Salmo 38:1-22
David nia knananuk, atu fó-hanoin ba povu.
38 Oh Jeová, keta fó dixiplina ba haʼu ho hirus,No keta korrije haʼu ho laran-nakali.+
2 Tanba Ita-nia rama-oan sira sona borus ona haʼu,No Ita-nia liman hanehan haʼu.+
3 Haʼu-nia isin-lolon tomak sai moras tanba Ita-nia laran-nakali.
La iha dame iha haʼu-nia ruin laran tanba haʼu-nia sala.+
4 Tanba haʼu-nia sala sira barak toʼo liu haʼu-nia ulun;+Sala sira-neʼe todan liu ba haʼu atu lori hanesan naha todan.
5 Haʼu-nia kanek sira dois no dodok onaTanba haʼu-nia hahalok beik.
6 Haʼu neon-susar no laran-triste tebes;Loron tomak haʼu laʼo bá-mai ho triste.
7 Haʼu sente hanesan ahi han haʼu-nia laran;Haʼu-nia isin-lolon tomak moras.+
8 Haʼu la sente tan buat ida no sai rahun ona;Haʼu-nia laran-susar halo haʼu halerik* ho lian makaʼas.
9 Oh Jeová, Ita hatene haʼu-nia hakarak hotu,No Ita rona haʼu-nia halerik.
10 Haʼu-nia fuan fekit makaʼas, haʼu-nia kbiit lakon ona,No naroman husi haʼu-nia matan la nabilan tan.+
11 Haʼu-nia kolega no haʼu-nia maluk sira hasees an husi haʼu tanba haʼu-nia kanek sira,No haʼu-nia belun diʼak sira hadook an husi haʼu.
12 Ema sira neʼebé buka atu oho haʼu, sira tau ona lasu;Sira neʼebé koko atu hakanek haʼu, sira koʼalia ona hodi kontra haʼu;+Sira koʼalia lia-bosok loron tomak.
13 Maibé hanesan ema tilun-diuk, haʼu la rona;+Hanesan ema monok, haʼu la loke haʼu-nia ibun.+
14 Haʼu sai ona hanesan ema ida neʼebé labele rona,Neʼebé la iha buat ida atu koʼalia hodi defende an.
15 Tanba haʼu hein ba Ita, oh Jeová,+No Ita hatán ona mai haʼu, oh Jeová, haʼu-nia Maromak.+
16 Tanba haʼu dehan: “Keta husik sira kontente tanba haʼu-nia terusNo keta husik sira gaba an se haʼu-nia ain sidi.”
17 Tanba haʼu besik ona atu monu,No haʼu sempre sente moras.+
18 Haʼu fó sai ona haʼu-nia sala;+Haʼu sente laran-susar tanba haʼu-nia sala.+
19 Maibé haʼu-nia inimigu sira sai forte no iha kbiit,*Sira neʼebé odi haʼu la ho razaun sai barak tebes.
20 Sira selu fali haʼu-nia diʼak ho buat neʼebé aat;Sira kontra haʼu tanba haʼu hakarak buka buat diʼak.
21 Oh Jeová, keta husik hela haʼu.
Oh Maromak, keta hadook an nafatin husi haʼu.+
22 Favór ida, ajuda haʼu lalais,Oh Jeová, Ita mak haʼu-nia Salvadór.+
