Isaias 41:1-29
41 “Imi illa sira, nonook no rona mai haʼu;Nasaun sira, hetan fali forsa bá.
Hakbesik mai no koʼalia bá.+
Mai ita halibur hamutuk no haʼu sei tesi-lia ba imi.
2 Sé mak hili ema ida husi parte leste,*+No bolu ema neʼe mai iha Ninia ain* atu halaʼo justisa,Atu entrega nasaun sira ba niaNo atu halo nia manán liurai sira?+
Sé mak halo sira sai uut liuhusi ninia surik,No halo sira namkari hanesan duʼut-maran neʼebé anin lori tiha iha ninia rama oin?
3 Nia duni tuir sira, no la iha buat ida mak hanetik niaAtu laʼo tuir dalan sira neʼebé nia seidauk laʼo.
4 Sé mak book an hodi halo ida-neʼe?Sé mak bolu jerasaun sira husi uluk kedas?
Haʼu, Jeová, haʼu mak Ida neʼebé Primeiru;+No toʼo jerasaun neʼebé ikus, haʼu sempre hanesan.”+
5 Illa sira haree ona ida-neʼe no sai taʼuk.
Rai hotu iha mundu tomak komesa nakdoko.
Ema hakbesik no hakat mai oin.
6 Sira ida-idak ajuda sira-nia malukNo dehan ba sira-nia maun-alin: “Sai forte bá.”
7 Entaun badaen sira fó kbiit ba badaen-besi;+Ema neʼebé tuku belar besi ho marretaFó kbiit ba ema neʼebé tuku besi ho martelu.
Nia koʼalia ba ema neʼebé solda besi, hodi dehan: “Neʼe diʼak.”
Tuirmai ema hametin estátua neʼe ho pregu atu nuneʼe nia labele monu.
8 “Maibé oh Izraél, ó mak haʼu-nia atan,+Oh Jacob, haʼu hili ona ó,+Ó mak haʼu-nia belun Abraão nia bei-oan,+
9 Haʼu foti ó husi rai neʼebé dook tebes,+No haʼu bolu ó husi fatin dook.
Haʼu dehan ba ó: ‘Ó mak haʼu-nia atan;+Haʼu hili ona ó; haʼu la soe ó.+
10 Keta taʼuk, tanba haʼu hamutuk ho ó.+
Keta laran-taridu, tanba haʼu mak ó-nia Maromak.+
Haʼu sei hametin ó, sin, haʼu sei ajuda ó,+Haʼu sei kaer metin ó ho haʼu-nia liman-loos justisa nian.’
11 Haree bá! Ema hotu neʼebé hirus ó sei hetan moe boot.+
Ema neʼebé halo funu hasoru ó sei lakon no mate.+
12 Ó sei buka ema sira neʼebé luta hasoru ó, maibé la hetan sira;Ema neʼebé halo funu hasoru ó sei sai hanesan buat neʼebé la iha, no la iha folin.+
13 Tanba haʼu, Jeová, ó-nia Maromak, mak kaer ó-nia liman-loos,Haʼu dehan ba ó: ‘Keta taʼuk. Haʼu sei ajuda ó.’+
14 Keta taʼuk, oh Jacob, neʼebé hanesan ular-oan,*+Imi povu Izraél, haʼu sei ajuda imi”, Jeová, Ida neʼebé Sosa Fali imi,+ Izraél nia Maromak neʼebé Santu mak dehan nuneʼe.
15 “Haʼu halo ó sai hanesan ai-kabelak neʼebé uza atu sama trigu,+Ai-kabelak sama trigu nian neʼebé foun no kroʼat.
Ó sei sama foho sira no harahun siraNo halo foho-oan sira sai hanesan trigu-kulit.
16 Ó sei haliri* sira,No anin sei lori sira ba dook;No anin-fuik sei halo sira namkari.
Ó sei haksolok tanba Jeová,+No ó sei sente orgullu tanba Izraél nia Maromak neʼebé Santu.”+
17 “Ema kiʼik no ema kiak buka bee, maibé bee la iha.
Sira-nia nanál sai maran tanba hamrook.+
Haʼu, Jeová, sei hatán ba sira.+
Haʼu, Izraél nia Maromak, sei la husik sira.+
18 Haʼu sei halo mota suli iha foho-oan sira neʼebé maran+No halo bee-matan sira suli iha rai-tetuk.+
Haʼu sei halo rai-fuik sai fali kolan.No halo rai-maran sai fali bee-matan.+
19 Iha rai-maran haʼu sei kuda ai-sedru,Ai-akásia, ai-murta no ai-piñu.+
Iha rai-tetuk maran haʼu sei kuda ai-juníperu,Hamutuk ho ai-freixu no ai-sipreste.+
20 Atu nuneʼe ema hotu bele haree no hateneNo tau atensaun no komprendeKatak Jeová nia liman mak halo ida-neʼe,No Izraél nia Maromak neʼebé Santu mak kria ida-neʼe.”+
21 Jeová dehan: “Fó sai imi-nia kazu.”
Liurai ba Jacob dehan: “Fó sai imi-nia prova.”
22 “Hatudu prova no fó sai ba ami buat neʼebé sei akontese.
Konta ba ami kona-ba buat neʼebé uluk nian,*Atu nuneʼe ami bele hanoin kleʼan* kona-ba buat sira-neʼe no hatene ninia rezultadu.
Ka fó sai ba ami buat neʼebé atu mosu mai.+
23 Konta ba ami buat neʼebé sei akontese iha futuru,Atu nuneʼe ami bele hatene katak imi mak maromak.+
Sin, halo buat ruma maski diʼak ka aat,Atu nuneʼe ami bele hakfodak bainhira haree ida-neʼe.+
24 Imi hanesan buat neʼebé la iha,No imi la halo buat ida.+
Ema neʼebé adora* imi mak hanesan buat neʼebé foʼer tebes.+
25 Haʼu hili ona ema ida husi parte norte, no nia sei mai,+Ema ida husi lorosaʼe*+ neʼebé sei bolu haʼu-nia naran.
Nia sei sama ukun-naʼin sira hanesan sira mak rai-mean,+Hanesan badaen rai-mean sama rai-mean neʼebé bokon.
26 Sé mak fó sai kona-ba neʼe husi uluk kedas, atu nuneʼe ami bele hatene,Ka husi tempu neʼebé liu ona, atu nuneʼe ami bele dehan: ‘Nia loos’?+
Tuir loloos, la iha ema ida mak fó avizu kona-ba neʼe!
La iha ema ida mak fó sai ida-neʼe!
La iha ema ida mak rona buat ruma husi imi!”+
27 Haʼu mak ulukliu atu fó sai ba Siaun, hodi dehan: “Buat sira-neʼe sei akontese duni!”+
No haʼu sei haruka ema neʼebé lori liafuan diʼak ba Jeruzalein.+
28 Maibé haʼu kontinua hateke, no la iha ema ida;La iha ida iha sira-nia leet neʼebé bele fó konsellu.
Maski haʼu husu beibeik, maibé sira la hatán.
29 Estátua sira-neʼe hotu mak falsu deʼit.*
Sira-nia serbisu mak folin-laek.
Sira-nia estátua besi mak hanesan anin no la iha folin.+
Nota-rodapé
^ Ka “husi fatin neʼebé loro-matan saʼe”.
^ Neʼe katak atu serbí Nia.
^ Neʼe katak kiʼik no labele defende an.
^ Orj., “buat primeiru”.
^ Ka “fó laran”.
^ Orj., “hili”.
^ Ka “husi parte leste”.
^ Ka “mak buat neʼebé la iha”.
