ምድርና ንህይወት እትምሽእ መንበሪት እያ። ንህይወት ኣገዳሲ ዝዀነ ብዙሕ ማይ ኣለዋ። ብዘይካዚ፡ ቅንን ዝበለት ምዃናን እትገብሮ ዙረትን፡ ውቅያኖሳት ናብ በረድ ንኸይቅየር ወይ ሃፊፉ ንኸይውዳእ ዚሕግዝ እዩ። ሃዋህውን ማግነታዊ ዓውድን ምድሪ እውን እንተ ዀነ፡ ካብ ኣዝዩ ሓደገኛ ነገራት የዕቍበና እዩ። እቲ ኣብ ምድሪ ዚርአ፡ ኣብ መንጎ ኣትክልትን እንስሳታትን ዘሎ ርክብ፡ ኣዝዩ ዜደንቕ እዩ። በዚ ምኽንያት እዚ እዮም ብዙሓት ሰባት፡ ምድርና ብዕላማ ኸም እተነድፈት ዚኣምኑ።—ኢሳይያስ 45:18 ኣንብብ።

ኰይኑ ግና፡ ‘መከራን ግፍዕንከ ኽፍሊ እቲ ዕላማ ድዩ፧’ ኢልካ ትሓትት ትኸውን።—ዘዳግም 32:4, 5 ኣንብብ።

ምድሪ ነቶም ንሓድሕዶም ዚከባበሩን ንፈጣሪ ዜፍቅርዎን ሰባት ክትከውን ተባሂላ እተነድፈት ባህ እተብል መንበሪት እያ። ስለዚ፡ ሰብኣዊ ህይወት ካብ ህይወት ኣትክልትን እንስሳታትን ዚበልጽ ዕላማ ኣለዎ። ፈጣሪና መን ምዃኑ ኽንርዳእ፡ ንፍቕሩን ንፍትሑን ካብ ዘሎና ኣድንቖት ተበጊስና ድማ ንዕኡ ኽንመስሎ ንኽእል ኢና።—መክብብ 12:13፣ ሚክያስ 6:8 ኣንብብ።

እቲ ንዓና ዝገበረና ፈጣሪ፡ ንዅሉ ዕላማኡ ኺፍጽሞ ይኽእል እዩ። ስለዚ፡ ንመከራን ንግፍዕን ኣወጊዱ፡ ንምድርና እንደገና ንደቂ ሰብ እትምሽእ ፍጽምቲ መንበሪት ከም ዚገብራ፡ ርግጸኛታት ክንከውን ንኽእል ኢና።—መዝሙር 37:11, 29፣ ኢሳይያስ 55:11 ኣንብብ።