“Edeke . . . emwatari akiyo kere kakonyenekec, mam bobo ejaun atwanare, karaida akuudian, karaida aimony, karaida ariebo, mam bobo ejaunos; naarai atuboros nusodit.”​—Apukokinio 21:3, 4.

Aswam na isialamikinit ido kojai apolou.​—Isaia 65:21-23.

Emameun bobo adek arai aiticanitoi naedio eipone kere.​—Isaia 25:8; 33:24.

Aijar namam edaun naeyalama keda lukokale ka ipapero.​—Isabulin 37:11, 29.

Eebo, kanu akiro aarei:

• Ejaatar Edeke ka apedor naitodolikin akesumuneta. Kotoma Obaibuli, Edeke Yawe bon nges enyaritai “Lokapedor Kere,” kanu narai ejaatar apedor namam itiriano. (Apukokinio 15:3) Aso ejaatatar nges cut ka apedor na aitodolikin akesumuneta kanu aijulakin akwap wok ajokunar. Kwape ebalar Ebaibuli, “konye kama ejai Edeke epedoros kere.”​—Matayo 19:26.

• Ejaatar Edeke ka eipud lo aitodolikin akesumuneta. Kwape aanyuneta, ejaatar Yawe ka “eimiel” lo aiyakakin aijar kotunga luetwakitos.​—Yob 14:14, 15.

  Itodunit bobo Ebaibuli ebe abu Okuku Loka Edeke Yesu kitangaleu itunga lukadekak. Kanukinyo eswama nges ngun? Naarai akoto nges. (Marako 1:40, 41) Abu Yesu kitodu cut ipokesio apapake kanu aingarakin ngun luepudasi aingarakinio.​—Yokana 14:9.

  Aso ipedori oni amunokin ebe Yawe keda Yesu ekotosi oni alelakin aijar nakoingaren!​—Isabulin 72:12-14; 145:16; 2 Petero 3:9.