Salmo 31:1-24
Ba dirijente. David nia knananuk.
31 Oh Jeová, haʼu buka ona protesaun husi Ita.+
Haʼu harohan katak haʼu sei nunka hetan moe.+
Salva haʼu tanba Ita-nia hahalok loos.+
2 Favór ida, see tilun* mai haʼu.
Mai lalais atu salva haʼu.+
Sai haʼu-nia fatin seguru iha foho leten,Fatin protesaun neʼebé fó salvasaun ba haʼu.+
3 Tanba Ita mak haʼu-nia fatuk boot no haʼu-nia fatin seguru;+Ita sei lori haʼu no dirije haʼu+ tanba Ita-nia naran.+
4 Ita sei hasai haʼu-nia ain husi rede neʼebé sira tau subasubar atu lasu haʼu,+Tanba Ita mak haʼu-nia uma aas neʼebé seguru.+
5 Iha Ita-Boot nia liman mak haʼu entrega haʼu-nia moris.*+
Oh Jeová, Maromak lia-loos nian,* Ita salva ona haʼu.*+
6 Haʼu odi ema sira neʼebé adora estátua* folin-laek sira,Maibé kona-ba haʼu, haʼu tau fiar ba Jeová.
7 Haʼu sei haksolok tebes tanba Ita-nia domin neʼebé laran-metin,Tanba Ita haree ona haʼu-nia terus;+Ita hatene didiʼak haʼu-nia susar boot sira.
8 Ita la entrega haʼu ba haʼu-nia inimigu nia liman,Maibé Ita halo haʼu hamriik iha fatin neʼebé seguru.*
9 Oh Jeová, hatudu laran-diʼak mai haʼu tanba haʼu iha susar laran.
Haʼu sente laran-taridu toʼo halo haʼu-nia matan+ no isin tomak sai fraku.+
10 Haʼu-nia moris tomak nakonu deʼit ho triste+No haʼu-nia tinan sira nakonu deʼit ho halerik.+
Haʼu-nia kbiit sai menus daudaun tanba haʼu-nia sala;Haʼu-nia ruin sira sai fraku.+
11 Haʼu-nia inimigu sira hotu hatún haʼu,+Liuliu haʼu-nia viziñu sira.
No ema neʼebé haʼu koñese sai taʼuk ba haʼu;Kuandu sira haree haʼu iha fatin públiku, sira halai husi haʼu.+
12 Sira hasai tiha haʼu husi sira-nia neon* no haluha haʼu, hanesan haʼu mate ona;Haʼu mak hanesan sanan-rai neʼebé rahun ona.
13 Haʼu rona ona lia-anin barak neʼebé aat;Taʼuk deʼit mak domina haʼu.+
Bainhira sira halibur hamutuk ho hanoin ida deʼit atu kontra haʼu,Sira halo planu aat atu oho haʼu.+
14 Maibé haʼu tau fiar ba Ita, oh Jeová.+
Haʼu fó sai katak, “Ita-Boot mak haʼu-nia Maromak”.+
15 Haʼu-nia moris* mak iha Ita-nia liman.
Salva haʼu husi inimigu nia liman no husi sira neʼebé haterus haʼu.+
16 Hatudu laran-sadiʼa* ba Ita-nia atan.+
Salva haʼu ho Ita-nia domin neʼebé laran-metin.
17 Oh Jeová, haʼu harohan katak haʼu sei nunka hetan moe kuandu haʼu bolu Ita.+
Halo ema aat sira hetan moe;+No halo sira nonook iha rate* laran.+
18 Haʼu hein katak bosok-teen sira mak sei nonook,+Nuneʼe mós ho sira neʼebé koʼalia ho foti an hodi kontra ema laran-loos no sira neʼebé ho loko an hakribi ema laran-loos.
19 Ita-nia hahalok diʼak mak barak tebes!+
Ita rai hela ida-neʼe ba sira neʼebé hamtaʼuk Ita,+Iha ema hotu nia oin mak Ita hatudu ona laran-diʼak ba sira neʼebé buka protesaun husi Ita.+
20 Ita sei subar sira iha fatin segredu iha Ita-nia oin,+Hodi proteje sira husi ema nia planu aat sira;Ita sei subar sira iha Ita-nia fatin protesaun,Hodi proteje sira husi ema neʼebé koʼalia aat sira.*+
21 Fó hahiʼi ba Jeová,Tanba iha dalan neʼebé kmanek tebes mak nia hatudu ona domin neʼebé laran-metin ba haʼu+ iha sidade neʼebé ema serku ona.+
22 Kona-ba haʼu, haʼu taʼuk tebes no dehan:
“Haʼu sei lakon mohu husi Ita-nia oin.”+
Maibé Ita rona haʼu-nia harohan atu husu ajuda husi Ita.+
23 Oh imi hotu neʼebé laran-metin ba Jeová, hadomi nia bá!+
Jeová sei proteje sira neʼebé laran-metin ba nia,+Maibé nia sei fó kastigu makaʼas ba ema neʼebé hatudu hahalok loko an.+
24 Sai aten-brani no sai forte bá,+Imi hotu neʼebé hein ba Jeová.+
Nota-rodapé
^ Ka “hakruʼuk no rona”.
^ Haree “Ruah” iha Glosáriu.
^ Ka “Ita sosa fali ona haʼu”.
^ Ka “Maromak neʼebé laran-metin”.
^ Ka “fatin neʼebé luan”.
^ Ka “laran”.
^ Orj., “tempu”.
^ Orj., “Halo Ita-nia oin nabilan”.
^ Haree “Siol” iha Glosáriu.
^ Orj., “husi nanál sira neʼebé haksesuk malu”.
