Панднома 25:1-28
25 Инҳо низ пандҳои Сулаймон аст,+ ки одамони Ҳизқиё,+ шоҳи Яҳудо, ҷамъ оварда, нусхабардорӣ карданд.
2 Бузургии Худо пӯшида доштани асрораш асту+Бузургии подшоҳон кофтани таги масъала.
3 Чуноне ки осмон баланду замин бетаг аст,Ончунон дили подшоҳ ақлнорас аст.
4 Нуқраро аз ғилу ғаш тоза кунВа он пурра гудохта шуда, пок мегардад.+
5 Бадкорро аз ҳузури подшоҳ дур созВа тахти ӯ бар росткорӣ пойдор мегардад.+
6 Дар пеши подшоҳ иззатталабӣ накун+Ва дар миёни калоншавандагон нашин,+
7 Зеро беҳтар аст, ки ӯ бигӯяд: «Аз боло гузар»,Назар ба он ки туро дар ҳузури соҳибмансабе паст занад.+
8 Саросемавор мурофиаро сар накун,Зеро дар охир, вақте ёрат шармандагиятро барорад, чӣ кор мекунӣ?+
9 Вақте дар мурофиа дар ҳаққи касе даъво кунӣ,+Сири дигаронро, ки ба ту гуфтаанд, фош насоз,+
10 То касе, ки суханатро мешунавад, туро шарманда насозад.
Охир, овозаро паҳн кунӣ, пеши роҳашро гирифта намешавад.
11 Сухани баҷо мисли себҳои тиллоӣДар зарфи нуқрагин аст.+
12 Танбеҳи марди хирадманд барои гӯши шунавоМисли гӯшвори тиллост ва зеварест аз зари холис.+
13 Муждарасони боваринок барои фиристандагонашМисли салқинии барф дар рӯзи тафсони дарав аст,Зеро ба хӯҷаинаш тароват мебахшад.+
14 Шахсе, ки дар бораи туҳфаи надода лоф мезанад,Мисли абру шамоли беборон аст.+
15 Бо сабру тоқат дили сардорро ба даст меорӣВа забони нарм устухонро мешиканад.+
16 Агар асал ёбӣ, ба қадри даркорӣ бихӯр,Аз ҳад зиёд нахӯр, ки онро қай мекунӣ.+
17 Ба хонаи ёрат тез-тез нарав,То аз ту хаставу безор нашавад.
18 Марде, ки бар зидди ёраш шоҳидии дурӯғ медиҳад,+Мисли калтаку шамшер ва тири нӯгтез аст.
19 Рӯзи мусибат такя ба он кӣ дар ӯ боварӣ нест*,Мисли дандони лиққонак ва пойи ларзон аст.
20 Ҳар кӣ ба дилшикаста суруд хонад,+Мисли касест, ки дар рӯзи сард либос мекашадВа ба сирко ишқор мерезад.
21 Агар душманат гушна бошад, ба ӯ нон деҳ,Агар ташна бошад, ба ӯ об деҳ,+
22 Зеро бо ин рафторат бар сари ӯ лахчаҳои оташ ҷамъ меорӣ*+Ва Яҳува туро мукофот медиҳад.
23 Шамоли шимолӣ борони сел меорадВа забони ғайбатгӯ чеҳраи хашмгин.+
24 Зистан дар кунҷи бомБеҳ аз он ки бо зани ҷангара* дар як хона бошӣ.+
25 Хабари хуш аз роҳи дурМисли оби хунук барои ташна аст.+
26 Росткоре, ки ба гапи бадкор медарояд*,Мисли ҷӯйи лойолуд ва чоҳи хароб аст.
27 Асали бисёр хӯрдан хуб нест,+Шуҳратталабӣ низ шуҳрат намеорад.+
28 Ҳар кӣ худдорӣ надорад,+Мисли шаҳри рахнашуда, шаҳри бедевор, аст.
Поварақҳо
^ Ё, эҳтимол, «такя ба хоин».
^ Чунин рафтор метавонад дили шахсро нарм кунад, ҳамон тавре ки гармии лахчаҳо оҳанро об мекунад.
^ Ё «шикоятгар».
^ Ё «пеши бадкор сустӣ мекунад».
