IYOUKURA—I HENEN Julai 2017
Iyoukura ne ngi a ngeren mba timen sha mi mba hii ken Agusutu 28 zan zan Setemba 24, 2017.
Ve Na Ayol a Ve u Za Eren Tom ken Tar u Turkey
Ken inyom i 2014 la, i er kyampen i vesen i kwaghpasen ken tar u Turkey. Yange i er kyampen ne sha ci u nyi? Lu nyi man nyi due kere?
Ker Inyaregh ki Mimi
U fatyô u eren tom a uyôughyôughmbaakaav u seer taver ikyar i ye a Aôndo la nena?
‘Vaa Nen a Mba Ve Vaan la Imôngo’
Or u nan lu zungwen ku u or u nan la nana fatyô u zuan a ishimasurun nena? U fatyô u eren nyi sha u wasen nana?
Gba u Se “Wuese TER” sha ci u Nyi?
Pasalmi 147 umbur se atôakyaa kpishi a se lu a mi u wuese Orgban se shi sughun un yô.
‘Yehova a Er sha Awashima Wou Cii’
Gba u agumaior aa tsua gbenda u ve soo u eren kwagh ken uma la. Mhen la ka kwagh u cier iyol, kpa ior mba ve keren kwaghwan hen Yehova yô, una ver ve.
Hemba Ityav Mbi Satan A Lu Nôngon Ér Una Vihi Mhen Wou La
Satan ngu samber a aie u vihin tsung. U fatyô u palegh aie shon nena?
Mbampin mba Mbaôron Takerada Ne Ve Pin La
A doo u Orkristu nana lu a gbuuka, er annamkyegh shin kerakuna nahan, sha ci u kuran iyol i nan a mi shighe u uumace mbagenev ve soo u bulan nan yôô?
