LISAUN 03
Ita bele fiar buat neʼebé Bíblia hatete ka lae?
Bíblia fó sai promesa oioin no matadalan barak. Karik Ita hakarak hatene saida mak Bíblia hanorin, maibé iha tempu hanesan karik Ita mós duvida. Ita bele tau fiar ba promesa sira no matadalan husi livru neʼebé antigu tebes ka lae? Ita bele fiar duni saida mak Bíblia hatete kona-ba moris kontente agora no iha futuru ka lae? Ema rihun ba rihun fiar ida-neʼe. Husi lisaun neʼe, Ita sei haree katak Ita mós bele tau fiar ba Bíblia.
1. Istória sira iha Bíblia laran mak loos duni ka lae?
Eskritura dehan katak Bíblia hakerek ho “liafuan neʼebé loos”. (Eclesiastes 12:10) Bíblia hatoʼo informasaun neʼebé loos kona-ba istória no ema. (Lee Lucas 1:3 no 3:1, 2.) Istória-naʼin barak no arkeólogu sira konkorda kona-ba data, ema, fatin no akontesimentu sira neʼebé temi iha Bíblia laran.
2. Tanbasá ita bele fiar Bíblia maski neʼe mak livru neʼebé antigu?
Dala ruma Bíblia temi kona-ba buat neʼebé ema seidauk hatene iha Bíblia nia tempu. Porezemplu, Bíblia temi kona-ba buat siénsia nian. Iha tempu uluk ema barak la fiar buat neʼebé Bíblia hatete kona-ba tópiku sira-neʼe. Maibé ohin loron siénsia apoia katak buat neʼebé Bíblia hatete mak loos. Bíblia “sempre loos, agora no ba nafatin”.—Salmo 111:8.
3. Tanbasá mak ita bele fiar buat neʼebé Bíblia temi kona-ba futuru?
Bíblia temi kona-ba profesia * sira neʼebé “fó sai buat sira neʼebé seidauk akontese”. (Isaias 46:10) Bíblia fó sai nanis kona-ba buat barak neʼebé ikusmai akontese duni, no mós esplika ho klaru mundu nia situasaun ohin loron. Iha lisaun neʼe, Ita sei aprende kona-ba Bíblia nia profesia balu. Ita sei haree katak profesia sira-neʼe sai loos duni!
KEʼE KLEʼAN
Haree oinsá siénsia apoia buat neʼebé Bíblia hatete, no aprende kona-ba Bíblia nia profesia balu neʼebé sai loos duni.
4. Siénsia apoia buat neʼebé Bíblia hatete
Iha tempu antigu, ema barak fiar katak mundu iha buat ruma nia leten. Loke VÍDEO.
Haree buat neʼebé livru Job hatete iha tinan 3.500 liubá. Lee Job 26:7, depois koʼalia hamutuk kona-ba pergunta tuirmai:
-
Liafuan “mundu la tara ba buat ida” iha eskritura neʼe hatudu saida kona-ba Bíblia?
Loro-matan hamanas tasi-been, no bee nia suar saʼe hodi forma kalohan. Depois, udan tun ba rai, no bee sira-neʼe suli fila fali ba tasi. Maizumenus iha tinan 1800 mak ema foin komprende didiʼak kona-ba siklu bee nian neʼe. Maibé, haree toʼok saida mak Bíblia hatete tinan rihun ba rihun liubá. Lee Job 36:27, 28, depois koʼalia hamutuk kona-ba pergunta tuirmai:
-
Esplikasaun simples kona-ba siklu bee iha eskritura neʼe hatudu saida kona-ba Bíblia?
-
Eskritura neʼe hametin Ita-nia fiar ba Bíblia ka lae?
5. Bíblia fó sai nanis akontesimentu importante sira
Lee Isaias 44:27–45:2, depois koʼalia hamutuk kona-ba pergunta tuirmai:
-
Tinan 200 antes sidade Babilónia lakon, Bíblia fó sai nanis informasaun saida deʼit?
Istória hatudu duni katak liurai naran Ciro husi Pérsia ho ninia tropa ataka sidade Babilónia iha tinan 539 AEC. * Sira keʼe bee dalan husi mota neʼebé haleʼu hodi proteje sidade neʼe, atu nuneʼe mota neʼe suli ba fatin seluk. Tuirmai sira tama ba sidade neʼe liuhusi portaun neʼebé nakloke hela, no manán sidade neʼe laʼós ho funu. Ohin loron, tinan 2.500 liutiha, Babilónia sai deʼit fatin neʼebé rahun no fuik toʼo agora. Haree toʼok saida mak Bíblia hatete nanis kona-ba neʼe.
Lee Isaias 13:19, 20, depois koʼalia hamutuk kona-ba pergunta tuirmai:
-
Oinsá mak profesia kona-ba Babilónia sai loos?
Babilónia neʼebé rahun ona iha rai-Irake ohin loron
6. Bíblia fó sai nanis buat oioin neʼebé akontese ohin loron
Bíblia temi ita-nia tempu ohin loron nuʼudar “loron ikus sira”. (2 Timóteo 3:1) Haree toʼok saida mak Bíblia fó sai nanis kona-ba loron ikus sira:
Lee Mateus 24:6, 7, depois koʼalia hamutuk kona-ba pergunta tuirmai:
-
Saida mak Bíblia hatete kona-ba loron ikus sira?
Lee 2 Timóteo 3:1-5, depois koʼalia hamutuk kona-ba pergunta tuirmai:
-
Tuir Bíblia, ema nia hahalok iha loron ikus sira mak oinsá?
-
Hahalok hanesan saida mak Ita rasik haree akontese ohin loron?
EMA BALU DEHAN: “Istória sira iha Bíblia mak inventa deʼit.”
-
Saida mak evidénsia forte ba Ita rasik katak Ita bele tau fiar ba Bíblia?
PONTU IMPORTANTE
Istória, siénsia no profesia sira hatudu katak ita bele tau fiar ba Bíblia.
Rezumu
-
Istória sira iha Bíblia laran mak loos duni ka lae?
-
Siénsia apoia Bíblia kona-ba saida deʼit?
-
Ita fiar katak Bíblia fó sai nanis kona-ba futuru ka lae? Tanbasá?
BUKA-HATENE LIUTÁN
Buat balu iha Bíblia kontra malu ho siénsia ka lae?
“Siénsia apoia malu ho Bíblia ka lae?” (Informasaun iha jw.org/tdt)
Akontesimentu saida deʼit mak hatudu kona-ba “loron ikus sira”?
“Sinál 6 husi Bíblia neʼebé ita haree sai loos daudauk” (Livru Haklaken, 1 Jullu 2011)
Haree oinsá Bíblia nia profesia sira kona-ba nasaun Grésia sai loos.
Buka-hatene oinsá Bíblia nia profesia troka mane ida nia hanoin kona-ba Bíblia.
“Iha tempu joven, haʼu la fiar Maromak” (Livru Haklaken No. 5 2017)
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
