Ior Kpishi sha Tar mba Nôngon a Mbamzeyol mba ken Ishima
“Ashighe kpishi ka mea tema ken iyou mo tswen je kpa ishima i nyian mo.”
“Ka a saan mo iyol kpishi kpa ishima i zam iyol. Sha ci u ashighe kpishi ka a saan mo iyol nahan, ica i gba ga tsô maa kwagh u vihin a erem.”
“Ka m soo mer me ver ishima sha mbamzeyol av mba sha iyange i môm. Kpa ica i gba ga tsô m yem henen sha mbamzeyol mbagen kpaa.”
Ior mba i ôr kwagh ve heen mban cii mba nôngo a ishimanyian. Imbakwagh ne i vande eren we shin ma or wou-wee?
Fa wer ka we tswen u lu nôngon a zayol ne ga. Ior kpishi sha tar nyian mba a mbamzeyol mba ve lu nan ve ishimanyian yô, a lu mba vev shin mba ior vev kpaa.
Ikyav tese wang ér, se mba ken ‘ashighe a bo shi uma taver,’ nahan ka se tagher a mbamzeyol atô kposo kposo. (2 Timoteu 3:1) Kwaghtôvon ugen tese ér, sha tar cii or môm ken atô u iorov anigheni ka nan nôngon a zayol u ken ishima. Ken inyom i 2020 la, bouange u Korona ne na yô, iorov mba kuman er miliôn 78 nahan seer zuan a angev mbu ishimanyian shi mbagen ure kpishi.
Doo u se fa er ior kpishi ve lu nôngon a ishimanyian shi ve ure kpishi kpaa yô. Nahan cii kpa, hemba doon u se fa kwagh u se er ve se man ior asev cii se palegh zayol ne yô.
Mkpeyol u ken ishima ka nyi?
Ka shighe u or lu henen kwagh sha inja shi i kundu nan iyol shi nan lu eren akaa sha inja yô. Ka nan fatyô u nôngon a ishimanyian shi nan eren tom sha inja shi i saan nan iyol kpaa.
Or ka nana lu a an-zayol ken ityou yô, i tese ér nyi?
-
Ka i tese ér nan er kwagh u shami ga ZE, shin ka ibo i nan shin ka sha ci u nan gba kera yum GA.
-
Kwagh ne KA angev mbu ka mbu na ishima i nyian or kpishi shi nan henen kwagh sha inja ga shi i taver nan u gban ishima shimi eren kwagh sha inja yô.
-
Angev mbun ka mbu na i taver or u yan ijende a mbagenev, shi i taver nan u eren akaa a i gbe u nana eren ayange ayange la.
-
Mbu a fatyô u eren organden shin wanye u ken hanma ikyurior shin zwa shin kwaghaôndo. Nana fa takeda shin nana fa ga, nana lu icanor shin ornyar je kpaa.
Kwagh u una wase u u nôngon a mbamzeyol mba ken ishima yô
Aluer we shin or wou nan ngu fantyô u yaven shin yan kwagh ga shin ishima ngi nyian nan karen ikyaa inya shin nan ure kpishi yô, za ker iwasen hen ortwer sha er u fa kwagh u a lu zayol la, shi a sôr un yô.
Shighe u Yesu Kristu lu shin tar la, yange hemba kwaghfan sha won cii. Yange kaa ér: “Ka mba ve lu gbang gbang la kwagh a gbe ve a ortwer ga, kpa ka mba ve lu uange la kwagh a gbe ve a ortwer ye.” (Mateu 9:12) Ka a doo or iyol ga ve nana ker iwasen hen mbatwerev shi nana ma icigh ki i tese nan la yô, kwagh la a pande zayol u nan shi i hemba saan nan iyol kpaa. Shighe u i doo or iyol ga yô, doo u nana timbir u za keren iwasen hen mbatwerev ga. a
Shin er Bibilo i lu takeda u tweregh ga nahan kpa, ia fatyô u wasen se shighe u kwagh a ze se iyol yô. Se mba kaan a we ser ôr ngeren mba ve tese er Bibilo ia wase se u nôngon a mbamzeyol mba ken ishima mban yô.
a Iyoukura ne ngi tesen or inja tweregh i nana er ga. Hanma or nana hen sha kwagh u nan soo la tsembelee cii ve nana tsua u eren ye.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Bibilo Ia Fatyô u Wasen Mo Zum u Ishima i Vihim Yôô?
Akaa atar a Aôndo ka a na se mgbeghaa shighe u ishima i vihi se yô
ATESEN A BIBILO A HANGE HANGE
Er Nan Ve Aôndo A De Ér Ican i Er Ioro?
Mlumun u Bibilo i ne la wanger shi ka u surun ishima kpaa.
KURAN NEN!
Kwagh Ngu Zan Agumaior Kpishi Iyol ken Ityough Hegen man Iyenge la Ngi Seer a Seer—Ka Nyi Bibilo i Ôr sha Kwagh Laa?
Bibilo ngi a akaawan a a wase agumaior a a lu tagher a mbamzeyol mba ken ityo yô .
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
