కీర్తనలు 11:1-7
సంగీత నిర్దేశకునికి సూచన. దావీదు కీర్తన.
11 నేను యెహోవాను ఆశ్రయించాను.+
అలాంటప్పుడు మీరు నాతో ఈ మాట ఎలా అనగలరు:
“పక్షిలా నీ పర్వతానికి ఎగిరిపో!
2 దుష్టులు ఎలా విల్లు ఎక్కుపెడుతున్నారో చూడు;వాళ్లు చీకట్లో నుండినిజాయితీగల హృదయం ఉన్నవాళ్ల మీద బాణాలు వేస్తారు.
3 న్యాయ పునాదులు పడిపోయినప్పుడు,నీతిమంతులు ఏమి చేయగలరు?”
4 యెహోవా తన పవిత్ర ఆలయంలో ఉన్నాడు.+
యెహోవా సింహాసనం పరలోకంలో ఉంది.+
ఆయన కళ్లు మనుషుల్ని చూస్తున్నాయి, జాగ్రత్తగా గమనించే* ఆయన కళ్లు వాళ్లను పరిశీలిస్తున్నాయి.+
5 యెహోవా నీతిమంతుణ్ణి, దుష్టుణ్ణి పరిశీలిస్తున్నాడు;+హింసను ప్రేమించేవాళ్లంటే ఆయనకు అసహ్యం.+
6 దుష్టుల మీద ఆయన ఉరుల్ని* కురిపిస్తాడు;అగ్నిగంధకాలతో,+ వడగాలితో వాళ్లను శిక్షిస్తాడు.
7 ఎందుకంటే యెహోవా నీతిమంతుడు;+ ఆయన నీతికార్యాల్ని ప్రేమిస్తాడు.+
నిజాయితీపరులు ఆయన ముఖాన్ని చూస్తారు.*+
అధస్సూచీలు
^ లేదా “ప్రకాశవంతమైన.”
^ లేదా “నిప్పుల్ని” అయ్యుంటుంది.
^ లేదా “ఆయన అనుగ్రహాన్ని పొందుతారు.”
