos;Tuirmai mak harii ó-nia umakain.*
28 Keta fó sasin hodi kontra ó-nia maluk se ó la iha razaun.+
Keta uza ó-nia ibun atu lohi ema seluk.+
29 Keta hatete: “Haʼu sei halo ba nia hanesan nia halo ona ba haʼu;No haʼu sei selu fali buat neʼebé nia halo ona ba haʼu.”+
30 Haʼu laʼo liu ema baruk-teen nia toʼos,+No laʼo liuhusi ema beik* nia toʼos-uvas.
31 Haʼu haree katak ninia toʼos nakonu ho duʼut aat;Toʼos neʼe mós iha ai-tarak barak,No ninia moru fatuk nian monu tiha.+
32 Haʼu haree didiʼak no tau ida-neʼe iha haʼu-nia laran;Haʼu haree ida-neʼe no aprende buat tuirmai neʼe:*
33 Toba uitoan tan, dukur uitoan tan,Hikar liman hodi deskansa uitoan,
34 No kiak sei toʼo ba ó derrepente deʼit hanesan naʼok-teen ida,No kiak sei toʼo ba ó hanesan mane neʼebé kaer kroʼat.+
Nota-rodapé
^ Ka “uma”.
^ Ka “ho kbiit atu tetu didiʼak”.
^ Ka “hetan susesu; hetan salvasaun”.
^ Ka “Planu neʼebé beik”.
^ Ka “hanoin”.
^ Orj., “oan-mane”.
^ Ka “buat midar ba ó”.
^ Ka “hatudu”.
^ Ka “sira neʼebé luta atu halo mudansa”.
^ Neʼe katak Jeová no liurai.
^ Orj., “reʼi ibun”.
^ Ka karik “Hatán ho loloos mak hanesan fó reʼi ida”.
^ Orj., “uma”.
^ Orj., “ema neʼebé la iha laran”.
^ Orj., “no simu dixiplina neʼe:”
