Provérbios 3:1-35
3 Haʼu-nia oan,* keta haluha haʼu-nia hanorin,*No halo tuir bá haʼu-nia mandamentu sira ho ó-nia laran tomak,
2 Atu nuneʼe, ó-nia moris bele sai narukNo ó sei moris ho dame.+
3 Keta husik hela domin boot* no laran-metin.*+
Kesi sira iha ó-nia kakorok;Hakerek sira iha ó-nia fuan-laran;+
4 Hodi nuneʼe, Maromak no emaSei kontente ho ó no haree ó nuʼudar ema neʼebé matenek.*+
5 Tau fiar ba Jeová+ ho ó-nia laran tomak,No labele sadere ba ó-nia matenek* rasik.+
6 Hanoin didiʼak kona-ba nia iha ó-nia dalan hotu,+No nia sei halo loos ó-nia dalan sira.+
7 Keta sai matenek iha ó-nia matan rasik.+
Hamtaʼuk Jeová no hasees an husi hahalok aat.
8 Ida-neʼe sei kura ó-nia isin*No fó kmaan ba ó-nia ruin sira.
9 Hahiʼi Jeová ho ó-nia sasán neʼebé folin-boot,+Ho ai-fuan primeiru* husi ó-nia toʼos;+
10 Hodi nuneʼe, ó-nia armazén sei sai nakonu loos,+No ó-nia tua-fatin sei nakonu ho tua-uvas foun toʼo resin.
11 Haʼu-nia oan, keta fila kotuk ba Jeová nia dixiplina,*+No keta odi se nia korrije ó,+
12 Tanba Jeová korrije sira neʼebé nia hadomi,+Hanesan aman ida korrije ninia oan-mane neʼebé nia hadomi.+
13 Ksolok ba ema neʼebé hetan ona matenek+No ema neʼebé hatene atu tetu didiʼak;
14 Tanba hetan matenek mak diʼak liu fali hetan osan-mutin,No hetan ida-neʼe nuʼudar kolen mak diʼak liu fali hetan osan-mean.+
15 Matenek folin-boot liu fali korál;*Neʼe diʼak liu fali buat hotu neʼebé ó gosta.
16 Moris naruk mak iha ninia* liman-loos;Rikusoin no glória mak iha ninia liman-karuk.
17 Ninia dalan sira mak lori ksolok,No ninia dalan hotu mak lori dame.+
18 Se ema kaer metin ba matenek, neʼe sei sai nuʼudar ai-hun moris nian ba sira,No ema neʼebé kontinua kaer metin ba matenek sei sai kontente.+
19 Jeová harii metin mundu ho ninia matenek.+
Nia harii metin lalehan ho ninia matenek.*+
20 Ho ninia koñesimentu mak nia halo bee suli sai husi fatin kleʼanNo mahobeen turuk tun husi kalohan iha lalehan.+
21 Haʼu-nia oan, hanoin-hetan nafatin buat sira-neʼe.*
Proteje matenek no kbiit atu hanoin;
22 Tanba sira sei lori moris ba óNo sei sai nuʼudar korrente murak iha ó-nia kakorok;
23 Nuneʼe ó sei laʼo iha ó-nia dalan ho seguru,No ó-nia ain sei nunka sidi.+
24 Kuandu ó toba, ó sei la taʼuk buat ida;+Ó sei toba, sin, ó sei toba-dukur ho kontente.+
25 Ó sei la taʼuk susar hotu neʼebé mosu derrepente deʼit+No la taʼuk anin-fuik neʼebé sei huu hasoru ema aat.+
26 Tanba ó bele tau fiar tomak ba Jeová;+Nia sei proteje ó-nia ain husi lasu sira.+
27 Keta tahan netik buat diʼak ba ema neʼebé merese atu simu ajuda*+Se ó* iha kbiit atu ajuda.+
28 Se agora ó iha buat ruma atu fó ba ó-nia maluk,
Keta hatete ba nia: “Bá, no mai fali aban, no haʼu sei fó ba ó.”
29 Keta halo planu aat ba ó-nia maluk+Neʼebé tau fiar ba ó.
30 Keta haksesuk malu ho ema ida la ho razaun+Se nia la halo buat aat ida ba ó.+
31 Keta laran-moras ba ema neʼebé gosta halo violénsia+No keta halo tuir ninia dalan sira,
32 Tanba Jeová hakribi ema neʼebé laran-makerek,+Maibé nia sai belun neʼebé besik ho ema laran-loos.+
33 Jeová fó-malisan ba ema aat sira-nia uma,+Maibé nia haraik bensaun ba ema laran-loos sira-nia uma.+
34 Tanba nia sei hamoe ema neʼebé gozadór,+Maibé nia hatudu laran-diʼak ba ema neʼebé haraik an.+
35 Ema neʼebé matenek sei simu glória,Maibé ema beik hafolin liu hahalok neʼebé lori moe.+
Nota-rodapé
^ Orj., “oan-mane”.
^ Ka “lei”.
^ Ka “lia-loos”.
^ Ka “komprende didiʼak”.
^ Ka “kbiit atu komprende”.
^ Orj., “husar”.
^ Ka “Ho buat diʼak liu”.
^ Ka “hanorin; treinu”.
^ Neʼe koʼalia kona-ba matenek.
^ Ka “kbiit atu tetu didiʼak”.
^ Karik neʼe refere ba Maromak nia hahalok sira neʼebé temi ona iha versíkulu sira antes neʼe.
^ Ka “Se ó-nia liman”.
^ Ka “neʼebé ó tenke ajuda”.
