‘Toko’e ho mpampianatse nareo’ hoe ty Hebreo 5:12. Mba dineho moa zay! I Jehovah ty Mpampianatse fara’e lahibey magneneke ty tane toy. I reke amy izao manasa antikagne mba hampianatse ty miomba aze. Tombotsoa vata’e ty mampianatse ty maregne miomba aze, ndra amy ty keleiantikagne zay, ndra amo o fiangonagneo eo, ndra amy i fanompoagney ey. Faie mitake andraikitse ka zay. A inogne areke ty hagnampe antika hahatrea vokatse?

Hoe ty apostoly Paoly tamy i Timoty: “Mikezaha mafe amy ty vakiteny agnatreha o ndaty maro naho amy ty fagnanaragne vaho ty fampianaragne.” Hoe ka reke: “Naho manao izay rehe, le hamonje ty fiai’o naho ty fiay ze mitsanogne azo.” (1 Tim. 4:13, 16) Mamonje aigne ty hafatse ambarantikagne. Naho izay areke, le hasoao ty vakiteni’o naho ty fampianara’o. Hagnampe azo hahavita izay ty bokekele toy. Intoagne iaby ty raha mampiambake aze:

Hagnasoa ty fahaia’o mamaky teny naho mampianatse ty bokekele toy. Faie ko haligno fa i Jehovah ro tena mahay mampianatse. (Joba 36:22) Boake ama’e ty raha ampianarentikagne, sady i reke ty mitaogne o ndatio hagnantogne aze. (Jaona 6:44) Naho izay, le mivavaha mateteke mba hahazoa’o ty fagnahy masigne. Ampiasao mateteke ty Saontsi’e. Ty heve i Jehovah ro asongadigno, fa tsy ty heve’o. Ampeo ho tea aze ty ndaty irehafa’o.

Hafatse lahibey tsy misy hoe’e ty asae i Jehovah hambara’o. Mbe tsy nisy hoe io amparake izay. Miantehera areke amy ty “hery mein’Andrianagnahare,” le ho vita’o soa o asa iohoe!—1 Pet. 4:11.

Ty mpiara-miasa ama’areo,

Ty Filan-keve-pitantana ty Vavolombelo i Jehovah