Oinsá mak teknolojia bele afeta Ita-nia hanoin?
Teknolojia bele ajuda ita hotu atu aprende buat oioin maski ita mak estudante, serbisu-naʼin, ka hakarak aprende buat ruma. Ohin loron fasil tebes ba ita atu hetan informasaun barak hodi la presiza sai husi uma.
Maibé, ema barak neʼebé uza teknolojia beibeik sente . . .
-
susar atu tau atensaun ba buat neʼebé sira lee.
-
labele fokus ba serbisu neʼebé sira halo.
-
baruk lalais kuandu sira mesak.
SAIDA MAK ITA PRESIZA HATENE
LEE
Ema balu lee liu deʼit informasaun no la pasiénsia atu lee informasaun tomak hodi bele hatene hakerek-naʼin nia hanoin.
Se Ita hakarak hetan lalais resposta ba pergunta ruma, la problema atu lee liu deʼit. Maibé kuandu Ita presiza komprende didiʼak kona-ba tópiku ruma no hanoin kleʼan, lee liu deʼit la toʼo.
HANOIN TOʼOK: Ita bele lee no komprende informasaun neʼebé naruk ka lae? Oinsá mak lee ho didiʼak bele ajuda Ita aprende buat barak liután?—PROVÉRBIOS 18:15.
FOKUS
Ema balu hanoin katak teknolojia ajuda sira atu halo atividade rua iha tempu hanesan, porezemplu estuda no iha tempu hanesan haruka mensajen ba kolega sira. Maibé kuandu Ita-nia atensaun fahe ba rua, Ita labele kumpre buat ida ho didiʼak.
Maski susar atu fokus no sees husi buat neʼebé atrapalla ita, maibé ita-nia hakaʼas an sei lori rezultadu diʼak. Joven ida naran Grace hatete: “Neʼe sei hamenus sala no estrese. Haʼu aprende katak diʼak liu fokus ba buat ida no la husik buat ida atrapalla ita.”
HANOIN TOʼOK: Se ita halo buat oioin dala ida deʼit, neʼe halo susar ba Ita atu komprende no hanoin-hetan buat neʼebé Ita aprende ka lae?—PROVÉRBIOS 17:24.
SENTE MESAMESAK
Ema balu la gosta atu mesamesak, tan neʼe sira uza teknolojia atu bele sente kontente. Feto ida naran Olivia hatete: “Maski ba minutu 15 se haʼu la cek haʼu-nia telefone, tablet, ka loke televizaun, neʼe halo haʼu sente baruk ona.”
Maibé atu bele aprende kona-ba buat ruma, ita presiza duni tempu atu mesamesak hodi nuneʼe ita bele hanoin kleʼan.
HANOIN TOʼOK: Ita bele uza Ita-nia tempu mesamesak atu hanoin kleʼan ka lae?—1 TIMÓTEO 4:15.
SAIDA MAK ITA BELE HALO
HANOIN DIDIʼAK OINSÁ ITA UZA TEKNOLOJIA
Oinsá mak Ita bele uza teknolojia atu ajuda Ita aprende kona-ba buat ruma? Oinsá mak teknolojia bele hanetik Ita-nia kapasidade atu fokus no aprende?
BÍBLIA NIA PRINSÍPIU: “Proteje matenek no kbiit atu hanoin.”—PROVÉRBIOS 3:21.
Karik Ita sei gosta
PERGUNTA HUSI JOVEN SIRA
Oinsá haʼu bele aprende atu tau fokus?
Hanoin toʼok kona-ba situasaun tolu bainhira teknolojia bele atrapalla ita no saida mak ita bele halo atu tau fokus liután.
MATAN-MORIS BÁ!
Ita okupadu demais ka lae?
Ema barak sente susar atu fahe didiʼak sira-nia tempu ba serbisu no mós ba família. Tanbasá sira hasoru susar neʼe? Oinsá mak ita bele fahe didiʼak ita-nia tempu?
PERGUNTA HUSI JOVEN SIRA
Diʼak ka lae atu halo buat oioin iha tempu hanesan?
Ita bele ka lae halo buat oioin iha tempu neʼebé hanesan no mós tau fokus didiʼak?
